Текст книги "Хрестоматия по истории СССР. Том 1"

Автор книги: Владимир Лебедев

Соавторы: В. Сыроечковский,М. Тихомиров
сообщить о нарушении

Текущая страница: 30 (всего у книги 46 страниц)

111. ЖАЛОВАННАЯ ГРАМОТА ИВАНА ГРОЗНОГО ГРИГОРИЮ СТРОГАНОВУ (1564 г.)

«Дополнение к актам историческим», т. I, № 117.

Се аз царь и великий князь Иван Васильевич всеа Русии, преж сего в лете 7000 в шестьдесят шестом году[133]133
  В лето 7000 в шестьдесят шестом году – в 1558 г.


[Закрыть] в априле в четвертом числе, пожаловал есми Григория Аникеева сына Строганова: что мне бил челом, а сказывал, что деи в нашей отчине ниже Великие Перми, за восемьдесят за восемь верст, по Каме реке, по правую сторону Камы реки с усть Лысвы речки, а по левую деи сторону реки Камы против Пызноские курьи, по обе стороны по Каме до Чюсовые реки места пустые, лесы черные, речки и озеры дикие, острова и наволоки пустые, а всего деи того пустого места сто сорок шесть верст; и прежде деи сего, на том месте, пашни не пахиваны, и дворы деи не стаивали, и в мою деи цареву и великого князя казну с того места пошлина никакая не бывала, и ныне не отданы никому, и в писцовых де книгах и в купчих и в правежных то место не написано ни у кого; и Григорий Строганов бил нам челом, а хочет на том месте городок поставити, и на городе пушки и пищали учинити, и пушкарей и пищалников и воротников устроити, для береженья от Нагайских людей и от иных орд, и около того места лес по речкам и до вершин и по озерам сечи, и пашню росчистя пахати, и дворы ставити, и людей называти неписменных и нетяглых, и росолу искати, а где найдется росол, и варницы ставити и соль варити; и мне б Григорья Строганова пожаловати, велети б ему на том месте городок поставити собою, а на городе пушки и пищали учинити и пушкарей и пищалников и воротников устроити собою для береженья от Нагайских людей и от иных орд, и около б того места лес по речкам и до вершин и по озерам велети сечи, и пашни росчистя велети пахати, и дворы ставити, и людей велети называти, и в том бы месте велети росолу искати, где найдется, и соль бы ему тут велети варити. И здеся на Москве казначеи наши про то место спрашивали пермитина Кодаула, а приезжал из Перми ото всех пермичь с данью и казначеем нашим, пермитин Кодоаул сказал о котором месте нам Григорей бьет челом и те деи места искони вечно лежат впусте, и доходу в нашу казну с них нет никоторого, и у пермич деи в тех местах нет уго-жаев никоторых. И ож будет так, как нам Григорий бьет челом и пермяк Кодаул сказывал… и яз царь и великий князь Иван Васильевич всеа Русии Григорья Аникеева сына Строганова пожаловал, велел есми ему на том пустом месте… на черных лесех городок поставити, где бы было крепко и усторожливо, и на городе пушки и пищали учинити, и пушкарей и пищалников и воротников велел есми ему устроити собою, для береженья от Нагайских людей и от иных орд, и около б того городка ему по рекам и по озерам и до вершин лес сечи и пашни около того городка роспахивати, и дворы ставити, и людей ему в тот городок неписменных и нетяглых называти… А тяглых людей и письменных к себе не называти и не приимати; а воров ему и боярских людей беглых, с животом, и татей и разбойников не принимати ж… А где в том месте росол найдут, и ему тут варницы ставити и соль варити, и по рекам и по озерам в тех местех рыба ловити безоброчно. А где будут найдут руду серебряную, или медяную, или оловяную, и Григорью тотчас о тех рудах отписывати к нашим казначеям, а самому ему тех руд не делати, без нашего ведома; а в Пермские ему ухожеи> и в рыбные ловли не входити. А льготы есми ему дал на двадцать лет, от Благовещеньева дни лета 7000 шестьдесят шестого до Благовещеньева дни лета 7000 восемьдесят шестого: и кто к нему людей в город и на посад, и около города на пашни и на деревни и на починки, придут жити неписменых и нетяглых людей, и Григорью с тех людей, в те льготные двадцать лет, не надобе моя царева и великого князя дань, ни ямские ни ямчюжные денги, ни посошная служба, ни городовое дело, ни иные никоторые подати, ни оброк с соли и с рыбных ловель, в тех местех…

А кто у него учнет в том его городке людей жити пашенных и непашенных, и нашим Пермским наместником и их тиуном Григорья Строганова, и что его городка людей и деревеньских, не судити ни в чем;… а ведает и судит Григорей своих слобожан, сам во всем…

А что будет и нам Григорей по своей челобитной ложно бил челом, или станет не по сей грамоте ходити, или учнет воровата, – и ся моя грамота не в грамоту.

112. ПОХОД ЕРМАКА В СИБИРЬ

«Ремезовская летопись» («Сибирские летописи», изд. Археографической комиссии, 1907, стр. 322–332).

35 статья. Ермаку же тогда пребывающу в Чингыде граде, внегда ж приспе путь струговой, майя в 9 день 7089 году[134]134
  7089 году – 1681 года. 2 Агуны и абызы – представители мусульманского духовенства. 3 Кумир – изображение божества.


[Закрыть] поплыв вниз по Туре со всяким искусом неспешно, доехав до устья Туры реки, ту ожидаше 6 князьков Маитмаса, Каскара, Варваринны, и бишась по мнози дни.

36 статья. Вой же с Ермаком остася 1060 человек; и многих бусурман побиша и божиею помощью одолеша и множество имений взяша, яко стругом их не поднята, и погребоша то имение в земли на усть Туры реки.

37 статья. По первой брани с Кучумляны июня 8 день поплыша вниз по Тоболу реке воююще и живуще делно; доплывш до урочища Березового Яру, ту бе великий бой по многи дни; быша бусурманы ж яко овцы из гнезд своих стрекаще, казацы ж божиею помощью и явлением стратах силы господни и тех побиша.

38 статья. Оттоле поплыша вниз по Тоболу июня в 29 день и доплыша до урочища Караулнаго Яру; ту бе на Тоболе место уское, кучюмляне же оградиша чрез цепми железными, яко да удержат вся струги и казаков убиют; бе же тут город опасной кучюмов есаула Алышая, и ту бишась 3 дни, день и нощь, нещадне, казацы ж одолеша и цепи розломаша и ироплыша с кусты таловыми.

39 статья. И проплыв до усть Тавды реки и стояша 5 неделю, размышляша, яко да идут с вожаками вспять по Таведе вверх и через Камень вогуличами да возвратятся.

40 статья. К Кучуму же весницы непрестанно возвещаша, о многом собрании казаков и о побивании своем, яко разорены кажуще сечение бердышей и палашей раны своя; Кучюм же плакашеся их и паче ярняшеся на казаков.

41 статья. Ермак же со единомысленниками своими, надеялся на божию помощь, поплыв вниз по Тоболу июля в 8 день и доплыв до Бабасана мурзы, и ту Ермаков ертаульный струг предний похитиша бусурманы пред ними с версту; казацы ж велми грянуша и удариша таково предивно, яко противным многим вдруг в один раз убиенным быти, овии ж вскоре разбегошась в различные места; и ту своих выручиша вскоре, невредных.

42 статья. Собрание же вой чюваши, казачьи орды, вогуличи, остяки и вси татарове отпустив Кучюм из города своего с сыном своим Маметкулом по Тоболу на встречю Ермаку, сам же учинив засеку под Чюваши на Иртыше реке и грады окопъми укрепив и на усть Тоболу крепкую стражу поставив.

43 статья. Таковая высылка с царевичем Маметкулом стретоша Ермака июля в 21 день в Бабасанах на усть озера на Тоболе, и сразишася нещадно и за руки взяшася, тако секущеся, яко конем по чрево бродити в крови их и в трупу поганском; и бишася 5 дней стояще, не пропущая стругом вниз; по сем з богом казацы одолеша и протчих прогнаша, и царевичь беже; и по явлению святителя Николы чюдотворца дерзати повеле, и поплыша вниз.

61 статья. Октября в 1 день изыдоша с кучюмляны на брань до засеки в стругах и ту приступиша крепце, бияхуся с самем Кучюмом, хотяще взяти Чювашский град на горе Чювашской и ту засясти на зиму, да «пребудем в сидении сохранно», яко крепок бе Чювашский град окопми. И того дни бишася, и невредимы помощию великаго бога проплыв, вспять в Атинской городок возвратишася и седоша ту.

63 статья. Умыслиша жь вси казацы на совершенный удар, и ее брань 4-ая с кучюмляны. Кучюму же стоящу на горе и с сыном его Маметкулом у засеки, егда жь казацы по воли божий изыдоша из города единогласно глаголюще: «С нами бог, разумейте, языцы, и покорятеся, яко с нами бог». И разишася вси воедино, и бысть брань велия октября в 23 день, емлющесь за руки, секуще противныя своя. Кучюму же с горы стреляющу, казацы жъ огнем поганых множество попаляша без исцелении, убиваша; погании же, нудими Кучюмом, от казаков велми оску-деваша, плакашася неволно биющеся, умирающе.

64 статья. Оружия же не бе у кучюмлян, точию луки и стрелы, копия и сабли; бе же 2 пушки у чюваш: козацы ж умолвиша голк их; они же бросиша их с горы в Ыртыш. Стояше Кучюм на Чювашской горе и видев многое падение своих, – зелно плакашеся сам и вси погани, и повеле агуном и абызам² своим вопити велми кумиром³ молитву свою, спяша бо боги их; и безпомощен пребыв и безчестен, нудим невидимою божиею силою и по-мышля бежати; и бишася3 дни без опочиву неотступно.

65 статья. Октября 24 день первее всех низовые остяки князки от кучюмова повеления и раменту отступиша и бегу яшася безвозвратно бежати во свояси, вскоре и пребывати, яко скот в диких лесах, да невидими будут человеком руским; бысть же сей их обычай и до днесь при родех наших, еже бежать и незнатным быть.

68 статья. Видев же Кучюм царства своего конечное лишение и разорение всем, бежав из града своего Кашлыка, еже Сибирь зовома, октября в 26 день, по явлении нощию; встав тайно и всем своим рече: «Бежим немедленно, донележе вси зле не умрем от казаков наглою смертию». И вси из града невозвратно бегоша на степ в Казачью орду на прежное свое селение; грады жь Чювашской и Кашлык, Сузгун, Бишик, Абалак и протчие, гоними невидимою божиею силою, оставиша пусты.

69 статья. Вечеру бывшу, 25 день, и преста подчювашская брань: казаки отъидоша за реку и обначеваша со стражею; во утрии же восташа, помолишася богу и прославиша явльшагося им заступати во граде их великомученика Димитрия Селунскаго и поидоша без боязни во град Сибирь, еже Кашлык, и внидоша во град в лето 7090 октября в 26 день.

113. СОБОРНЫЙ ПРИГОВОР О ЗАПРЕЩЕНИИ ДУХОВЕНСТВУ ПРИОБРЕТАТЬ ОТЧИНЫ (1581 г., января 15)

«Акты Археографической экспедиции», т. I, № 308.

Лета 7089 генваря в 15 день, государь царь и великий князь Иван Васильевичь всеа Русии, с сыном с царевичем Иваном Ивановичем и с отцом своим Онтонием митрополитом всеа Русии и со всем освященным собором и со всеми бояры, приговорили о землях, которые за монастыри вотчины куплены и вклады даваны, и грамота по тому приговору написана, и по той грамоте и по уложенью в Поместной избе дьяком и делати…

Собрахомся в преименитом граде Москве, некоих ради церковных вещей и паки же от належащего варварского ради прешения, от Турского, и от Крымского, и от Нагай, и от Литовского короля, с ним совокупившиеся ярым образом Польша, Угры и Немцы Лифлянские и другие Свейские; сии вси совокупишася дивии звери, роспылахуся гордостью дмящеся, хотяху потребити православие: мы же, сих ради, с благочестивым царем нашим поболехом зелне, и многое попечение о сем благочестивый царь наш, с сыном своим царевичем со князем Иваном и со своими бояры и со всем своим синклитом, сотвори яко довлеет его царская власть, в них же силного внесена бывша некая и яко возложения благословися села и пожни или иная земленая угодья, еже по священным епископьям и святым монастырем в пустошьях изнуряются, ради пьянственного и непотребного слабого жития многообразие, многая же и в запустения приидоша, яко же бо по монастырем сия запустеваху, а к тому от мирских живущее прилагаху, не токмо же по благословения вине, но и с ухищрением и тяжею, и прибытка никоего же нет, но разве токмо по монастырем в пустоши изнуряется и на ественная и на иные про-торы, якоже не токмо инок, но и монастырских свыше потреб не подобает творити, и сия, убо по монастырем в пустоши и избрахуся паче потребы, и воинственному чину от сего оскуденья приходит велие.

И сего ради… уложихом сице, да церкви божия священные места без мятежа будут, а воинский чин на брань, против врагов креста христова ополчается крепцы, сице устроихом: да елико есть земель и земляных угодий, елико недвижимых вещей, иже есть села и деревни и пожни и сенажати, что до него данная и возложения благословися в митрополии и в епископьях и по монастырем, да ничто же претворяется, из митропольи и из епископий и из монастырей не исходит и вотчины, никоторым судом и тяжбою, у митрополита и у владык и у монастырей не емлют и не выкупают; а кто которое место и не утвердили крепостьми, и того у монастыря не выкупати и вперед с монастыри о вотчинах не тягатися.

А с сего дня вперед, генваря месяца с 15 числа, вотчинником вотчин своих по душам не отдати, а давати за них в монастыри Денги, которые села чего стоят, а село имати вотчинником, хотя кто и далече в роду; а буде у кого роду не будет и дальнего, и та вотчина имати на государя, а денги за нее платити из казны; а митрополиту и владыком или монастырем земель не покупати и в закладе не держати, а кто после сего уложенья купит землю или закладную учнет за собою держати и те земли имата на государя.

114. ИЗ ПЕРЕПИСКИ ИВАНА ГРОЗНОГО С АНГЛИЙСКОЙ КОРОЛЕВОЙ ЕЛИЗАВЕТОЙ ОБ АНГЛИЙСКОЙ ТОРГОВЛЕ В РОССИИ (1581–1582)

«Сборник Русского исторического общества», СПБ 1883, т. 38, стр. 8–10.

И июля в 3 день приехал к Москве с морского пристанища с Холмогор, аглинские земли торговой человек, Онтон Иванов, а привез государю царю и великому князю Елизавети королевны грамоту: а сказал, что с ним тое грамоту послали с Колмогор аглинские гости Иван Романов с товарыщи.

А се перевод с ангилейские с Елизавет-королевнины грамоты.

Вельможнейший царь и возлюбленный брат. Сначала, как наши гости сперва почали торговати в вашем царстве, не бывало никаковы помешки в. торговленном деле не токмо в большом граде Москве, ни на реке на Двине, ни на Волге, ни в которых местах, ни в Ливони, и которые им места к торговле годны были и ни в которых в поморских пристанех и урочищах, в северной и в полуденной стране шкоты[135]135
  Шкоты – шкода, вред.


[Закрыть] не было и в той поволностной торговле, твоею величественною великою жаловалною грамотой владели всех больши от морсково пристанища, от Николы чюдотворца до Колы волости и по всем Колским волостям. И не в давне ныне проведали мы, по гостей наших челобитью, что им в Кегоре да в Печенге торговати не велено по приказу короля датцкого, потому что король Датцкой те волости называет к своей земле, и грамоты жаловалные на те волости велит у себя имать, и пошлины с тех волостей велит себе жь платить, а опроче собя с тех волостей пошлин иному никому не велит платить. И мы ныне тому дивимся, что прежь сего таковы заповеди не слыхали и про то ныне тобе извещаем, что твое величество о тех волостях к нам подлинно ведомо учинишь. А мы не хотячи никоторыми обычаи твоей царской земле убытка учинити ни в которых в тех странах, да не хотим же брата нашего короля датцкого в убытке и в обидах ни в каких учинити. Да ныне б нам по твоей царской грамоте ведомо было: которые он волости своими называет, и те волости под его ли областию или не под его? Мы твое величество всею любовью прошаем грамоты, для ради нынешние нашие любви, да чтоб и вперед межь нами не порушилась; и будет к нам те свои грамоты пришлешь, и мы своим гостем о тех делех вперед по твоей грамоте прикажем, как им быти, чтоб твое величество и вперед славно было, а нашим бы гостем в том никоторые смуты не было. А мы в те поры бога всемогущаго молим за твое царское здравие и о твоем счастье.

Писана в Вестьминстер граде. Лета от P. X. 1581 генваря месяца в 23 день, а государства нашего 23.

И царь и великий князь, слушав грамоты Елисавет-королевны, приговорил: против тое грамоты к Елисавети королевне отписати; а послать тое грамоту за Федором за Писемским; а Федору тое грамоту отдать королевне после посолства.

А се грамота от государя к Елисавет-королевне.

Милосердия ради милости бога нашего, в них же посети нас восток свыше, во еже направити ноги наша на путь мирен. Сего убо в троицы славимаго бога нашего милостию, мы, великий государь, царь и великий князь Иван Васильевич всеа Русии, Владимирский, Московский, Ноугородцкии, царь Казанский, царь Астраханский, государь Псковский, и великий князь Смоленский, Тверскии, Югорский, Пермский, Вятцкии, Болгарский и иных; государь и великий князь Новагорода Низовские земли, Черниговский, Резанскии, Полотицкии, Ростовский, Ярославский, Белоозерскии, Лифляндскии, Удорскии, Обдорскии, Кондинскии, и всеа Сибирский земли и Северные страны повелитель и иных.

Сестре нашей любителной, королеве Елисавете Аглинской, и Францовской, и Хиберской и иных.

Писала еси к нам как ваши гости сперва… (следует изложение напечатанной выше грамоты Елизаветы).

И о том ты, сестра наша любная, у нашего величества всею любовью прошаешь нашие грамоты, чтоб твоим гостем в том смуты не было, как им на ту нашу пристань приезжать; а вперед ты, сестра наша, о том своим гостем накажешь, как им по нашей грамоте в наше государство к тому пристанищу вперед приезжати.

И мы грамоту твою, сестры своей любной, Елисавет-королевны, выслушали: и ты б, сестра наша любная, к нам своим гостем и торговым всяким людем велела в наши государства, ко всем пристанищам на Колмогоры к Николе и х Коле приезжати по нашей прежней жаловалной грамоте, какова им дана, безо всякаго сумненья; а велела б еси своим гостем и торговым людем ездити бережно с провожатыми, с воинскими корабли для того, что датцкой король, докончанье и крестное целованье прежних королей датцких и свое с нами поруша, вчинает новое дело, чего николи не бывало, называет наши искони вечные вотчинные земли волость Колу и Печенгу своею и вступаетца в них в Колу и в Печенгу. А нам с прежними датцкими короли николи спору в тех землях не бывало. А то ныне Фредерик, датцкой король, не хочет нашие с тобою, сестрою любною, любви видеть и ссылки, твоих гостей к нашей вотчине, к пристанищам пропущать не велит, чтоб проезд твоим гостем и всяким проезжим людем и иных государств к нашей вотчине не был. И ты б, сестра наша любная, Елисавет-королевна, гостем своим от тех от датцкого короля разбойников на море ходить велела с воинскими корабли, чтоб им проезжать от тех датцкого короля разбойников в нашу отчину во все пристанища морские и на Колмогоры, и на Колу безстрашно, и их бы с моря согнати и дорога очистить; а мы людей воинских в те пристанища посылаем и велим от датцкого короля людей от приходу бережение держать с вашими людьми и с гостми за один, чтоб нашей любви в том порухи не было, и нашим людем и твоим и иных земель гостем в торговле и во всяком прибытке от датцкого короля людей ни в чем убытка не было, и гости б твои поволно в нашу отчину, во все те пристанища по прежней жаловалной грамоте ходили безо всякого опасенья, а от датцкого короля разбойников береженье держали.

Писана в государствия нашего дворе граде Москвы. Лета от созданья миру 7090 июля месяца, индикта десятого, государствия нашего 48-го, а царств наших Росийского 37-го, Казанского 30-го, Астраханского 29-го.

115. ОСАДА ПСКОВА ПОЛЬСКИМ КОРОЛЕМ СТЕФАНОМ БАТОРИЕМ

Мужественная оборона Пскова в, 1581 г. от полчищ польского короля Стефана Батория была переломным моментом в последние годы Ливонской войны. Войска Стефана Батория состояли из лучших наемных солдат, набранных в Германии, Венгрии и других странах, а Стефан Баторий был одним из виднейших полководцев своего времени. Несмотря на это, псковичи под начальством кн. Шуйского отбили все приступы и заставили снять осаду. Имеются дневники участников осады с польской стороны, а кроме того, русская повесть о том же. Текст повести (частично) печатается здесь по изданию – «Чтения в Обществе истории и древностей российских», 1847 г., № 7.

ПОВЕСТЬ О ПРИХОЖЕНИИ ЛИТОВСКОГО КОРОЛЯ СТЕПАНА С ВЕЛИКИМ И ГОРДЫМ ВОИНСТВОМ НА ВЕЛИКИЙ И СЛАВНЫЙ ГРАД ПСКОВ

… В преименитом же и богоспасаемом в граде Пскове слышавше бояре и воеводы, яко уже идет король Степан на Псков в град, всячески и неослабно по прежнему осаду укрепляя. В волости же и села и в засады[136]136
  Засады – здесь в значении селений. 2 Свиной – Свиная башня стояла на южной оконечности Пскова. 3 Рохмистом – ротмистрам. 4 Борозды – окопы, 5 Освященной собор – собрание духовенства. 6 Овии – другие. 7 Роскату – с плошалки для пушек на стене или на башне. 8 Из барсы – пушки имели изображение разных животных, по которым носили названия. 9 Смесившеся – башня была взорвана, и польские войска, находившиеся в ней, погибли. 10 Пятку – пяток, или пятница. 2 Рождеству… 11 Богородицы – 8 сентября. 12 Языков – пленников.


[Закрыть] непрестанно посылая, всякия запасы в город возити веляше, дворы же и з досталными кормовыми запасы жещи повелевая, да не како врагом домы и пища будет, живущих же в селех тех всех во Пскове во осаду во многим запрещением бежати, веляше. Тако же провославный царь и государь и великий князь Иван Васильевич всея Русии, то же слышав, яко совершенно литовский безбожный король на его государеву вотчину на Псков град со многою горделивою силою великою устремися. Сие же слышав благоверный государь тако во Псков к боярам своим и воеводам и всем воинским людям и псковичем умилне и благомудрене свои царьские грамоты пишет не ослабно же и мужественно во осаде быти и до последнее смерти невозвратно с Литвою битися веляше…

Того же месяца в восьмой день, в четверток, на первом часу дни, начаше бити из наряду по граду из троих туров из двадцати пищалей, и бише беспрестанно весь день до ночи, тако же и на утрие биша беспрестанно по городу из наряду, и выбиша города городовые стены да Покровскую башню всюду земли до Свиной² башни половину земли збиша, да местами стены городовые збиша… и городовую стену во многих местех испроломаша. И сие к королю своему возвестиша. Он же велми о сем радостен бысть. И повеле своим гетманам и рохмистом³ со своими гайдуки и всем воинским людям у себя на радости быти. Сим же всем к королю сшедшися. Тогда же литовский король Степан, сед на своем горделивом месте королевском, гетманы же своя и великие паны и вся воя первосоветники и всех рохмисты и все воинские люди и градоемцы, и гайдуки на обед к себе всех созвал. По обеде же всем город Псков взяти повеле. Они же радостно и похвально сшедшися к королю совершенно и похвально сказоваша: «Яко тепери, государю, королю милостивый, ласкою обедаеве и пируеве в обозе у тебе. Сего же дни, государю, в замце во Пскове вечеревати у тебе требуеве, с великим и прекрасным градом Псковом». Король же сие слыша, всех гетманов и ротмистов и всех воинских людей и на обеде у себя великим учрежением учреди и друголюбие и молебие о градоемстве конечное безотступно сладко условествоваше, и великими обеты всем воинским людям милость свою и ласку показати обещавшеся, и все богатство псковское и весь плен и корысть беззавистно с ними по чину разделите ска-зоваше. Они же противу ему отвещеваше, яко государю совершение сего дни замок Псков за щитом возмем, или, государь сами твоему имени покорятся; не возмогут противу твоея бесчисленные силы и мудрых градоемцев отстоятися. Такоже и своим паньям из замка Пскова радостно и с корыстью себе стретяти веляше. И толико литовский король Степан гетманов своих и ротмистов, всех градоемцев отпущает Псков взяти… Государевы же бояре и воеводы и все воинские люди и псковичи, увидевши из станов из королевских великие многие полки и с знаменами к городу идяше, и все борозды⁴ утеснене наполняшеся литовских гайдуков, уразумеша же, яко градоимством напроломныя места идущим, в осадный колокол звонити веляше, в среднем городе на стены градовной у великого Василия на горке, весть дающе литовскаго к городу приступа всему псковскому народному множеству. Сами же государевы бояре и воеводы со всеми воинскими людми, коим приказано в том месте быти, все наготове стояще. И изо многа наряду по полком стреляте веляще. Из наряду же по полком безпрестан стреляющимся, многие же полки побивающе. Они же напорне и дерзостне, яко вода многая к городу лияшеся. Страшилищами же своими, яко волнами морскими страшающе. Саблями же своими, яко молниями бесчисленными на город сверкающе. И у живоначалной Троицы в соборной церкви освященной собор⁵ с плачем и слезами и с воплем многие молебны совершающе, о избавлении града бога моляще. Псковские же народы з женами и з детьми простившеся, на проломное место все збежавшеся, и крепко на враг и на бой уготовившися и всем сердцем богу обещавшеся за христову веру и безвыдачно друг з другом умрети за Псков град, и за свою домы, и за жоны, и дети, и сим же тако бывающим. Того же дни яко многа вода возшуме и силный гром возгреме, и все бесчисленное войско воздвижеся на проломное место, на городскую стену и спешне устремишася. Щитами же и оружием своим и ручницами, и бесчисленными копьями, яко кровлею закрывающеся. Государевы же бояре и воеводы со всем войском… на стене с ними крепко сразившеся. Литовская же бесчисленная сила на градную стену, яко вода лиющеся. Християнское же множество войска яко звезды небесные противу крепящеся, восходу на стены не дающе и бе яко гром велик и шум мног и крик несказанен от множества обоего войска и от пушечного стуку и от ручного обеих стреляния и от воинского крика, Псковскому же войску восходу на градную стену литовскому войску не дающе. Оному же беззаконному войску крепко и дерзостно на стены лезущу в пролом же и восходу во град от литовскаго наряду велику про-биту, и удобь восходну, яко и на конех на градную стену возможно ездити. Защищения же и затулы ни коея нет в тех проломных местех от литовскаго наряду… Того ради литовские многие люди стены града воскочиша. И многие рохмисты и гайдуки и з своими знамены в Покровскую и Свиную башню влезша и из защитов своих и из окон в город по христианскому воинству безчисленно стреляюще. Все же те надежные перво вскочивше на стену лютии литовские градоемцы, железы и бронями же окованы и вооружены бяху.

Государевы же бояре и воеводы со всем христианским воинством противу их непрестанно и безотступно крепце стояше. Изредке и мужественне борющеся в ходу во град неослабными образы врагом не дающе. Литовский же и велехвалный король Степан видел своих рохмистов и надежных градоемцев и гайдуков яко влезоше на стены и в башнях из знамены уже стоящих во град по наряду бесчислено стреляющих. Ко взятию града пути очищающе, несказаные радости исполнися и надежою ко взятию града избытия смотряше. Сам же к городу приближившися.

Государевы же бояре и воеводы и все воинские люди и псковичи тако же против их крепко и мужественне стояху. Овии⁶ же под стеною с копьи стояху. Стрельцы же из пищалей по них стре-ляше. Дети же боярски из луков стреляху. Овии на них камения метаху, овии же всячески о избавлении града образы показующе. Тако же из наряду по них непрестанно стреляюще и никоими образы внити не дающе. Литовскому же войску крепце и напорне со стены из пушек и из окон по рускому воинству стреляющим бес-престани, и пременяяся Литва бьющеся всячески возмет. Король же литовский глаголаху к ним о взятии града посылая. Тако же гетманы и рохмисты литовские и все многое собранное воинство запрещением понуждающе в богоспасаемом граде Пскове. Тако же государевы бояре и воеводы своему воинству с любовью и со слезами на бой понуждающе. Християнскому же воинству сер-дечне и безотступно з ними бьюшися и бе видите христианские главы яко пшеничные власы от земли востерзающеся и скончевашеся. О нем же могочисленным раненым от литовского оружия изнемогшим и от многаго труда истаявшим, дню же тогда от солнечных лучь жаростну бяше. Но токмо божиим покровом и на него надежным вооружением скрепящеся…

С Похвальскаго роскату⁷ из великия пищали из барсы⁸ удариша по Свиновской башне, не погрешиша, тогда множество воинских людей литовские силы в башне прибиша. Еще же государевы бояре и воеводы повелеша под Свинскую башню подвести много зелия. И повелеша зажеши е. Тогда же все высокогорделивые королевские приближенные дворяне яже у короля выпрошалися наперед во Псков внити и короля срести и государевых бояр и воевод связанных привести – про них же речем и первой похвале – от связаный бояр и воевод руских, божиим промыслом первые со псковскою каменного стеною Свиные башни вкупе смесившеся⁹ и своими телесы яко другую башню подо Псковом соградиша. И первыя королевския дворяне от руских государевых воевод – про них же глаголаху, яко связаных к королю привести – под Свиною башнею до последнего восстания связавшеся и телесами своими псковский ров наполниша. О них же и первое извещение к королю прииди, яко вопросите ему: «уже ли мои дворяне в замце?» Ему же сказаше, яко под замцем. Королю же вопросившу: «яко ужели дворяне за стеною в городе ходят и рускую силу прибивают?» Ему же отвещавше: «яко, государь, все те в Свиной башни убиты сожжены во рву лежат». Тогда же ему яко вмале на свой мечь не напасти, яко мнетися мале сердцу его не треснути. Таков бо бывает обычай усердым, паче же неверным. Яко же король усердися присылает к Покровской башне и ко всему пролому рохмистом и всем градоемцам крепко и безотступно Псков взяти веляше. Государевы же бояре и воеводы видевше непокорное и безотступное стреляние… и все воинство христианское вкупе снемшеся и устремишася на литовскую силу на стены градныя на проломном месте и… с проломного места литовскую силу збиша. И благодатию христовою идеже литовские люди на псковской стене стояху, и паки, християнская сила на тех местех утверждишася. И за градом с Литвою со стены снидоша и бьющеся, и з достальными еще в Покровской башне оставшимися. Того же часу егда християнское одоление над Литвою показа бог из проломного места литовских рохмистов з гайдуки сбиша. Тогда и та благодать христова не утаися по всему граду Пскову, оставльшимся женом и промчеся то слово во весь град Псков, яко всех литовских людей бог пособил с города сбити. И вам, оставшимся женам велено по литовский наряд идти и оста-нок Литвы побивати от пролома скопяся. Тогда же си, еже во Пскове жены по домам оставшися от печали мало и како радости благовестив приемше. И оставивше немощи женския и в мужескую крепость оболшеся, и все вскоре койждо из своих дворов и каяж-дая по своей силе оружие ношаше. Младыя же и сверстныя телесы крепкие оружия ношаху, достали приступа Литву побивати. Старый же жены и немощныя плохию, те в своих руках малыя и краткия верви ношаша и теми литовский наряд по сказанию в город ввести помышляюще. И вси к пролому бежаху, и всякая жена другая паче тщания скоростью показующе. Сбежавшеся многое множество жен к проломному месту. И ту великое пособие и угодие воинским христианским людем показавше. Овии же камение воем приношаху и Литву з города и за градом побиваху, овии же утруждьшимся воином и изнемогшим от жажды воду приношаху, и ретивыя сердца их водою отливаху. Пятку¹⁰ же тогда дню яко же рекох в праздник Рождества Пречистыя богородицы¹¹ приспевающу. Литовским же людям еще в Покровской башне сидящим и по крестьянех во град стреляющим. Государевы же бояре и воеводы бога на помощь призывающе христианским языком кликнувше. И вкупе снемшеся мужи и жены, и на досталную Литву в Покровскую башню устремишася. Коегождо и чим и как бог вразумит: овии же из ручниц стреляюще, инии же огни за-жигающе, на них меташа, и всячески промышляюще. Так же и под тою башнею зажгоша… и досталь с Покровской башни Литву сбиша и… паки очистися каменая Покровская стена от скверных литовских ног… и тако Литва от града из станы побежа. Из города же выскочивше христиане, далече за ними гнашеся, секуше их. Которыя же во Псковском рву заставше, и тех прибивающе. Многая же живыя ухвативше и в город к государевым боярам и воеводам приведоша нарочитых языков¹² с набаты и с трубы и с знаменами и с ратными оружии. И паки все во Псков здоровы со одолением и бесчисленным богатеством возвратишася. Оружия же литовская и изрядных нарочитых самопалов и ручных разных всяких образы безчислено много в город внесоша…