Текст книги "Юрий Звенигородский. Великий князь Московский"

Автор книги: Константин Ковалев-Случевский

сообщить о нарушении

Текущая страница: 34 (всего у книги 38 страниц)

ДОГОВОРНЫЕ ГРАМОТЫ КНЯЗЯ ЮРИЯ ДМИТРИЕВИЧА С РУССКИМИ КНЯЗЬЯМИ

Договорные грамоты между князьями – очень точный и важный источник, позволяющий реконструировать многие события истории Руси интересующего нас периода. В них можно найти сведения о владениях, уделах, состоянии княжеств, о взаимоотношениях между князьями (удельными или великими), о войнах или перемириях, о планах правителей. Иногда сведения из договорных грамот неожиданно дополняют содержание летописей или грамот духовных, которые до нас по той или иной причине не дошли, не сохранились. Упоминание тех или иных городов или сел, находящихся во владении того или иного князя, показывают нам наследственные дела средневековой эпохи, дополняют пробелы в информации, сглаживают изъяны других источников.

Предполагается, что самой «старой» из ныне известных договорных грамот князей, имеющих отношение к Московскому правлению, является документ времен великого князя Семена Гордого. Наибольшее количество из сохранившихся договоров такого рода приходится на период, когда Москвой правили Дмитрий Донской и его сын Василий Дмитриевич, а также в еще большем количестве – на время междоусобных княжеских войн XV столетия, когда враждующие стороны очень часто нарушали ими же сформулированные условия.

Иногда войны или их отсутствие имели прямую зависимость от подписанных или неподписанных договорных грамот, а потому они имели важнейшее значение в текущей жизни, тщательно хранились, становились главным аргументом в решении различных спорных вопросов. Кто с кем, кто против кого, друзья и враги, сила и слабость – кое-что из этого мы видим в таких документах. Благодаря этим же источникам открываются и некоторые мотивы, по которым совершали свои действия известные исторические деятели. От их поступков зависели судьбы людей и государства.

Договорные отношения определяли многие решения на долгие годы вперед. Хотя они иногда расторгались с такой же легкостью, как и скреплялись. Но главное – договоры (тогда их также называли «докончаниями», предполагая, что они заключаются «навечно», «до конца») являлись своеобразной формой юридических установлений, чем-то вроде основ, временных законодательных актов, благодаря которым можно было избежать лишнего кровопролития или иных общественных потрясений.

Грамоты-докончания, связанные с именем князя Юрия Дмитриевича, несут в себе разгадки многих свершений конца XIV – начала XV века. В частности – именно в таких договорах он проявляется как человек, верный своему слову, и, в конце концов, в них он документально называется великим князем Московским, что является крайне важным для нас в данном повествовании.

Тексты грамот приводятся на древнерусском языке, хотя здесь предлагается упрощенный их вариант, где убраны все сокращения, принятые в то время, а буквы, уже не употребляемые в наши дни, – заменены современными, что намного удобнее для читателя.

Все приводимые тексты грамот (хотя они публиковались и ранее) выверены по изданию: Духовные и договорные грамоты великих и удельных князей XIV—XVI вв./Подг. к печати Л. В. Черепниным. М.; Л.: Изд-во АН СССР, 1950.

Докончание князя Звенигородского и Галичского Юрия Дмитриевича с братом и великим князем Василием Дмитриевичем

Долгое время расплывчато считалось, что данный документ был подписан братьями лишь не ранее марта 1390 года, основанием к чему считался уже осуществленный к тому времени приезд в Москву митрополита Киприана (6 марта). Однако в настоящее время можно говорить о более точной датировке договорной грамоты сыновей Дмитрия Донского (В. А. Кучкин). Время подписания документа сузилось до двух месяцев. Это могло произойти между 30 декабря 1392 года и 23 февраля 1393 года.

В основу приводимого текста лег список докончания, относящийся к 1470-м годам, но составленный по более раннему списку – 30-х годов XV века.

Подлинник документа хранится в РНБ (Российской национальной библиотеке), в Санкт-Петербурге.

Грамота великого князя Василья Дмитреевича з братом с Юрием

По благословению отца нашего Киприяна, митрополита киевскаго и всея Руси, се яз князь велики Василей Дмитреевич всея Руси, своим братом с молодшим, со князем со Юрием с Митреевичем, на сем есмя целовали крест межи собою.

Быти нам заодин до своего живота. А кто будет, господине, тобе друг, князю великому, то и мне друг. А кто будет, господине, тобе недруг, то и мне недруг.

А не канчивати ти, господине, князь велики, без меня ни с кем. Ни мне, господине, не канчивати без тебе ни с ким. А матерь свою нам, господине, держати в матерстве и во чти. А тобя, господине, князя великого, держати в старишиньстве, по душевной грамоте отца своего. И тобя, господине, князь велики, так же меня держати в братстве и во чти, безо обиды. А меня ти жаловати и печаловатися мною и моею вочиною.

А в Москве нам жити по душевной грамоте отца нашего, а не обидети.

А чем мя, господине, благословил отец мои, князь великий, в Москве, Звенигородом с волостьми, и Сурожиком с Лучиньскым, и Галичем с волостми и с селы в Московском уезде и в великом княжении, и того ти, господине, подо мною блюсти, а не обидитии.

А чим, господине, тобя благословил отец наш, князь велики, в Москве, Коломною и с волостми, и всем великим княжением, или что еси себе примыслил, а мне под тобою того всего блюсти так же, а не обидети.

А где ти, господине, будет всести на конь, или ти меня послати, и мне так же всести без ослушания.

А братью свою нам молодшюю блюсти с одиного, а не обидети.

А бояром и слугам межи нас волным воля. А кто, господине, иметь жити моих бояр и слуг в твоей вочине, тех, господине, блюсти, как и своих. А кто имет жити твоих бояр и слуг в моей вотчине, а тех мне блюсти, как и своих. А кто которому князю служит, где бы ни жил, тому с тем князем а и ехати, кому служит. А городная осада, где кто живет, тому туто и сести, опроче путных бояр.

На сем на всем целовали есмы крест, по любви.

Докончание князя Звенигородского и Галичского Юрия Дмитриевича с племянником и великим князем Василием Васильевичем

В данном случае перед читателем предстают две встречные грамоты, которые готовились и были подписаны одновременно. В таком виде договор князя Юрия с великим князем Василием Темным был окончательно оформлен 11 марта 1428 года (24 марта по новому стилю). Дату можно утверждать с полным основанием, так как она указана в конце текста документа.

Известно, что к договору также приложил свою руку митрополит Фотий, который расписался, в отличие ото всех остальных, – по-гречески. Примечательна пометка на документе: «А сю грамоту князю великому прислал складною вместе князь Юрьи, к Орде ида».

Обе грамоты были действительно сложены вместе, а к ним для большей убедительности были подвешены четыре княжеские печати из воска, три из которых принадлежали братьям – сыновьям Дмитрия Донского (Юрию Дмитриевичу, Андрею Дмитриевичу и Константину Дмитриевичу), а еще одна – великому князю Василию Васильевичу.

Подлинник документа хранится в РГАДА (Российском государственном архиве древних актов).

1. Грамота великого князя Василия Васильевича князю Юрию Дмитриевичу

По благословению отца нашего Фотиа, митрополита киевскаго и всея Руси, на сем, брате молодшии, князь Юрьи Дмитриевич, целуй ко мне крест, к своему брату стареишому, к великому князю Василью Васильевичи), и к своему брату молодшому, князю Ондрею Дмитриевичи), и к нашему брату молодшому, ко князю Костянтину Дмитриевичи).

Быти ти с нами везде заодин, и до своего живота. А нам тако ж быти с тобою везде заодин, и до своего живота. А добра ти нам хотети везде, во всем, где бы ни было. А что ти слышов о нашем добре или о лисе от кого бы ни было, то ти нам поведати в правду, без примышлениа. А нам тако же тобе добра хотети везде, во всем, где бы ни было. А что ны слышев о твоем добре или о лисе от кого бы ни было, и нам тобе то поведати в правду, без примышлениа. А хто будет мне друг, то и тобе друг. А кто будет мне недруг, то и тобе недруг. А не канчивати ти без нас ни с кем. А хотя будешь с кем в целовании, и тобе к нему целование сложити. А нам тако же без твоего веданиа не канчивати ни с кем.

А чим благословил отец мои, князь великий Василеи Дмитриевич, меня своею отчиною в Москве, и Коломною с волостьми, и всим великим княжением, и Новымгородом Нижним с волостми, и Муромом с волостьми, и иными своими примыслы, или чим благословил дед мои, князь велики Дмитрии Иванович, а ваш отец, твою братию молодшую, или что себе примыслили, или что собе примыслят, или что ся еси сступил брату своему молодшому, князю Петру Дмитриевичи), Шачебала да Ликургы, и князь Петр Дмитриевич сступился брату своему молодшому, князю Костянтину Дмитриевичи), или что ся еси сступил брату своему молодшому, князю Костянтину Дмитриевичи), Звенигородскых волостии, того ти всего под нами блюсти, а не обидети, ни вступатися, ни под нашими детми.

Так же ти и отчины княжих Володимеровых Ондреевича внучат блюсти, а не обидети, ни вступатися.

А чим благословил дед мои, князь великы Дмитрии Иванович, а твои отец, тебя, князя Юрья Дмитриевича, в Москве и в станех в Московских, и Звенигородом с волостьми, и Галичем с волостьми и селы в великом княжении, или что себе примыслишь, того нам всего под тобою блюсти, а не обидети, ни вступатися, ни под твоими детми.

А жити нам в своей отчине в Москве и в вуделех по душовнои грамоте деда моего, а вашего отца, великого князя Дмитрия Ивановича, оприч тех волостей, что ся есте сступили своему брату молодшому, князю Костянтину Дмитриевичи).

Так же что тя пожаловал отец мои, князь велики Василеи Дмитриевич, Вяткою и с слободами и со всеми месты, и нам тако же и в Вятку не вступатися, и под твоими детми. А тебе держати Вядка по отца моего грамоте, великого князя Василья Дмитриевича.

А дань и ям давати мне с своее отчины, из Галича с волостьми, по давному, как еси давал отцу моему, великому князю. А з Звенигорода и з Звенигородскых волостей отложил ти есм дани и яму на четыре годы, опричь тех волостей Звенигородских, что ся еси сступил брату своему молодшему, князю Костянтину Дмитриевичи). А уйдут четыре годы, и тобе давати дань и ям по старому, как еси давал отцу моему, великому князю. А князю Костянтину Дмитриевичи) давати тобе дань и ям и с Шачебала и с Ликурги, и с тех волостей з Звенигородских, который за ним, как давал при моем отци, при великом князи. А переменит Бог Орду, не иму давати татаром, и тобе имати дань и ям с своее отчины собе, а князю Костянтину Дмитриевичю с тех с своих волостей имати дань и ям собе, а тобе у него не имати.

А коли ми будет всести на конь на своего недруга, и тобе послати со мною свои дети с своими бояры и с слугами. А будет ми послати твою братью или твои дети, и тобе так же послати свои дети с своими бояры и с слугами. А будет ми послати свои воеводы, и тобе послати с моими воеводами своего воеводу с своими людми.

А кто имет твою отчину обидети, и мне тебя боронити.

А кто имет жити наших бояр и слуг в твоей отчине; и тебе их блюсти, как и своих. А кто имет жити твоих бояр и слуг в нашей отчине и в великом княжении, и нам их блюсти, как и своих. А хто которому князю служит, где бы ни жил, тому с тем князем ходити. А городная осада, где хто живет, тому туто и сидети, опричь путных бояр.

А князей ти моих служебных с вотчиною собе в службу не приимати. А который имут тобе служити, и им в вотчину в свою не вступатися.

А что были межи нас в наше нелюбие воины и грабежи, или дани иманы, или где что взято и положеное, и тому погреб на обе стороне. А хто будет нятцев изниман, или на поруце дан, или к целованию приведен, а тех пустити без окупа и порука и целованье свести на обе стороне. А что будет у них взято, а то остало. А который мои люди, великого князя, приведены будут у тебя к целованию, и с тех ти целованье свести. А кого будем мы твоих людии к целованию привели, и нам с тех целование свести. А что мои наместници, и волостели, и посельски, и их тивуни ведали твою отчину и села боярский в твоей отчине, и о том нам оттослати по боярину, и они о том учинят исправу. Что будет взято право, то остало, а что будет взято криво, то отдати по исправе. Тако же, что ведали твои волостели, и поселскии, и их тивуни отчину княжу Костянтинову Дмитриевича, Шачебал да Ликургу, а то по тому ж отослати по боярину, да учинити исправа. Что будет взято право, то остало, а что будет взято криво, то отдати по исправе. А суженое, положеное, заемное, поручное, кабалное по исправе дата. А холопа, робу, должника, поручника, беглеца, татя, розбоиника по исправе выдати,

А на сем на всем, брате молодшии, князь Юрьи Дмитриевич, целуй ко мне крест, к своему брату стареишому, к великому князю Василью Васильевичю, и к твоему брату мо-лодшому, ко князю Андрею Дмитреевичю, и к нашему брату молодшему, ко князю Костянтину Дмитриевичю, по любви, в правду, без хитрости.

А писана на Москве, в лето шесть тысячное и девятьсотное тритцать шестое, индикта в 6, марта в 11 день.

2. Грамота князя Юрия Дмитриевича великому князю Василию Васильевичу

По благословенью отца нашего Фотиа, митрополита киевскаго и всия Руси, на сем, брате стариши, князь великий Василеи Васильевич, целуй ко мне крест, к своему брату молодшему, князю Юрью Дмитриевичю, и с моим братом молодшим, со князем с Ондреем Дмитриевичем, и с нашим братом молодшим, со князем Костянтином Дмитриевичем.

Быти вы со мною везде заодин, и до своего живота. А мне так же быти с вами везде заодин, и до своего живота. А добра вы мне хотети везде, во всем, где бы ни было. А што вы слышев о моем добре или о лисе от кого бы ни было, то вы мне поведати в правду, без примышленья. А мне так же вам добра хотети везде, во всем, где бы ни было. А што ми слышев о вашем добре или о лисе от кого бы ни было, и мне то вам поведати в правду, без примышленья. А кто будет тобе друг, то и мне друг. А кто будет тобе недруг, то и мне недруг. А не канчивати ми без вас ни с кем. А хотя буду с кем в целованье, и мне к нему целованье сложити. А вам так же не канчивати ни с кем без моего веданья.

А чим благословил отец твои, князь великий Василеи Дмитриевич, тобя своею вотчиною в Москве, и Коломною с волостми, и всим великим княженьем, и Новымгородом Нижним с волостми, и Муромом с волостми, и иными своими примыслы, или чим благословил твои дед, князь великий Дмитреи Иванович, а наш отец, мою братью молодшую, или што собе примыслили, или што собе примыслят, или што ся есмь ступил брату своему молодшему, князю Петру Дмитриевичю, Ликурги да Шачебала, и князь Петр Дмитриевич ступился брату нашему молодшему, князю Костянтину Дмитриевичю, или што ся есмь ступил брату своему молодшему, князю Костянтину Дмитриевичю, Звенигородских волостей, того ми всего под вами блюсти, а не обидети, ни вступатися, ни под вашими детми.

Так же ми вотчины княжих Володимеровых Ондреевича внучат блюсти, не обидети, ни вступатися.

А чим благословил дед твои, князь великий Дмитреи Иванович, а наш отец, меня, князя Юрья Дмитриевича, в Москве, и в станех в Московских, и Звенигородом с волостми, и Галичем с волостми и селы в великом княженьи, или што собе примыслю, того вы всего подо мною блюсти, а не обидети, ни вступатися, ни под моими детми.

А жити нам в своей вотчине в Москве и в вуделех по душевнои грамоте деда твоего, а нашего отца, великого князя Дмитриеве Ивановича, опрочь тех волостей, што ся есме ступили своему брату молодшему, князю Костянтину Дмитриевичи).

Так же што мя пожаловал отец твои, князь великий Василеи Дмитриевич, Вяткою, и з слободами, и со всими месты, и вам так же и в Вятку не вступатися, и под моими детми. А мне держати Вятка по отца твоего грамоте, великого князя Василья Дмитриевича.

А дань и ям давати ми тобе с своее вотчины, из Галича с волостьми, по давному, как есмь давал твоему отцю, великому князю. А з Звенигорода и з Звенигородских волостей отложил ми еси дани и яму на четыре годы, опрочь тех волостей Звенигородских, что ся есмь ступил своему брату молодшому, князю Костянтину Дмитриевичю. А уйдут четыре годы, и мне давати дань и ям по старому, как есмь давал отцю твоему, великому князю. А брату моему молодшему, князю Костянтину Дмитриевичю, давати мне дань и ям с Шачебала, и с Ликурги, и с тех волостей Звенигородских, который за ним, как давал при твоем отце, при великом князи. А переменит Бог Орду, не имешь давати татаром, и мне имати с своее вотчины дань и ям собе, а князю Костянтину Дмитриевичю с тех своих волостей имати дань и ям собе, а мне у него не имати.

А коли ти будет всести на конь на своего недруга, и мне с тобою послати свои дети своими бояры и слугами. А будет ти послати мою братью или мои дети, и мне так же послати свои дети з бояры и слугами. А будет ти послати свои воеводы, и мне послати с твоими воеводами своего воеводу своими людми.

А хто имет мою вотчину обидети, и тобе меня боронити.

А хто имет жити ваших бояр и слуг в моей вотчине, и мне их блюсти, как и своих. А хто имет жити моих бояр и слуг в вашей вотчине и в великом княженьи, и вам их блюсти, как и своих. А хто которому князю служит, где бы ни жил, тому с тем князем и ходити. А городная осада, где хто живет, тому туго и седети, опрочь путных бояр.

А князей ми твоих служебных с отчиною себе в службу не приимати. А который имут мне служити, и им в вотчину свою не вступатися.

А што были межи нас в наше нелюбье воины, или грабежи, или дани иманы, или где што взято и положеное, и тому погреб на обе стороне. А хто будет нятцев изниман, или на поруце дан, или к целованью приведен, а тех пустити без окупа, и порука и целованье свести на обе стороне. А што будет у них взято, а то остало. А который твои люди, великого князя, приведены будут у меня к целованью, и с тех ми целованье свести. А кого будете вы моих людии к целованью привели, и вам с тех целованье свести. А што твои наместници, и волостели, и поселскии, и их тивуни ведали мою вотчину и села боярьскии в моей вотчине, и о том нам отослати по боярину, и они о том учинят исправу. Што будет взято право, то остало, а што будет взято криво, а то отдати по исправе. Так же што ведали мои волостели, и поселскии, и их тивуни вотчину княжу Костянтинову Дмитриевича, Шачебал, да Ликургу, а то по тому же отослати по боярину да учинити исправа. Што будет право взято, то остало, а што будет криво взято, от отдати по исправе. А суженое, положеное, заемное, поручное, кабалное по исправе дати. А холопа, робу, должника, поручника, беглеца, татя, розбоиника по исправе выдати.

А на сем на всем, брате старишии, князь великий Василеи Васильевич, целуй ко мне крест, к своему брату молодшому, ко князю к Юрью Дмитриевичи), и с моим братом молодшим, со князем Ондреем Дмитриевичем, и с нашим братом молодшим, со князем Костянтином Дмитриевичем, по любви, в правду, без хитрости.

А писана на Москве, в лето 6000ное 900ное 36-е, индикта в 6, марта в 11 день.

Докончание князя Звенигородского и Галицкого Юрия Дмитриевича с великим князем Василием Васильевичем

Данный документ датируется 1433 годом, так как из его содержания ясно, что он мог быть составлен только в результате событий, когда великий князь (на тот момент) Юрий Дмитриевич сам отдал бразды правления племяннику – Василию Васильевичу, А это как раз и произошло в 1433 году. Князь Юрий не называет себя великим князем, а наоборот – «братом молодшим» по отношению к своему значительно более молодому племяннику.

Документ состоит из двух грамот, которые в оригинале были сложены вместе, к ним подвешены пять печатей из черного воска. Причем к печатям Василия Васильевича, Юрия Дмитриевича и Константина Дмитриевича добавились печати детей уже к тому времени покойного князя Андрея Дмитриевича – князей Ивана Андреевича и Михаила Андреевича.

Подлинник документа хранится в РГАДА (Российском государственном архиве древних актов).

1. Грамота князя Юрия Дмитриевича великому князю Василию Васильевичу

А на сем на всем, брате старейший, князь великий Василеи Васильевич, целуй ко мне крест, к своему брату молодшему, князю Юрью Дмитриевичи, и к моему сыну, князю Дмитрею Меншому, и с нашим братом молодшим, князем Костянтином Дмитриевичем, и с моими братаничи, князем Иваном и со князем Михаилом Андреевичи, и со князем Василъем Ярославичем.

Имети ми тобя, великого князя, собе братом старейшим. А брату нашему молодшему, князю Костянтину Дмитриевичи), имети ему меня себе братом старейшим. А князю Ивану да князю Михаилу Андреевичем имети им меня собе дядею. А князю Василью Ярославичю имети ему меня себе дядею жо. А добра вам мне хотети везде, во всем, где бы ни было. А что вам слышав о моем добре или о лисе от кого бы ни было, а то вы мне поведати в правду, без примышленья. А кто будет тобе, князю великому, друг, то и мне друг. А кто тобе недруг, то и мне недруг. А не канчивати ми без вас ни с кем. А хотя буду с кем в целованьи, и мне к нему целованье сложити. А вам так же без моего веданья не канчивати ни с кем. А держати ми тобя, великого князя, собе в старишиньстве. А тобе мене держати в братстве, и во чести, без обиды.

А детей ми своих болших, князя Василья да князя Дмитрея, не приимати, и до своего жывота, ни моему сыну меншому, князю Дмитрею, не приимати их. А тебе их так же не приимати.

А чем тобе благословил отец твои, князь великий Василеи Дмитриевич, своею отчиною в Москве, и Коломною с волостми, и всем великим княженьем, и Муромом с волостми, и Козельском с месты, и иными своими примыслы, так же что отчина брата нашего молодшего, князя Петрова Дмитриевича, Дмитров со всеми волостми, того ми всего под тобою, под великим князем, блюсти, а не обидети, ни вступатися, ни моему сыну, князю Дмитрею Меншому.

А что есмь взял царев ярлык на Дмитров, и тот ми ярлык тобе дати.

Так же что вотчина брата нашего молодшего, княжа Костянтинова Дмитриевича, и братаничев моих вотчина, княжа Иванова да княжа Михайлова Ондреевичев, и княжа Васильева Ярославича дедина и вотчина, и мне того под ними всего блюсти, а не обидети, ни вступатися, ни моему сыну, князю Дмитрею Меншому.

А чем мя благословил дед твои, князь великий Дмитрии Иванович, а мои отец, в Москве и в станех в Московьских, так же и пути в станех в Московьских, как ся есмь розделил с твоим отцом, с великим князем, а с своим братом, и Звенигородом с волостми, и Галичем с волостми и селы в великом княженьи, или что собе примышлю, или что ми ся еси нынеча отступил Сурожыка, да Лучиньского, да Шелковы, и Шачебала, и Ликурги, или что ми ся еси отступил из великого княженья Костромьских волостей, Андомы, Кореги, Борку, Березовца с Залесьем, да Шыленги, или что ми ся еси отступил Бежыцьского Верха, и с путми, и с селы, и слободами, опрочь тех мест, что еси подавал из Бежыцьского Верху брату нашему молодшему, князю Костянтину Дмитриевичи), да опрочь сел Ивановых Дмитриевича, что еси у него взял в своей вине, а иных ти сел в Бежыцьском Верее не держати, а отступил ми ся еси и моему сыну, князю Дмитрею Меншому, тех всех мест в вотчину и в вудел, а того вам всего подо мною и под моим сыном, подо князем под Дмитреем под Меншим, блюсти, а не обидети, ни вступатися.

А Бежыцьскои ми Верх ведати по старине, по тому, как был за тобою, за великим князем. А у кого будут в Бежыцьском Верее грамоты жаловалныи отца твоего, великого князя, или твои, у бояр, или на слободы, или у иного у кого, и в тех грамотах волен яз, князь Юрьи Дмитриевич, кого как хочю жаловати.

А жити ти в Москве со мною и с моим сыном, со князем з Дмитрием, как, есмь жил с твоим отцом, с великим князем, а с своим братом.

А дань и ям давати ми с своей отчины, и Звенигорода с волостми, и з Галичя с волостми, по давному, как есмь давал твоему отцу, великому князю. А з Бежыцьского Верха и с Костромьских волостей давати ми дань и ям по тому розводу, как переже того давали дань и ям в твою казну.

А знати Орда тобе, великому князю, а мне Орды не знати никоторыми делы. А переменит Бог Орду, не имешь давати татаром, и коли учнешь имати дань с своей отчины, с великого княженья, себе, и мне тогды с своего удела имати дань собе.

А коли ти будет самому всести на конь против своего недруга, или ти будет брата нашего молодшего послати, князя Костянтина Дмитриевича, и мне послати сына своего с своими людми. А коли пошлешь братаничев моих или своих воевод, и мне послати с ними своих воевод с своими людми. А где ти будет надобе послати на свою службу сына моего, и сыну моему пойти без ослушанья с моими людми.

А кто имет служити мне, князю Юрью Дмитриевичи), а жывучи в твоей отчине, в великом княженьи, а будет ти слати ис тех городов на свою службу, где те жывут, и мне слати с теми людми своего воеводу с твоим воеводою.

А кто имет мою отчину обидети, и тобе мене боронити. А в Литву ти у мене помочи не имати. А к тобе ми не ездити.

А кто имет жити ваших бояр и слуг в моей отчине, и тех ми блюсти, как и своих. А кто имет жити моих бояр и слуг в ваших отчинах и в великом княженьи, и вам их блюсти, как и своих. А бояром и слугам межи нас волным воля. А городная осада, где хто жывет, тому туто и сидети, опрочь путных бояр.

А князей ми твоих служебных с вотчинами в службу собе не приимати. А который князи мне имут служити, и им в вотчину свою не вступатися, а вотчины лишены.

А который суды судил яз, князь Юрьи Дмитриевич, сидя на Москве, а тех ти судов моих не посужати.

А что ся учинило в нашем розмирьи, что поймана твоя казна, великого князя, и твоее матери, великие княгини, или поклажаи ваши, или бояр твоих поклажей, или инятцов твоих поклажей, или что будет меня того дошло, и мне то отдати по сему целованью. А что инятци твои на поруие подаваны, или на них кабалы пойманы, и мне с них велети порука свести, а кабалы им подавати. А что мои люди грабили бояр твоих, или инятцов твоих, или людей твоих, опрочь бою, ино то отдати, а не отдадуд, ино тому суд и исправа, опроче съестного.

А что будут поклажей моих бояр, Семеновы Федоровича или иных бояр моих, и что того тебе дошло, великого князя, и тобе то отдати по сему целованью. А что будут твои бояре и твои люди имали и грабили моих бояр и слуг в первое наше розмирье, и им то отдати, а не отдадут, а на то суд и исправа.

А что князь Василеи Ярославич имал мою вотчину или люди его грабили мою вотчину, а на то суд и исправа.

А что еси платил, в Орде за мою отчину, за Звенигород и за Галич, два выхода и с распанами, а о том ми с тобою розчестися, и чего ся не оточтусь, и мне то тобе подняти те выходы.

А суженое, положеное, заемное, поручное, кабалное по исправе дати. А холопа, робу, должника, поручника, беглеца, татя, розбоиника по исправе выдати. А обидному всему межи нас суд и исправа. А о чем ся судьи наши сопрут, ини собе третьего изберут в нашей отчине, в великом княженьи. А ис земли вон на третей ся не зовут.

А что есмь занял у гостей и у суконьников шестьсот рублев да заплатил есмь в твои долг в ординьскои Резеп-Хозе да Абипу в кабалы, и на кабалах есмь то серебро подписал, и тобе с мене тот долг, ту шестьсот рублев, снята. А с теми гостъми ведатися тобе, опрочь мене, самому. А мне тобе тех сказати, у кого есмь то серебро заимывал.

А на сем на всем, брате старейший, князь великий Василеи Васильевич, целовал еси ко мне крест, к своему брату молодшему, князю Юрью Дмитриевичи), и к моему сыну, князю Дмитрею Меншому, и с нашим братом молодшим, князем Костянтином Дмитриевичем, и с моими братаничи, со князем Иваном и со князем Михаилом Андреевичи, и со князем Васильем Ярославичем, по любви, в правду, безо всякия хитрости.

2. Грамота великого князя Василия Васильевича князю Юрию Дмитриевичу

А на сем на всем, брате молодшыи, князь Юрьи Дмитриевич, целуй ко мне крест, к своему брату стареишому, к великому князю Василью Васильевичи), и с своим сыном, с князем Дмитреем Меншим, и к нашему брату молодшому, князю Костянтину Дмитриевичи), и к моему брату молодшому, князю Ивану Андреевичю, и к нашим братаничем, князю Михаилу Андреевичю и князю Василью Ярославичю.

Имети ти мене, князя великого, собе братом старейшим. А брата нашего молодшого, князя Костянтина Дмитриевича, имети ти собе братом молодшим. А князя Ивана да князя Михаила Андреевичев, имети ти собе братаничи. А князя Василья Ярославича имети ти собе братаничем жо. А добра ти нам хотети везде, во всем, где бы ни было. А что ти слышев о нашем добре или о лисе, то ти мне поведати в правду, без примышлениа. А нам так же тобе добра хотети везде, во всем, где бы ни было. А что нам слышев о твоем добре, или о лисе от кого бы ни было, и нам тобе поведати в правду, без примышлениа. А кто будет мне, князю великому, друг, то и тебе друг. А кто будет мне недруг, то и тебе недруг. А не канчивати ти без нас ни с кем. А хотя будешь с кем в целованье, и тебе к нему целование сложыти. А нам так же без твоего веданиа не канчивати ни с кем. А держати ти мене, великого князя, себе в старишинстве. А мне тебе держати в братстве и во чти, без обиды.

А детей ти своих болшых, князя Василья да князя Дмит-рея, не приимати до своего живота, ни твоему сыну, князю Дмитрею Меньшому, не приимати их. А мне их так жо не приимати.

А чем мене благословил отец мои, князь великы Василеи Дмитриевич, своею вотчиною в Москве, и Коломною с волостми, и всем великым княженьем, и Муромом с волостьми, и Козельском с месты, и иными своими примыс-лы, так же что была отчина брата нашего молодшого, княж Петрова Дмитриевича, Дмитров со всеми волостьми, того ти всего подо мною, под великым князем, блюсти, а не обибети, ни вступатися, ни твоему сыну, князю Дмитрею Меншому.

А что еси взял царев ярлык на Дмитров, и тот ти мне ярлык дати.

Так же что вотчина брата нашего молодшого, княж Костянтинова Дмитриевича, и братаничев твоих вотчина, княж Иванова да княж Михайлова Андреевичев, и княж Васильева Ярославича дедина и вотчина, и тобе того под ними всего блюсти, а не обидети, ни вступатися, ни твоему сыну, князю Дмитрею Меншому.

А чем благословил дед мои, князь великы Дмитреи Иванович, а твои отец, тебя, князя Юрья Дмитриевича, в Москве и в станех Московскых, так же и пути в станех Московскых, как ся еси розделил с моим отцем, с великым князем, и Звенигородом с волостьми, и Галичем с волостьми и селы в великом княженье, или что себе примыслишь, или что ти ся есмь нынича отступил Сурожыка, да Лучинского, да Шепковы, и Шачебала, и Ликургы, или что ти ся есмь отступил из великого княженья Костромскых волостей, Андо-мы, Корегы, Борку, Березовца с Залесьем, да Шиленгы, или что ти ся есмь отступил Бежыского Верха, и с путми, и с селы, и с слободами, опрочь тех мест, что есмь подавал из Бежыского Верху брату своему, князю Костянтину Дмитриевичи), да опрочь сел Ивановых Дмитриевича, что есмь у него взял в своей вине, а иных ми сел в Бежыском Верее не держати, а отступился есмь тебе и твоему сыну, князю Дмитрею Меншому, тех всех мест в вотчину и в вудел, а того нам всего под тобою и под твоим сыном, подо князем под Дмитреем под Меншим, блюсти, а не обидети, ни вступатися.