Текст книги "200 православных исцеляющих икон"

Автор книги: Wim Van Drongelen

сообщить о нарушении

Текущая страница: 8 (всего у книги 20 страниц)

Молитва первая

О, Пресвятая Владычице, Дево Богородице, Заступнице наша благая и скорая! Воспеваем Ти вси благодарственная за чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полцы чуждих, гради и веси невредими сохраняются, людие же от лютыя смерти избавляются. Осушаются очи слезящеи, умолкают стенания верных, плач в радость общую претворяется. Буди и нам, Пречистая Богородице, утешение в бедствиих, возрождение надежды, образ мужества, источник милости и в скорбных обстояниих неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злая сердца умягчи, братолюбие укрепи, мира и любве всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят греси наши пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго иного злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о Всепетая Дево, Святей Троице в вечней славе предстоиши. Удостой и нас с лики ангелов и святых тамо восхвалити пречестное имя Сына Твоего со Безначальным Его Отцем и Всесвятым и Благим и Животворящим Его Духом, во веки веков. Аминь.

Молитва вторая

О, Всемилостивая Мати, Пречистая Дево Богородице! Услыши и приими моление мое. Призри на язвы души и тела моего, греси юности, забвеннии и утаеннии, отягчают совесть мою, омый мя струями слезными, сними бремя тяжкое, укрепи мя, да сотворю плоды, достойныя покаяния. Тернием скорбей усыпан есть путь мой. Вем, яко правда Божия накажет мя, умоли милосердие Божие о мне. Призри на стенание мое и исправи путь мой, и спаси мя и чада, и ближния моя. Буди ми сокровище веры и Хранительница благочестия. Даруй несокрушимое терпение в бедах, от веры проистекающее. Изгони гнев, зависть, уныние, памятозлобие, нечистоту, леность; сими и большими пороки недугует душа моя! Примири враждующих, оправдай оклеветанных, просвети нас, Владычице, светом Сына Своего и даждь нам глаголати другом и чадом своим слово истины, твердое в правде, мирное любве ради, растворенное благоразумием, посети в болезнех и печалех сущих, да вси, под державным покровом Твоим сохраняеми, безбедно Царствия Небеснаго достигнем, хвалу воздающе за вся Человеколюбцу Богу всегда, ныне и присно и во веки веков. Аминь.

Молитва третья

О, Всемилостивая Мати, Пречистая Дево Богородице! Ты еси свет ума моего, радость сердца моего, сила воли моея. Услыши и приими моление мое. Призри на язвы души и тела моего, обогатихся страстьми, обнищах смирением. Исполнен есмь стыда за злая дела и трепещу суда Божия. Греси юности, забвеннии и утаеннии греси отягчают совесть мою. Омый мя струями слезными, сними бремя тяжкое, греховное, да сотворю плоды, достойныя покаяния. Тернием скорбей усыпан есть путь мой. Вем, яко правда Божия наказует мя. Умоли милосердие Божие о мне, призри на слезы моя и исправи и спаси мя и чада моя, буди ми сокровище веры и хранилище благочестия. Даруй несокрушимое терпение в бедах, от веры проистекающее, отыми дух праздности, уныния, любоначалия. Изгони гнев, зависть, памятозлобие, нечистоту, леность сими и большими пороки недугует душа моя. Примири враждующия, оправдай оклеветанныя. Просвети нас светом Сына Твоего и даждь нам глаголати слово истины, твердое в правде, мирное любве ради, растворенное благоразумием. Посети в болезнех и печалех сущих, да вси, под державным покровом Твоим сохраняеми, безбедно Царствия Небеснаго достигнем, хвалу воздавающе за вся Человеколюбцу Богу. Аминь.

Молитва четвертая

К кому возопию, Владычице, к кому прибегну в горести моей, аще не к Тебе, Царице Небесная? Кто плачь мой и воздыхание мое приимет, аще не Ты, Пренепорочная, надеждо христиан и прибежище нам, грешным? Кто паче Тебе в несчастиих защитит? Услыши убо стенание мое, и приклони ухо Твое ко мне, Владычице, Мати Бога моего, и не презри мя, требующаго Твоея помощи, и не отрини мене, грешнаго. Вразуми и научи мя, Царице Небесная: не отступи от мене, раба Твоего, Владычице, за роптание мое; буди мне Мати и покровительница. Вручаю себе милостивому покрову Твоему, аще токмо восхощеши устроити о мне. Приведи мя, грешнаго, к тихой и безмятежней жизни, да плачуся о гресех моих. Увы мне, к кому прибегну повинный аз, токмо к Тебе, упованию и прибежищу грешных, в надежде на неизреченную милость Твою и щедроты? Кое ли слово за преступления моя изрещи возмогу к величеству славы Твоея? О Владычице Царице Небесная, Ты мне Мати и надежда, Ты ми упование и прибежище, покров, заступление и помощь. Царице моя преблагая и пребыстрая заступнице, покрый Своим ходатайством моя прегрешения, защити мене от враг видимых и невидимых, умягчи сердца злых человек, возстающих на мя. О Мати Господа моего Творца, Ты корень девства и неувядаемый цвет чистоты. О Богородительнице, Ты подаждь ми помощь немощствующему плотскими страстьми и болезнующему сердцем: едино бо Твое, и с Тобою Твоего Сына и Бога нашего, имею заступление, и Твоим пречудным заступлением да оправдан буду, и да избавлюся от всякия беды и напасти всесильными Твоими молитвами, Всечистая и Непорочная, и Преславная Божия Матерь Марие. Радуйся, Благодатная; радуйся, Обрадованная; радуйся, Преблагословенная, Господь с Тобою. Аминь.

Тропарь, глас 4-й

Заступнице верных Преблагая и Скорая, Пречистая Богородице Дево! Молим Тя пред святым и чудотворным образом Твоим, да, якоже древле от него заступление Твое граду Москве даровала еси, тако и ныне нас от всяких бед и напастей милостивно избави и спаси души наша, яко милосердая.

Феодоровская икона Божьей Матери

На Феодоровской иконе Богоматерь ласково поддерживает правую ножку Младенца правой рукой. Левая нога Спасителя обнажена по колено, правая прикрыта хитоном до самой ступни. Спаситель нежно прильнул щекой к лицу Марии и одной рукой обнимает ее за шею. Мария левой рукой указывает на Своего Сына, голова слегка наклонена к Младенцу.

Прообраз создан в Византии в конце IX–XI вв. По преданию, икона явилась младшему брату Александра Невского, Василию Ярославовичу, охотившемуся в 1272 г. на берегах реки Запрудны близ Костромы.

Охотничьи собаки князя окружили одно из деревьев и стали сильно лаять. Когда князь подъехал к дереву, он увидел на ветвях икону, но когда захотел ее снять, та чудесной силой поднялась в воздух. Только помолившиеся Божьей Матери священники смогли перенести чудотворный образ в город и поставили его в церкви Федора Стратилата. С тех пор чудотворная икона стала именоваться Феодоровской, а в Костроме сложился обычай переносить святыню только руками священников. После того как деревянный храм сгорел, для иконы выстроили новый каменный собор Успения Божьей Матери. На месте явления иконы позднее была построена Спасо-Запрудненская церковь.

В начале XIII в. к городу подошло огромное татарское войско. У князя не оказалось большой силы, и, уповая на Божью защиту, Василий взял с собой чудотворный образ и отправился на бой с врагом. Заступница помогла одержать победу, ослепив и обратив в бегство несметное войско татар.

В XVII в. именно иконой Феодоровской Божьей Матери первый из рода Романовых, Михаил, был благословлен своей матерью на царство. Как только Михаил стал царем, он заказал для своей столицы несколько копий чудотворного образа, один из которых также признан чудотворным, хранится в Донском монастыре Москвы. Оригинал иконы находится в Богоявленско-Анастасьином женском монастыре (Кострома).

По свидетельству очевидцев, главная святыня древней Костромы излечивает от бесплодия, женских болезней, помогает в трудных родах и трудных семейных ситуациях, исцеляет детей.

Чудотворный список с Феодоровской иконы хранится в Казанском кафедральном соборе (Сызрань). По преданию, икона была явлена 25 июня 1713 г. около села Кашпир недалеко от Сызрани. Несколько ночей подряд пастухи, ушедшие в ночное, видели яркое свечение недалеко от берега Волги, но как только они подходили ближе, свечение исчезало. В одну ночь свечение не прошло, и пастухи увидели светящуюся икону Божьей Матери, стоящую на большом камне.

Позвав священников, жители села перенесли икону в храм, но она перенеслась на прежнее место, тогда ее крестным ходом доставили в сызранский храм Рождества Христова, но чудотворная икона снова оказалась на прежнем месте. Только на третий раз, когда преисполненные смирения и веры селяне перенесли икону в Вознесенский мужской монастырь, она осталась в храме, явив новые чудеса: девушка, умывшись водой из родника, около которого была найдена икона, тут же исцелилась, а буря, разыгравшаяся на Волге, внезапно утихла.

Молитва

О, Пресвятая Владычице Богородице и Приснодево Марие, единая надеждо нам, грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господом Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но матерними молении Твоими умоли Господа Бога, да сподобит нас, грешных и недостойных, свободитися от грехов и страстей душевных и телесных, умрети миру и жити Ему Единому по вся дни живота нашего. О Пресвятая Владычице Богородице, путешествующим спутешествуй и ограждай, и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное и даруй всем вся потребная к животу, благочестию и жизни временней. Спаси, Владычице, вся страны и грады, и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани и отврати всякий гнев, на ны праведно движимый. Даруй нам время на покаяние и обращение, избави нас от внезапныя смерти и во время исхода нашего предстани нам, явльшися, Дево Богородице, и избави нас от воздушных мытарств князей века сего, сподоби на Страшнем судищи Христове стати одесную и соделай нас наследники вечных благ, да славим во веки великолепое имя Сына Твоего и Бога нашего со Безначальным Его Отцем и Святым, и Благим, и Животворящим Его Духом, ныне и присно и во веки веков. Аминь.

Тропарь, глас 4-й

Пришествием честныя Твоея иконы, Богоотроковице, обрадованный днесь богохранимый град Кострома, якоже древний Израиль к кивоту Завета, притекает ко изображению лица Твоего и воплотившагося от Тебе Бога нашего, да Твоим матерним к Нему предстательством присно ходатайствуеши всем, под сень крова Твоего прибегающим, мир и велию милость.

Кондак, глас 8-й

Благодарственная приносяще Ти, раби Твои, Богородительнице, о всех, имиже благодеяла еси граду нашему, из глубины души взываем к Тебе, и мили ся деем, не престани, Владычице, матерними к Сыну Твоему и Богу нашему молитвами подавати вся благая и спасительная всем, верою и любовию вопиющим Ти: радуйся, Дево, христиан похвало.

Касперовская икона Божьей Матери

По преданию, икона была привезена в Россию православной сербской семьей, переселившейся в Херсонскую губернию из Трансильвании и захватившей при переезде свою родовую икону. В 1809 г. икона перешла по наследству херсонской помещице Касперовой.

Первое чудо, явленное иконой, произошло в 1840 г., когда лик на иконе просиял и ожил, икона обновилась и с тех пор от нее стала исходить великая исцеляющая сила. Одной из первых исцелилась жившая неподалеку Вера Бурлаева: ее омертвевшая рука полностью восстановилась. После нее излечился крестьянский мальчик, долгое время страдавший падучей, затем – разбитая параличом женщина.

Слава о чудотворной иконе быстро распространилась по округе. По просьбе прихожан и священника чудотворный образ перенесли в приходской Свято-Никольский храм села Касперовка, после чего к иконе потянулись люди со всей Украины.

В 1822 г. чудотворный образ спас окружающие села от распространявшейся эпидемии холеры. В 1854 г. икону испросили себе жители Одессы, осажденной с моря неприятельским флотом. В ответ на молитвы всех жителей плотный туман окутал город, и через день вражеский флот ушел от берегов безоружного поселения.

Сейчас чудотворная икона хранится в Свято-Успенском соборе (Одесса). С нее было снято несколько списков, некоторые прославились своей чудотворной силой.

Касперовская икона Божьей Матери Тервеничская (находится в Покрово-Тервеничском женском монастыре, Ленинградская область, село Тервеничи)

Один из чудотворных списков Касперовской иконы прославился многочисленными чудесами исцеления в селе Тервеничи. Он был обретен в 1992 г. после того, как одному монаху во сне явился образ Богородицы, стоявшей на земле в Тервеничи и показывавший на струящийся у ног источник с иконой возле него.

Вскоре у одной одесской художницы был найден образ, похожий на явленный монаху во сне. Образ освятили в том же храме, где находится оригинал, и перевезли в Ленинградскую область. Весной на месте, где стоял явленный во сне образ, был обнаружен исцеляющий источник. Чудотворная икона получила название Тервеничской и явила многие чудеса исцеления.

По словам очевидцев, молитвы перед образом Божьей Матери помогают излечиться от астмы, заживляют сильнейшие ожоги, спасают и от других болезней.

Молитва

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога, Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим и испроси у Бога, Сына Твоего: пастырем нашим – ревность и бдение о душах, градоправителем – мудрость и силу, судиям – правду и нелицеприятие, наставником – разум и смиренномудрие, супругом – любовь и согласие, чадом – послушание, обидимым – терпение, обидящим – страх Божий, скорбящим – благодушие, радующимся – воздержание, всем же нам – дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на Страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга, и весь живот наш предаем, ныне и присно и во веки веков. Аминь.

Тропарь Покрову Божией Матери, глас 4-й

Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.

Тропарь Касперовской иконе Божией Матери, глас 4-й

Яко венцем богосветлым украшается град Херсон пречестною и чудотворною Твоею иконою, Владычице, иже сияюще лучами благодати Божественныя слепоты душевныя и телесныя верныя свобождает. Темже, Дево Чистая, Пренепорочная, осияй и нас светом Сына Твоего и Бога нашего во еже спасти души наша.

Почаевская икона Божьей Матери

В центре иконы представлено поясное изображение Богоматери, правой рукой нежно прижимающей прильнувшего к ее щеке Сына. Правая рука

Христа вытянута и прижата к Марии. В левой, согнутой в локте, Он держит скрученный свиток. Обе ноги Спасителя, прикрытые до ступней, опираются на левую руку Матери. На полях иконы изображены 7 святых: пророк Илия, мученик Мина, первомученик Стефан, преподобный Авраамий, великомученица Екатерина, мученицы Параскева и Ирина.

По преданию, в начале 1340-х гг. неподалеку от Почаева двум инокам явилось чудо: на вершине близлежащего холма они увидели объятый огнем образ Богоматери. Поднявшись на вершину, они обнаружили на камне отпечатанный след правой стопы, наполненный животворной водой. Впоследствии возле горы была основана монастырская обитель.

Спустя два столетия, в 1559 г., мимо этих мест проезжал путешествовавший из Византии митрополит Неофит, который вез с собой икону Божьей Матери. Остановившись у помещицы Анны Гойской, митрополит поблагодарил хозяйку за гостеприимство и подарил ей священный образ.

Через несколько лет лик на иконе засиял, а в 1597 г. она впервые явила свою великую исцеляющую силу: перед ней прозрел слепой от рождения брат помещицы. В благодарность Анна передала чудотворный образ Почаевской обители, и икону поставили в храме Успения Божией Матери, с тех пор она стала называться Почаевским.

В 1675 г. икона защитила обитель от взятия ее турками: над монастырем явился сияющий образ Богоматери, укрывшей своим мофорием обитель. Пораженные видением турки обезумели от страха, а пущенные ими в воздух стрелы возвращались и поражали их самих. Чудотворная икона и по сей день находится в Почаевской лавре (Украина), но привозится в российские храмы.

За несколько столетий с Почаевской иконы было снято около 300 списков, большая часть которых также явила свою чудотворную силу. Главная особенность всех списков Почаевской иконы, отличающая их от других, в том числе и от оригинала: в центральной части их нижнего поля изображен след правой стопы Богоматери.

Молитва перед иконой исцеляет от болезней ног, дисбактериоза, герпеса, камней в почках и желудке, экзем и аллергий, психических и гинекологических заболеваний, болей в позвоночнике, слепоты и увечий глаз, излечивает от рака, помогает срастись костям и при трудной беременности.

Молитва

Тебе, о Богомати, молитвенно притекаем мы, грешнии, чудеса Твоя, во святей лавре Почаевстей явленная, поминающе и о своих сокрушающеся прегрешениих. Вемы, Владычице, вемы, яко не подобаше нам, грешным, чего просити, токмо о еже Праведному Судии беззакония наша оставити нам. Вся бо нами в житии претерпенная, скорби же, и нужды, и болезни, яко плоды падений наших прозябоша нам, Богу сия на исправление наше попущающу. Темже вся сия истиною и судом Своим наведе Господь на грешныя рабы Своя, иже в печалех своих к заступлению Твоему, Пречистая, притекоша и во умилении сердец к Тебе взывают сице: грехов и беззаконий наших, Благая, не помяни, но паче всечестнеи руце Твои воздвигши, к Сыну Твоему и Богу предстани, да люте содеянная нами отпустит нам, да за премногая неисполненная обещания наша лица Своего от рабов Своих не отвратит, да благодати Своея, спасению нашему пособствующия, от душ наших не отымет. Ей, Владычице, буди спасению нашему Ходатаица и, малодушия нашего не возгнушавшися, призри на стенания наша, яже в бедах и скорбех наших пред чудотворным Твоим образом возносим. Просвети умиленными помыслы умы наша, веру нашу укрепи, надежду утверди, любве сладчайший дар сподоби нас прияти. Сими убо, Пречистая, дарованьми, а не болезньми и скорбьми живот наш ко спасению да возводится, но, от уныния и отчаяния души наша ограждающи, избави нас, маломощных, от находящих на ны бед, и нужд, и клеветы человеческия, и болезней нестерпимых. Даруй мир и благоустроение жительству христианскому предстательством Твоим, Владычице, утверди православную веру в стране нашей и во всем мире. Церковь апостольскую и соборную умалению не предаждь, уставы святых отец на веки непоколебимы сохрани и всех к Тебе притекающих от рова погибельнаго спаси. Еще же и ересию прельщенных братий наших или веру спасительную в греховных страстех погубивших паки ко истинней вере и покаянию приведи, да вкупе с нами, Твоему чудотворному образу покланяющеся, Твое предстательство исповедят. Сподоби убо нас, Пресвятая Госпоже Богородице, еще в животе сем победу истины Твоим заступлением узрети, сподоби нас благодатную радость прежде кончины нашея восприяти, якоже древле насельники почаевския Твоим явлением победители и просветители агарян показала еси, да вси мы благодарным сердцем вкупе со ангелы, и пророки, и апостолы, и со всеми святыми, Твое милосердие прославляюще, воздадим славу, честь и поклонение в Троице певаемому Богу Отцу и Сыну и Святому Духу, во веки веков. Аминь.