Текст книги "200 православных исцеляющих икон"
Автор книги: Wim Van Drongelen
сообщить о нарушении
Текущая страница: 6 (всего у книги 20 страниц)
О, Всемилостивая Госпоже Дево Богородице! Вонми смиренному молению моему и сокрушенно ныне предстоящаго образу Твоему услыши глас. Вем бо, о Содетеля моего Мати, яко Ты еси предстательство христиан непостыдное и ходатайство ко Творцу непреложное. Вем и сие, яко беззакония моя превзыдоша главу мою и, яко бремя тяжкое, отяготеша на мне, и уже несмь достоин видети высоту небесную, ниже воззрети ко Престолу славы Сына Твоего и Бога нашего, но достоин мук и вечнаго осуждения. Сего ради к Тебе (со предстоящими купно) припадаю, Тя прошу умиленно, к Тебе со слезами взываю: сотвори к Нему матернее Твое моление, да не отвержет нас, грешных, от лица Своего, но, яко милостив, да простит нам согрешения наша вольная и невольная, на путь спасения наставляя нас и свыше силою укрепляя к творению заповедей Своих святых. Да сохранит нас от соблазнов мира, от вожделений греховных, от козней диавольских и от нападения видимых врагов. Да благословит дела рук наших, подавая обители сей и всякому граду и стране обилие благ земных. Да сотворит всем нам дни благи и безмятежны, да оградит миром церковь Свою святую и разстоящая да соединит той, яко благ Господь, долготерпелив и многомилостив, от всея твари со Отцем и Святым Духом славимый во веки веков. Аминь.
Тропарь, глас 1-йВозсия нам, яко солнце светозарное от востока в велелепии, Твоя, Владычице, икона, озаряющи чудес сиянием преславно всех, выну приходящих к ней с верою и любовию и молящихся усердно Твоему, еже о Сыне Твоем и Бозе, величию. Слава Богу, Арсением сию давшему нам, слава возвратившему от Новаграда, слава действующему тою всем исцеления.
Иерусалимская икона Божьей Матери (находится в каменной нише в Иерусалимском храме, все списки с нее носят название Иерусалимских)Икона относится к типу Одигитрии, но в отличие от большинства подобных икон Богомладенец находится по правую сторону от Богородицы, а не по левую. Образ Богоматери представлен в поясном варианте, она немного развернута всем телом вправо, голова склонена в сторону Младенца, правая рука повернута ладонью вверх и слегка прижата к груди. На правой руке Пречистой Девы сидит Спаситель. Вся фигура Богомладенца развернута в сторону Марии, левая нога сильно согнута в колене, голова Христа слегка откинута назад, взор устремлен на Богородицу. Левая рука Младенца со свернутым списком опущена на колени, правая в благословляющем жесте простерта к Матери.
По преданию, первая икона была создана Лукой Евангелистом в год Успения Богоматери, затем список с нее попал в Константинополь, где в 988 г. и был подарен князю Владимиру. Икона долгое время пребывала в Великом Новгороде, но после его покорения Иваном Грозным была перевезена в Москву. В 1812 г. икону похитили французы. К этому моменту с нее были сняты точные списки, один из которых и заменил похищенную святыню в Успенском соборе Кремля.
Иерусалимская икона Божьей Матери УспенскаяНа новом списке лики Богородицы и Спасителя дополнены фигурами святых апостолов, написанных по кругу. Все списки с иконы чудотворны, исцеляют от смертельной холеры и предотвращают распространение эпидемии, помогают избавиться от водянки, слепоты, даруют душевное и телесное здоровье. Иерусалимская икона в Покровской церкви в Москве представляет собой список с Успенской Иерусалимской иконы.
МолитваО, Пресвятая и Преблагословенная Мати Господа и Спаса нашего Иисуса Христа Пречистая Приснодево Богородице Марие, Покровительнице и Заступнице наша! Припадаем и поклоняемся Тебе пред святою и чудотворною Иерусалимскою иконою и смиренно молимся Тебе, вонми гласу молитв наших, от души приносимых Ти, виждь скорби и искушения наша, и яко воистину любвеобильная Матерь, потщися помощи нам, безпомощным, унылым, во многия грехи впадающим и присно прогневляющим Господа и Создателя нашего. Егоже умоли, Владычице, да не погубит нас со беззаконии нашими, но ради Твоего предстательства явит нам человеколюбную Свою милость, испроси нам, Всеблагая, здравие душевное и телесное, покаяние, во гресех совершенное, преспеяние в добродетелех христианских, благодатное, мирное и благочестное житие, земли плодоносие, воздуха благорастворение, дожди благовременны и благословение свыше на вся благая дела и начинания наша. Сохрани и соблюди ны в мире и благоустроении, и споспеши всем нести иго Христово, благое и легкое в терпении и смирении, во спасение душ наших, ограждая нас матерним покровом Твоим от искушений диавольских и всякого зла. О, Царице всепетая, Мати Божия всеблагая! Простри богоноснии руце Твои на умоление к возлюбленному Сыну Твоему, Господу нашему Иисусу Христу и приемь сомолитвенники к Нему, вкупе с Тобою на иконе Твоей изображенная, праведныя родители Твоя, Иоакима и Анну, с ними умоли Его помиловати нас и избавити от погибели вечныя, и якоже иногда в скорби велицей пред сею иконою Твоею молившемуся Нилу утешение и обетование благое даровала еси, тако и ныне нас, смиренных и грешных молящихся, услыши и яви нам великия Твоя щедроты: болящия исцели, скорбящия утеши, бедствующия от бед избави, путешествующия и мореплавающия невредими сохрани, и вся ны сподоби благочестно житие наше земное скончати, благую христианскую кончину получити, Святых Тайн причастницы быти, и Небесное Царствие унаследовати: да во свете и радости святых поем и величаем милосердие Твое и рождшагося от Тебе Господа нашего Иисуса Христа. Ему-же со безначальным его Отцем и Пресвятым Духом подобает всякая слава, честь и поклонение во веки веков. Аминь.
Иерусалимская икона Божьей Матери Измайловская (икона находится в соворе Покрова Пресвятой Богородицы, Измайлово, Москва)Икона представляет собой список XVII в. и имеет ряд отличий от Успенской: пальцы Спасителя сложены не двуперстно, а именословно, на полях образа к апостолам добавлены изображения великомучеников, а также дан текст молитвы. Икону удалось сохранить в 1930-е гг., но лик полностью почернел. После перенесения в храм образ чудесным образом обновился. Чудотворная икона прославилась исцелением от холеры, сегодня избавляет от тяжелых недугов и увечий, помогает излечиться от слепоты и болезней глаз, способствует обретению сил после инсульта и тяжелых заболеваний.
МолитваПресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Твоя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославленна еси во веки веков. Аминь.
Тропарь, глас 3-йТвоего предстательства уверение и милосердия Твоего явление икона Иерусалимская нам, Владычице, показася, пред нею же души наша в молитве изливаем и верою Тебе вопием: воззри, Милосердая, на люди Твоя, вся скорби наша и печали утоли, утешение благое в сердца наша низпосли и спасение вечное душам нашим, Пречистая, испроси.
Икона Божьей Матери «Споручница грешных»На иконе представлено поясное (иногда и в полный рост) изображение Богоматери. На левой руке Мария держит Сына, который сидит в полуразвороте к молящимся. Правая рука в отличие от канонического изображения Одигитрии поддерживает Богомладенца за руки. Христос, в свою очередь, обеими руками держится за руку Матери. На иконе нет традиционного для Одигитрии списка и благословляющего жеста Спасителя.
Образы Богоматери и Христа увенчаны коронами, на нимбах расположено по 12 звезд. По четырем углам иконы изображены свитки с надписью: «Аз Споручница грешных к Моему Сыну…», что и повлияло на название иконы.
По преданию, старинная икона, из-за древности перенесенная в часовню Николо-Одриного мужского монастыря (Брянская область), вновь явила себя чудесным образом в 1843 г. В течение небольшого промежутка времени многим жителям открылось во сне, что икона, хранящаяся в часовне, обладает великой целительной силой.
По просьбе прихожан ее вернули в храм, и образ даровал исцеление страдающему неизвестной болезнью мальчику. Затем икона исцелила больных холерой, помогала обрести силы в отчаянии и болезни.
Списки, сделанные с иконы, также обладали исцеляющей силой, а сама чудотворная икона хранится в монастыре и по сей день.
Чудотворный список храма святителя Николая в Хамовниках (Москва) – одна из самых ранних копий иконы, сделанной в 1848 г. и прославившейся многими чудесными исцелениями от тяжелых болезней. Чудотворные списки хранятся также в Казанском храме (с. Срезнево), в Кирилло-Белозерском монастыре.
Икона «Споручница грешных» избавляет от тяжелых припадков нервного происхождения, аллергии, бессонницы, параличей, потери аппетита, помогает обрести подвижность членов после их паралича, излечивает болезни ног и рук, способствует излечению раковых заболеваний.
Молитва перваяО, Владычице преблагословенная, защитнице рода христианскаго, прибежище и спасение притекающих к Тебе! Вем, воистинну вем, яко зело согреших и прогневах, премилостивая Госпоже, рожденнаго плотию от Тебе Сына Божия: но имам многии образы прежде мене прогневавших Его благоутробие: мытари, блудницы и прочия грешники, им же дадеся прощение грехов их, покаяния ради и исповедания. Ты убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехам прощение. Верую и исповедую, яко Той, Его же родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делам его. Верую же паки и исповедую Тебе быти истинную Богородицу, милосердия Источник, Утешение плачущих, Взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком ины помощи и покрова, разве Тебе, Госпоже премилостивая, и никтоже, уповая на Тя постыдеся когда и Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблудшему и падшему в тимение глубины, не возгнушайся мене, сквернаго, не презри грешнаго моления моего, не остави мене окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея: яко да и аз со всеми получившими прощение воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.
Молитва втораяК кому возопию, Владычице, к кому прибегну в горести моей, аще не к Тебе, Царице Небесная? Кто плач мой и воздыхание мое приимет и молениям нашим скоропослушливо внемлет, аще не Ты, Всеблагая Споручнице, всех наших радостей Радость? Услыши же и нынешния песнопения и моления, и о мне, грешном, Тебе приносимыя. И буди мне Мати и Покровительница, и радости Твоея всем нам Подательница. Устрой жизнь мою, якоже хощеши и якоже веси. Вручаю бо себе Твоему покрову и промышлению, да радостно всегда пою Тебе со всеми: Радуйся, Благодатная; радуйся, Обрадованная. Радуйся, Преблагословенная; радуйся, Препрославленная во веки. Аминь.
Молитва третьяЦарице моя Преблагая, Надеждо моя Пресвятая, Споручнице грешных! Се, бедный грешник предстоит Тебе! Не остави мене, всеми оставленнаго, не забуди мене, всеми забытаго, даждь ми радость, неведущему радования. О, тяжки мои беды и скорби! О, безмерны мои грехопадения! Яко тьма нощная – житие мое. И несть в сынех человеческих ни единаго сильнаго ми помощи. Ты – Единая моя Надежда. Ты – Единый мой Покров, Прибежище и Утверждение. Дерзновенно простираю к Тебе немощныя мои руце и молю: умилосердися о мне, Всеблагая, пощади искупленнаго кровию Сына
Твоего, утоли болезни многовоздыхающия души моея, укроти ярость ненавидящих и обидящих мя, возстави силы моя увядающия, обнови, яко у орляте, юность мою, не попусти ослабнути в делании заповедей Божиих. Огнем небесным коснися смущенныя души моея и исполни ю веры непостыдныя, любве нелицемерныя и надежды известныя. Да всегда пою и славлю Тебе, Преблагословенную мира Заступницу, Покров наш и Споручницу всех нас грешных, и поклоняюся Сыну Твоему и Спасу нашему, Господу Иисусу Христу, со Безначальным Его Отцем и Жизнеподательным Духом Святым во веки веков. Аминь.
Тропарь, глас 4-йЧестное жилище бывши неизреченнаго естества Божественнаго выше слова и паче ума, и грешным еси Споручница, подаваеши благодать и исцеления, яко Мати всех Царствующаго, моли Сына Твоего получити нам милость в день судный.
Грузинская икона Божьей МатериС точки зрения иконографии Грузинская икона принадлежит к распространенному типу Одигитрии. В целом она похожа на Иерусалимскую, но в зеркальном отображении.
Одна нога Спасителя сильно согнута в колене, у второй видна обнаженная ступня. Благословляющая рука Его обращена не только к молящимся, но в первую очередь к Богородице. Взаимная связь между Богоматерью и ее Сыном передана в сильном наклоне лика Марии к Младенцу и обращенным на мать взором Христа.
По преданию, икона впервые была привезена на Русь в 1623 г. русскими купцами, которые выкупили святой образ у персидского шаха, разорившего несколько грузинских церковных обителей. Икону передали Черногорскому монастырю под Архангельском, который позднее стал называться Красногорским. Именно эта икона, вывезенная из Грузии, и стала прообразом для всех остальных списков. Оригинал иконы был утрачен в конце 1920-х гг., о его судьбе ничего не известно, но с чудотворной иконы были сняты многочисленные списки, один из которых находится в церкви Святой Троицы в Никитниковом переулке (Москва), где продолжает исцелять от многочисленных болезней.
Образ Грузинской Богородицы исцеляет от зубной боли, злокачественной опухоли, болезней желудка, слепоты и ослабления зрения, глухоты и болезней уха, от бесплодия, нервных болезней, эпидемий и одержимости.
Молитва перваяПриими, всеблагомощная, Пречистая Госпоже Владычице Богородительнице, сия честныя дары от нас, недостойных рабов Твоих, к Твоему цельбоносному образу пение возсылающих со умилением, яко Тебе Самой сущей ту и послушающей моления наша, подающи с верою просящим по коемуждо прошению исполнение: скорбящим скорби облегчаеши, немощным здравие даруеши, разслабленных и недужных исцеляеши, и от бесных бесы прогоняеши, обидимыя от обид избавляеши, и насилуемых спасаеши, грешных прощаеши, прокаженных очищаеши и малых детей милуеши, и неплодныя от неплодства разрешаеши. Еще, Госпоже Владычице, от уз и темниц свобождаеши, и всякия многоразличныя страсти исцеляеши, и очныя болезни уврачуеши и от смертоносныя язвы избавляеши: вся бо возможна суть ходатайством Твоим к Сыну Твоему, Христу Богу нашему. О, всепетая Мати, пречистая Богородице! Не престай молити о нас, недостойных рабех Твоих, славящих Тя и почитающих, и покланяющихся пречистому образу Твоему, и надежду имущих невозвратну и веру несумненну к Тебе, приснодевей, преславней и непорочней, славящих и чтущих и поющих Тя во веки веков. Аминь.
Молитва втораяК Тебе, Богоизбранная Отроковице, Пресвятая Дево Богородице, небесе и земли Царице, припадающе, вопием: услыши молений наших глас и не отврати лица Твоего от нас, недостойных. Приими, Всеблагая, от недостойных раб Твоих, чтущих всечестное имя Твое и с верою покланяющихся Тебе пред чудотворным Твоим образом, приносимое ныне теплое моление наше, вознеси е к Престолу Сына Твоего, Христа Бога нашего, да милостив будет к неправдам нашим и не воздаст нам по делом нашим, но да пробавит щедроты Своя. Вемы, яко несмы достойни, по грехом нашим, от Него помиловани быти, аще не Ты, Владычице, умолиши Его о нас, вся бо можеши испросити у Него, матернее бо к Нему имаши дерзновение. Сего ради к Тебе, яко всемощней и всеблагой Заступнице нашей, прибегаем, усердно молящеся: испроси у рождшагося от
Тебе единороднаго Сына Божия, Христа Бога нашего, всем нам в святоотечестей православней вере твердое, до конца дней наших, пребывание и во всех заповедех Господних неуклонное хождение, да прочее время живота нашего поживше во всяком благочестии и чистоте, сподобимся мирныя христианския кончины и добраго ответа на Страшнем суде Сына Твоего и Бога нашего и тако достигнем, под кровом Твоея помощи, живота вечнаго во Царствии Отца светов, Емуже, купно со единородным Его Сыном и Святым Духом, подобает слава, честь и поклонение, ныне и присно и во веки веков. Аминь.
Молитва третьяО, Пресвятая Владычице Богородице! Приими недостойную молитву нашу и сохрани нас от навета злых человек и от внезапныя смерти, и даруй нам прежде конца покаяние. На моление наше умилосердися и радость вместо печали даруй. И избави нас, Госпоже, от всякия беды и напасти, скорби и болезни и всякаго зла. И сподоби ны, грешныя рабы Твоя, одесную стати во втором пришествии Сына Твоего, Христа Бога нашего, и наследники быти Царствия Небеснаго, и жизни вечныя со всеми святыми в бесконечныя веки веков. Аминь.
Молитва четвертаяО, Пресвятая Дево, Мати Христа Бога нашего, Царице небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому и чудотворному образу Твоему. Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам, немощным, утоли скорби наша, настави на путь правый нас, заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и на Страшнем суде Сына Твоего явися нам, милосердая Предстательница, да всегда поем, величаем и славим Тя, яко Благую Заступницу рода христианскаго, со всеми угодившему Богу, во веки веков. Аминь.
Тропарь, глас 4-йДнесь светло красуется обитель Красногорская, и с нею ликовствует Раифская пустыня, яко зарю солнечную, от востока возсиявшую, восприимши, Владычице, чудотворную Твою икону, еюже разгоняеши мглу искушений и бед от вопиющих верно: избави обитель нашу и вся страны христианския от всех навет вражиих и спаси души наша, яко милоседная Заступница рода христианскаго.
Ин тропарь, глас 5-йВеселятся православныя народи, видяще Владычице Дево Богородице, Твою пречудную и чудотворную икону, и приемлют врачество душевное и телесное Твоею милостию всегда. Темже и мы, поклоняющиеся оней, усердно тебе вопием: помилуй, Благая Мати, смиренныя рабы Твоя и избави нас от всякого зла и навета вражия, молящи Сына Твоего,
Господа Иисуса, да, спасшеся зде, небесное жительство получим человеколюбием и благодатию Его.
Молитва пятаяПриими, всеблагомощная Пречистая Госпоже Владычице Богородительнице, сия честныя дары от нас, недостойных рабов Твоих, к Твоему цельбоносному образу пение возсылающих со умилением, яко Тебе Самой сущей ту и послушающей моления наша и подающи с верою просящим по коемуждо прошению и исполнение: скорбящим скорби облегчаеши, немощным здравие даруеши, расслабленных и недужных исцеляеши и от бесных бесы прогониши, обидимыя от обид избавляеши, и насилуемых спасаеши, грешных прощаеши, прокаженных очищаеши и малых детей милуеши, и неплодныя от неплодства разрешаеши. Еще, Госпоже Владичице, от уз и темниц свобождаеши, и всякия многоразличныя страсти исцеляеши и очныя болезни уврачуеши, и от смертоносныя язвы избавляеши: вся бо возможна суть ходатайством Твоим к Сыну Твоему, Христу Богу нашему. О Всепетая Мати, Пречистая Богородице! Не престай молити о нас, недостойных раб Твоих, славящих Тя и почитающих, и поклоняющихся Пречистому образу Твоему, и надежду имущих невозвратну, и веру несумненну, к Тебе Приснодеве, преславней и непорочной, славящих и чтущих, и поющих Тя во веки веков. Аминь.
Молитва шестаяК Тебе, Богоизбранная Отроковице, Пресвятая Дево Богородице, небесе и земли Царице, припадающе, вопием: услыши молений наших глас и не отврати лица Твоего от нас, недостойных. Приими, Всеблагая, от недостойных раб Твоих, чтущих всечестное имя Твое и с верою покланяющихся Тебе пред чудотворным Твоим образом, приносимое ныне теплое моление наше: вознеси к Престолу Сына Твоего, Христа Бога нашего, да милостив будет к неправдам нашим и не воздаст нам по делом нашим, но да пробавит щедроты Своя. Вемы, яко несмы достойни, по грехом нашим, от Него помиловати быти, аще не Ты, Владычице, умолиши Его о нас: вся бо можеши испросити у Него, матернее бо к Нему имаши дерзновение. Сего ради к Тебе, яко всемощней и всеблагой Заступнице нашей, прибегаем, усердно молящеся: испроси у рождшагося от Тебе единороднаго Сына Божия, Христа Бога нашего, всем нам в святоотечестей православней вере твердое, до конца дней наших, пребывание и во всех заповедех Господних неуклонное хождение, да прочее время живота нашего поживше во всяком благочестии и чистоте, сподобимся мирныя христианския кончины и добраго ответа на Страшнем суде Сына Твоего и Бога нашего и тако достигнем, под кровом Твоея помощи, живота вечнаго во Царствии Отца светов, Емуже, купно со единородным Его Сыном и Святым Духом, подобает слава, честь и поклонение, ныне и присно и во веки веков. Аминь.
