Текст книги "200 православных исцеляющих икон"

Автор книги: Wim Van Drongelen

сообщить о нарушении

Текущая страница: 13 (всего у книги 20 страниц)

Сопрестолие

Для икон этого варианта характерно фронтальное изображение Бога Отца со сферой в руке и Бога Сына с книгой или крестом, сидящих на едином престоле. Между ними витает голубь, символизирующий Святой Дух.

Отечество

Один из наиболее ранних вариантов Троицы Ветхозаветной. Бог Отец изображен сидящим на престоле. Бог Сын, который в данном варианте предстает в образе Спаса Эммануила, расположен на уровне лона, в руках у юноши медальон (иногда – сфера), из которого вылетает голубь, символизирующий Святой Дух.

Молитва Пресвятой Троице первая

О, Премилосердный Боже – Отче, Сыне и Святый Душе, в Нераздельней Троице поклоняемый и славимый, призри благоутробно на раба Твоего (имя), болезнию одержимаго; отпусти ему вся согрешения его; подай ему исцеление от болезни; возврати ему здравие и силы телесные; подай ему долгоденственное и благоденственное житие, мирные Твои и премирные блага, чтобы он вместе с нами приносил благодарные мольбы Тебе, Всещедрому Богу и Создателю нашему.

Молитва Пресвятой Троице вторая

Пресвятая Троице, Единосущная Державо, всех благих Вина, что воздадим Тебе за вся, яже воздала еси нам, грешным и недостойным, прежде неже на свет произыдохом, за вся, яже воздаеши коемуждо нас по вся дни и яже уготовала еси всем нам в веце грядущем? Подобаше убо, за толикия благодеяния и щедроты, благодарити Тя не словесы точию, но паче делы, храняще и исполняюще заповеди Твоя; мы же, страстем нашим и злым обычаем внемше, в безчисленныя от юности низвергохомся грехи и беззакония. Сего ради, яко нечистым и оскверненным, не точию пред трисветлое лице Твое безстудно явитися, но ниже имене Твоего пресвятаго изрещи довлеяше нам, аще бы не Ты Сама благоизволила, во отраду нашу, возвестити, яко чистыя и праведныя любящи, и грешники кающияся милуеши и благоутробне приемлеши. Призри убо, о Пребожественная Троице, с высоты Святыя Славы Твоея на нас многогрешных, и благое произволение наше, вместо благих дел, приими, и подаждь нам духа истиннаго покаяния, да возненавидевше всякий грех, в чистоте и правде до конца дний наших поживем, творяще пресвятую волю Твою и славяще чистыми помыслы и благими деяньми сладчайшее и великолепое имя Твое. Аминь.

Псалом 50-й

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониях зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом владычним утверди мя. Научу беззаконыя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.

Молитва к Богу Отцу

Всемогущий Владыко, Премудрый и Всеблагий Господи, Светоначальнаго Сына Пребезначальный Родителю, и Животворящаго Духа Твоего Вечный и Присносущный Самоизводителю, Егоже величество неисчетно, слава несказанна и милость безмерна, благодарим Тя, яко воззвал еси нас от небытия и почтил еси драгоценным образом Твоим, яко даровал еси нам недостойным не точию познавати и любити Тя, но, еже сладостнейше есть, и Отцем своим нарицати Тя. Благодарим Тя, Боже милосердия и щедрот, яко преступивших заповедь Твою не оставил еси нас посреде греха и сени смертныя, но благоволил еси Единороднаго Твоего Сына, Имже и вецы сотворени суть, послати на землю нашего ради спасения, да вочеловечением Его и страшными страданьми мучительства диавола и тли смертныя свободимся. Благодарим Тя, Боже Любве и Сил, яко, по вознесении на небо дражайшаго Спасителя нашего, умолен быв Крестом Его, низпослал еси и Духа Твоего Пресвятаго на избранныя Его ученики и апостолы, да, силою богодухновенныя проповеди их, озарят весь мир нетленным светом Евангелия Христова. Сам убо, Человеколюбивый Владыко, услыши ныне смиренную молитву недостойных чад Твоих, да якоже создал еси нас за едину Твою благость, искупил еси ны за едино благоутробие Твое, тако и спасеши нас по единому безприкладному милосердию Твоему: зане от дел наших ниже следа спасения имамы, но чаяние праведныя мести и отлучения от Пресветлаго Лица Твоего. Аще бо и о единем празднем глаголе взыскано будет в День суда и испытания: о неисчетных наших беззакониих, имиже согрешихом пред Тобою, кий, беднии, имамы воздати ответ. Сего ради весьма от дел наших отчаявшеся оправдания, ко Твоей единей, всяк ум и всяко слово превосходящей, прибегаем благости, юже, аки твердое основание надежды имуще, молим Тя: согрешихом, очисти, Господи! Беззаконновахом, прости, Владыко! Прогневахом Тя, примирися, Долготерпеливе! И сохрани прочее ум, совесть и сердце наше от скверн мирских, избави и спаси ны от многомятежныя бури страстей и грехопадений, вольных же и невольных, ведомых и неведомых, и в тихое управи пристанище веры, любве и упования жизни вечныя. Помяни нас в милости Твоей, Господи, даруй нам вся, яже ко спасению, прошения, паче же чистое и безгрешное житие; сподоби нас любити Тя, и боятися от всего сердца нашего, и творити во всем волю Твою святую, молитвами Пречистыя Владычицы нашея Богородицы и всех святых Твоих, яко Благ и Человеколюбец Бог еси, и Тебе славу и благодарение и поклонение возсылаем, со Единородным Твоим Сыном и со Пресвятым и Благим и Животворящим Твоим Духом, ныне и присно и во веки веков. Аминь.

Молитва к Богу Сыну

Единородне Сыне и Слове Божий, изволивый нашего ради спасения воплотитися и смерть претерпети, ныне же, и со Пречистою Плотию Твоею, на небесех на престоле со Отцем седяй и всем миром управляяй, не забуди милосердием Твоим нас, долу сущих и многими напастьми и скорбьми искушаемых, иже аще и весьма нечисти и недостойни есмы, но в Тебе, Спасителя и Господа нашего, веруем и иного Ходатая и Надежды спасения не вемы. Подаждь, о Искупителю Всеблагий, да памятуем выну, коликих мучений Души и Тела Твоего потребно бяше, во еже удовлити за грехи наша вечней правде Отца Твоего, и како даже до ада со Креста низшел еси Пречистою Душею Твоею, да нас власти и мучительства адова свободиши; памятующе же о сем, да блюдемся от страстей и грехов, бывших виною лютых страданий и смерти Твоея, и да любим правду и добродетель, еже всякаго дара Тебе в нас приятнейше есть. Яко искушенный по всяческим, Сам веси, о Всеблагий, коль велика есть немощь духа и плоти нашея, а враг наш силен и злохитр, яко лев рыкая ходит, иский кого поглотити; не остави убо нас Своею всесильною помощию и буди с нами выну, храня и покрывая, наставляя и укрепляя род и веселя дух наш. Мы же, на лоно любве и милосердия Твоего повергающеся, весь живот наш, временный и вечный, Тебе предаем, нашему Владыце, Искупителю и Господу, моляще из глубины души, да, имиже веси судьбами, сотвориши нам прейти безбедно мрачную жития сего земнаго юдоль и достигнути богокраснаго Чертога Твоего, Егоже обещал еси уготовати всем, верующим во имя Твое и последующим божественным Стопам Твоим. Аминь.

Молитва к Богу Духу Святому

Царю Небесный, Утешителю Всеблагий, Душе Истины, от Отца предвечно исходяй и в Сыне выну почиваяй, независтный Источниче дарований божественных, разделяя их коемуждо, якоже хощеши, имже и мы недостойнии освятихомся и назнаменани есмы в день крещения нашего! Призри на молитву раб Своих, прииди к нам, вселися в ны и очисти души наша, да будем уготовани в жилище Пресвятыя Троицы. Ей, о Всеблагий, не возгнушайся нашея нечистоты и ран греховных, но исцели я всеврачующим помазанием Твоим. Просвети наш ум, да разумеем суету мира и яже в мире, оживи нашу совесть, да неумолкно возвещает нам, яже подобает творити и яже отметати, исправи и обнови сердце, да не источает прочее день и нощь помышлений злых и желаний неподобных, укроти плоть и угаси росоносным дыханием Твоим пламень страстей, имже помрачается в нас драгоценный образ Божий. Духа праздности, уныния, любоначалия и празднословия отжени от нас, подаждь же нам духа любве и терпения, кротости и смирения, духа чистоты и правды, да, исправивше разслабленная сердца и колена, неленостно течем по пути заповедий святых, и тако, избегающе всякаго греха и исполняюще всяку правду, сподобимся улучити кончину мирну и непостыдну, внити во Иерусалим Небесный и тамо поклонятися Тебе, купно со Отцем и Сыном, поюще во веки веков: «Троице Святая, слава Тебе».

Глава V
Иконография святых

Божьи угодники, прославляющие имя Господа в своих деяниях, получают церковное прославление и именуются святыми. В зависимости от характера деяний, жизненного пути и кончины тот или иной угодник причисляется к соответствующему типу святых. Иконография святого непосредственно зависит от типа, к которому он принадлежит; на каждой иконе со святым есть надпись с его именем. Как и Богоматерь, святые угодники глубоко почитаются верующими и являются главными заступниками и ходатаями перед Господом за обращающихся к ним людей.

Иконы святых пророков

Святые пророки, прославившиеся предсказаниями внушенного им Святым Духом грядущего будущего, изображены на иконах с нимбом вокруг головы, а в руках держат свитки с текстами пророчеств.

Самый почитаемый пророк – Иоанн Предтеча, именуемый также Крестителем, предсказавший приход Спасителя в мир, крестивший его в водах Иордана и погибший от рук Ирода по просьбе дочери царя Иродиады.

Икона святого Иоанна Предтечи

Образ святого занимает большую часть иконы.

Иоанн одет в одежду из верблюжьей шерсти, поверх которой накинут коричневый гиматий. В руке пророка свиток с пророчеством о приходе Спасителя, вторая рука сложена в благословляющем жесте. В нижнем углу иконы в чаще лежит усеченная голова пророка, символизирующая тесную взаимосвязь пророка с Христом; в другом нижнем углу изображены древо и топор, напоминающие о словах его проповеди: «Покайтеся, приближается Царствие Небесное, уже бо секира при корне дерева лежит: всяко убо древо, не творящее плода добра, пресекается». Характерная деталь иконы «Ангел пустыни» – крылья ангела за спиной Иоанна Предтечи, символизирующие ангельскую чистоту его жизни.

Молитва Иоанну Предтече исцеляет от болей головы: помогает при заболеваниях головного мозга, сотрясениях, черепно-мозговых травмах.

Тропарь, глас 2-й

Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго: тем же за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.

Молитва первая

Хрестителю Христов честный Предтече, крайний пророче, первый мучениче, постников и пустынников наставниче, чистоты учителю и ближний друже Христов! Тя молю, к тебе прибегая, не отрини мене от твоего заступления, не остави мя, падшего, многими грехи; обнови душу мою покаянием, яко вторым крещением; очисти мя, грехи оскверненнаго, и понуди внити, иможе ничтоже скверно входит, в Царствие Небесное. Аминь.

Молитва вторая

Хрестителю Христов, проповедниче покаяния, кающагося не презри мене, но совокупляяся с вои небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю? Не вем. И к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первый надесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов! Тя молю, к тебе прибегаю: не отрини мене от твоего заступления, но возстави мя, низверженнаго многими грехи. Обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй, коегождо дело скверно. Очисти мя, грехами оскверненнаго, и понуди внити, аможе ничтоже скверно входит, в Царствие Небесное. Аминь.

Иконы святых апостолов

Апостолы, сопровождавшие Спасителя в его земной жизни, после вознесения Христа посвятили свою жизнь распространению новой веры во всех концах земли.

Из 12 учеников церковь выделяет двух, сделавших исключительно много для распространения христианской веры, – это Петр и Павел, получившие звание первоверховных святых апостолов.

Иконы святого апостола Луки

Икона святого евангелиста Луки есть в каждом православном храме; как правило, она входит в состав иконостаса и располагается на Царских вратах вместе с образами Матфея и Марка. Икона изображает евангелиста Луку за писанием Евангелия или за работой над образом Богоматери. Святой апостол Лука был наделен искусством врачевания и всю свою жизнь продолжал совершенствовать данный ему от Бога дар, исцеляя людей от заболеваний глаз.

Молитва евангелисту помогает при ухудшении зрения, покраснении и усталости глаз, катаракте и бельме.

Тропарь, глас 5-й

Апостольских деяний сказителя и Евангелия Христова светла описателя, Луку препетаго, славна суща Христове церкви, песньми священными святаго апостола похвалим, яко врача суща, человеческие немощи, естества недуги и язи душ исцеляюща и молящася непрестанно за души наша.

Кондак, глас 2-й

Истиннаго благочестия проповедника и тайн неизреченных ритора, звезду церковную, Луку Божественнаго восхвалим: Слово бо его избра, с Павлом мудрым языков учителя, Един ведый сердечная.

Тропарь апостолу, глас 3-й

Апостоле святый Лука, моли милостиваго Бога, да прегрешений оставление подаст душам нашим.

Кондак апостолу, глас 4-й

Яко звезду пресветлую церковь всегда стяжа тя, апостоле Лука, чудес твоих многоподаванием просвещаема. Тем же зовем Христу: спаси чтущих верою память Твоего апостола, Многомилостиве.

Иконы святого апостола Петра

Апостол Петр входил в число 12 учеников Христа, после Его вознесения проповедовал Слово Божье в Риме, являя многие чудеса исцеления и даже воскрешения из мертвых.

На иконах Петра изображают со свитком, крестом и связкой ключей от Небесного Царства, чаще всего вместе с Павлом, держащим раскрытое Евангелие.

Молитва апостолу Петру помогает при высокой температуре, лихорадке, простудных заболеваниях.

Молитва первая

О, верховнии апостоле: Петре, веры Христовой твердый изобразителю, и Павле, сладковещательная ластовица учения Господня! Зрим вас, аки многотекущую реку сказаний Христовых словес, истекающую от истинных недр Божиих и всю глубину кладезя истин богооткровенных пред нами, жаждущими их, открывающую. Зрим вас, аки светила, с небесе токи теплоты любве божественныя нам уясняющия; ублажаем вас, приемших труды и поты, во еже всеяти учений божественных семена; целуем стопы ваша, обтекавшия вся концы земли, и в трепете греховнем зрим главы ваша, смиренно преклоненныя к пречистым стопам Господним: единаго крестным путем (повешением) и другаго мечным усечением. Умильно просим вас, святии апостоли, сотворите и нас в буести греховней преклоненными пред Учителем нашим Господом, сотворите гордости нашей главы усекновение учением богооткровенным: глад душевный наш да утолит Господь брашном, указуемым с самаго неба, якоже Петру; ты же, Павле, богонасыщенный Христовых словес, потщися и нас до третьяго небесе возвести твоими непрестанными о нас ко Господу молитвами, да и мы тамо прославим с лики ангельскими и апостольскими дивнаго во святых своих Отца всяческих и Его же послал в мир спасаяй и наставляяй к жизни вечной, Господа Иисуса Христа, и единосущнаго Им Святаго Духа. Аминь.

Молитва вторая

О, преславнии апостоли Петре и Павле, души за Христа предавшии и кровию вашею пажить Его удобрившии! Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение, во веки веков. Аминь.

Молитва третья

Святый верховный апостоле Петре, каменю веры на Христе, краеугольном камени, в церковь исповеданием назданный! Моли, да и аз, умными помышлении и плотскими похотении всегда колеблемый, на тоемжде Христе, камени живом, избранном, честном, верою наздан всегда совершаюся любовию в храм духовен, в священство свято, вознесити жертвы духовныя Богови Иисусу Христу. Святый верховный апостоле Павле, сосуде избранный Христов, благодати и славы Божия преисполненне! Моли имущаго власть над тварию Творца, да мя, ныне сосуд погубленный, сотворит Себе сосуд в честь, освящен и благопотребен, на всякое благое уготован. Аминь.

Тропарь, глас 4-й

Апостолов первопрестольницы и вселенныя учителие, Владыку всех молите, мир вселенней даровати и душам нашим велию милость.

Образы святителей

Ксвятым святителям причисляют священнослужителей не ниже чина епископа, всю свою жизнь посвятивших сохранению и прославлению православной веры. К числу наиболее почитаемых святителей относятся Николай Чудотворец, Григорий Богослов, Иоанн Златоуст.

На иконах святители изображены в саккосе – епископском облачении, с митрой на голове и омофором на плечах. В одной руке они держат символ учения – книгу, а второй благословляют свою паству.

Иконы Николая Чудотворца

Николай вырос в благочестивой семье моряков и с детства чувствовал в себе призвание служить Господу. Получив большое наследство после смерти родителей, он избрал для себя путь священника, и раздал свое имущество бедным и нуждающимся.

Желая посетить святые места, Николай отправился на корабле к палестинским берегам. Внезапно на море разразилась сильная буря, и пассажиры попросили, чтобы Николай как священник помолился Господу об их спасении. Вскоре после молитвы ветер совершенно утих. Сразу же после этого Николай Угодник явил еще одно чудо – воскресил разбившегося при падении с мачты матроса.

Посетив святые места, Николай не пожелал вернуться в родной город, где все его знали, а предпочел остаться в Мирах, где стал вести скромное существование, большую часть времени посвящая молитвам в храме. Тогда же в городе почил епископ, и священники решили избрать в новые епископы того, на кого им укажет Господь: первого, кто войдет утром в храм. Этим человеком оказался Николай, который и принял высокий сан ради людей и прославления Господа, с тех пор он все свое время посвятил служению своей пастве.

Николай Угодник считается покровителем всех моряков; молитва святителю помогает избежать бури, спасает от несчастий в пути, предотвращает падение зрения, исцеляет при наступлении слепоты.

На иконах Николай изображен как седой старец в епископском облачении, в одной руке он держит

Евангелие, второй благословляет паству. Слева и справа от образа угодника в клеммах помещают лики Спасителя и Богоматери.

Молитва первая

О, всеблагий отче Николае, пастырю и учителю всех, верою притекающих к твоему заступлению и теплою молитвою тебе призывающих! Скоро потщися и избави Христово стадо от волков, губящих е; и всякую страну христианскую огради и сохрани святыми твоими молитвами от мирскаго мятежа, труса, нашествия иноплеменников и междоусобныя брани, от глада, потопа, огня и напрасныя смерти; и якоже помиловал еси триех мужей, в темнице сидящих, и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, избави мя гнева Божия и вечныя казни, яко да твоим ходатайством и помощию. Своим же милосердием и благодатию Христос Бог тихое и безгрешное житие даст ми пожити в веце сем и избавит мя шуияго стояния, сподобит же деснаго со всеми святыми. Аминь.