Текст книги "200 православных исцеляющих икон"

Автор книги: Wim Van Drongelen

сообщить о нарушении

Текущая страница: 19 (всего у книги 20 страниц)

Тропарь 1, глас 4-й

Иже земных чести и славы отвергшеся, доблии и честнии, страдальцы, веры ради крепко и мужественно муки претерпесте, на смерть себе давше за живот всех Владыку: темже и Христос преславно столпом облачным с небесе вас озари и почестьми и венцы от престола славы венча: со ангелы Тому предстояще, молите спастися душам нашим.

Тропарь 2, глас 4-й

От корене неплодна, преблаженнии, возрастивше православныя веры ветви, первомучеником тезоименития явистеся: злаго бо и нечестиваго князя ярости не убоястеся, повелевающа Христа отрещися, сего ради мученическия венцы приемше и со ангелы престолу Владычню предстояще, о нас молитеся, преблаженнии, православно чтущих святую память вашу.

Иконы преподобного Иринарха, затворника Ростовского

Преподобный Иринарх в 30 лет принял монашеский постриг и стал вести жизнь, полную смиренного послушания и лишений. После того как он отдал свои единственные сапоги нуждавшемуся страннику, Иринарх стал ходить босым и летом и зимой, затем надел на себя вериги и цепи, которые не снимал четверть века.

Всю свою монашескую жизнь преподобный соблюдал самый строгий пост, 3 года провел в темной и тесной келье в затворничестве, выполнял самую тяжелую работу. Слава о подвижнике распространилась по всей Руси, к нему приезжали получить благословление Минин и Пожарский.

За свою полную лишений и духовного подвига жизнь преподобный был удостоен дара исцелять недуги, по молитве Иринарху проходят головная боль, душевное беспокойство, обретается спокойствие духа, возвращается здоровый сон.

Молитва

О, великий угодниче Христов, добропроизвольный страдальче, новопросиявый чудесы, отче наш Иринарше, Российстей земли удобрение, граду Ростову похвало, обители сей велие украшение и утверждение! Кто не удивится твоему самопроизвольному и долголетнему страдальческому терпению: тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюжде хижину вселился еси, яко адамант твердый, на невидимая бесовская полчища и видимыя враги твоя терпением себе вооружив. Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящим во благо даже доднесь чудодействуеши. Мы же недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся, скорый наш помощниче и теплый к Богу молитвенниче. Услыши убо и нас грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.

Иконы великомученика Димитрия Солунского

Великомученик Димитрий Солунский родился в знатной римской семье, проживавшей в древнегреческом городе Солуни. Несмотря на преследование христиан, и родители, и Димитрий приняли православную веру. Унаследовав должность отца, Димитрий по роду службы должен был бороться с христианской верой, но он презрел приказ императора Максимилиана и стал склонять язычников принять истинную веру во Христа. За нарушение приказа он был заключен в тюрьму, где по его молитве был спасен от верной гибели благоверный гладиатор Нестор, после чего слава о христианской вере с новой силой стала распространяться среди местных жителей. Рассвирепевший император повелел умертвить чудотворца мучительной казнью.

Благочестивая жизнь и мученическая смерть Димитрия Солунского были вознаграждены Господом даром исцелять людей, обращающихся к великомученику за помощью.

На иконах Димитрий Солунский предстает в образе молодого отрока в римских доспехах, иногда – на коне. В руке великомученик держит крест – символ мученического конца во славу Господа.

Перед иконами Димитрия Солунского молятся об исцелении от болезней глаз и падения зрения, от слепоты, об укреплении веры и обретении душевного здоровья.

Молитва первая

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию (или храм сей) и всякую страну христианскую. Исходатайствуй у Царя царствующих на враги победу и одоление, всей державе православной мир, тишину, твердость в вере и преспеяние во благочестии: нам же, чтущим честную память твою, испроси благодатное укрепление на дела благая, да, благоугодное Владыце нашему Христу Богу зде творяще, сподобимся молитвами твоими наследовати Царствие Небесное, для вечнаго прославления Его со Отцем и Святым Духом. Аминь.

Молитва вторая

Святый великомучениче Христов Димитрие! Предстоя со дерзновением небесному Царю, испроси у Него прощение согрешений наших и о еже избавитися нам окаянным (имена) от всегубительныя язвы, огня и вечныя казни. Моли благость Его, еже ущедрити приход (или дом) сей и храм наш. Испроси нам благодатное укрепление на дела благая, да, благоугодное Владыце нашему Христу Богу зде творяще, сподобимся молитвами Твоими наследовати Царствие Небесное и тамо прославляти Его, со Отцем и Святым Духом, во веки веков.

Тропарь, глас 3-й

Велика обрете в бедах тя поборника вселенная, страстотерпче, языки побеждающа. Якоже убо Лиеву низложил еси гордыню, и на подвиг дерзновенна сотворив Нестора: тако святе Димитрие, Христу Богу молися, даровати нам велию милость.

Кондак, глас 2-й

Кровей твоих струями, Димитрие, Церковь Бог обагри, даруяй тебе крепость непобедимую и соблюдаяй град твой невредим, того бо еси утверждение.

Иконы преподобного Дамиана Целевника (Печерского)

Преподобный Дамиан, живший в XI в. н. э., посвятил жизнь свою подвижническому подвигу во имя Господа.

Приняв постриг от преподобного Феодосия в Печерском монастыре, Дамиан всю оставшуюся жизнь провел в тяжких трудах и смиренных молитвах, вкушая только хлеб и воду.

За свою благочестивую жизнь святой был удостоен благодати Божьей и обрел дар целительства. Он молился за каждого больного, приходившего в монастырь за помощью, и каждый раз молитва его излечивала людей. Случаи целительства не прекратились и после кончины преподобного: к нему обращаются с просьбой об излечении самых сложных заболеваний и неизменно получают помощь. На иконах преподобный Дамиан изображен в темном иноческом одеянии, в смиренной молитвенной позе, а в руках он держит монашеские четки.

Молитва первая

Преподобне отче Дамиане! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви

Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Молитва вторая

О, священная главо, преподобне отче, преблаженне авво Дамиане, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к небесному Царю, не премолчи за ны ко Господу и не презри нас, верою и любовию чтущих тя. Поминай нас недостойных у престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас всесильному Богу, о пользе душ наших и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Молитва святым преподобным Дамиану, пресвитеру и целебнику, Иеремии и Матфею Прозорливым, Печерским

Христовых повелений светом сердца своя просветивше, страстный мрак прогнасте, темже Троицы селение бысте тричислении отцы, Дамиане, Иеремие с Матфеем, от Неяже благодать приемше, недужныя исцеляете, будущая возвещаете и Ангелом сопричастницы суще, молитися Христу Богу даровати нам причастие святых. Аминь.

Тропарь, глас 1-й

Христовых повелений светом сердца своя просветивше, страстный мрак прогнасте, темже Троицы селение бысте тричислении отцы, Дамиане, Иеремие с Матфеем, от Неяже благодать приемше, недужныя исцеляете, будущая возвещаете и, ангелом сопричастницы суще, молитеся Христу Богу даровати нам причастие святых.

Кондак, глас 2-й

Якоже древнии пророцы благодать пророчествия приемше и неложне духом прозревше, прорекоша найти хотящая, тако и вы в жизни нашей злая, грехов ради наших на ны грядущая, предвозвестисте; и ныне да не постигнут ны злая, испросите от Христа Бога исправление делом нашим и велию милость.

Иконы преподобного Агапита Печерского

Преподобный Агапит Печерский, живший в XI в., принял постриг в Киево-Печерском монастыре. За благочестивую подвижническую жизнь он был наделен даром исцелять больных травами и зельями, которые принимал и сам. Начал преподобный с излечения тяжелобольных иноков, затем к нему стали обращаться и миряне: так, в числе излеченных был и Владимир Мономах, который получил от Агапита лекарство. За свою помощь Агапит никогда не брал подношений и подарков, все делал только во славу Господа. И после кончины Агапит продолжает исцелять обратившихся к нему за помощью людей. К преподобному Агапиту Печерскому обращаются при заболеваниях кожи, недугах нервного происхождения, при болезнях с неясным диагнозом.

На иконах Агапит предстает старцем в монашеском одеянии, в руках у него, помимо традиционного свитка, – целебные травы, которыми он излечивал людей.

Молитва первая

Преподобне отче Агапите! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Молитва вторая

О, священная главо, преподобне отче, преблаженне авво Агапите, не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к небесному Царю, не премолчи за ны ко Господу и не презри нас, верою и любовию чтущих тя. Поминай нас недостойных у престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя воистину и по смерти жива суща, тебе припадаем и тебе молимся: молися о нас всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Молитва третья

О, всеблаженне Агапите, земный ангеле и небесный человече! Припадаем к тебе с верою и любовию и молим ти ся прилежно: яви нам смиренным и грешным святое свое заступление; се бо грех ради наших не имамы свободны чад Божиих просити о потребах наших Господа и Владыку нашего, но тебе, молитвенника благоприятнаго, к Нему предлагаем и просим тя со усердием многим: испроси нам от благости Его благопотребная дары душам и телесем нашим, веру праву, любовь ко всем нелицемерну, в злостраданиих терпение, тяжкими болезнями одержимым – от недугов исцеление, под бременем скорбей и напастей неудобоносимых падающих и жития своего отчаявшихся твоими молитвами получити скорое облегчение и избавление.

Не забуди, блаженне отче, и обитель сию святую, присно тя чтущую, но соблюди ю и всех живущих и подвизающихся в ней и на поклонение в ню приходящих невредимыми от искушений диавольских и всякаго зла. Егда же приспеет наше от временнаго сего жития отшествие и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца, Бога Отца и Сына и Святаго Духа, и твое вкупе с преподобными Антонием и Феодосием отеческое заступление во веки веков. Аминь.

Тропарь, глас 5-й

Богоноснаго Антония ревнуя смиренномудрию, аки некиим врачевством зелием снедным исцелял еси болящия, преподобне Агапите, тем и врача неверна уверив, наставил еси на путь спасения. Уврачуй и наша болезни и молися Господеви о воспевающих тя.

Кондак, глас 6-й

Врач сый изряден, чудне, являя несумненную твою веру, обличая же армениново неверие и приводя его к благочестию, себе, близ смерти бывшу, испросил еси от Бога продолжение живота и, сим чудом того уверив, привел еси Христови. Емуже в веселии предстоя, молися о нас, преподобне.

Иконы благоверных князей Бориса и Глева (во святом крещении – Романа и Давида)

Благоверные князья – сыновья равноапостольного князя Владимира, Крестителя Руси. С детских лет они отличались смирением и благочестием, а получив в наследство уделы Мурома и Ростова, неустанно проявляли милость и заботу о горожанах, заботились о распространении православия.

После смерти своего отца братья не пожелали развязывать братоубийственную войну со Святополком, несмотря на предупреждения о готовящемся убийстве, и предпочли погибнуть от рук своего брата, боявшегося их притязаний на Киевское княжество. Братья, явившие истинный пример христианской любви и всепрощения, были наделены даром исцелять людей, обращающихся к ним с молитвой о помощи.

Молитва благоверным князьям-страстотерпцам помогает при заболеваниях и увечьях ног, при усталости, депрессии и недугах нервного характера.

На иконах оба брата изображены вместе, облаченными в древнерусские княжеские одежды. На некоторых образах они держат в руках Борисоглебский монастырь.

Молитва первая

О, двоице священная, братие прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровьми своими, яко багряницею, украсившиися и ныне со Христом царствующии! Не забудите и нас, сущих на земли, но яко теплии заступницы, вашим сильным ходатайством пред Христом Богом сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом диавола воздвигаемую от ближних и чуждых. Молим вас, Христолюбивии страстотерпцы, споспешествуйте и нам к победе на враги, испросите у великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением град сей и всех чтущих святую память вашу, во веки веков. Аминь.

Молитва вторая

О, двоице священная, страстотерпцы Борисе и Глебе! Не забудите нас, раб Божиих (имена), но яко заступницы, вашим сильным ходатайством пред Христом Богом нас помилуйте; от нечистоты сохраните, от скорби, озлоблений и внезапныя смерти избавите. Испросите у великодаровитаго Владыки нам оставление прегрешений наших, единомыслие и здравие. Снабдевайте заступлением вашим приход сей, дом (святый храм) сей и вся чтущия святую память вашу, во веки веков. Аминь.