Текст книги "200 православных исцеляющих икон"

Автор книги: Wim Van Drongelen

сообщить о нарушении

Текущая страница: 4 (всего у книги 20 страниц)

Икос 3-й

Имуще источник неоскудеваемый, неупиваемую чашу небесных дарований, не токмо люди града Серпухова, но и вси православнии христианы иных градов и весей, притекающий к Твоему пречудному образу, «Неупиваемая чаша» именуемому, и пред сим получивше исцеление, припадающе, благодарными усты вопиют Ти:

Радуйся, купеле, в нейже вся скорби наша погружаются;

Радуйся, чаше, еюже радость спасения нашего восприемлем.

Радуйся, наша немощи, душевныя и телесныя, врачующая;

Радуйся, страсти наша силою молитв Твоих укрощающая.

Радуйся, коемуждо, во всякой потребе просящим, полезная дарующая;

Радуйся, бесчисленныя щедроты всем подающая.

Радуйся, милости сокровище нам открывающая;

Радуйся, милосердие к падшим являющая. Радуйся, Владычице, Неупиваемая Чаша, духовную жажду нашу утоляющая.

Кондак 4-й

Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пианственною страстию, получают исцеление и из глубины сердца вопиют рожденному от Тебе Спасителю нашему: Аллилуиа.

Икос 4-й

Слыша Господь тяжкия скорби, вопли и плач жен, стариц, детей, сродницы коих обуреваеми суть пианственною страстию, даде им, Владычице, Твою икону, от неяже вси притекающии обретают утешение и радость духовную и вопиют Ти со слезами:

Радуйся, Агнице, рождшая Агнца, вземлющаго грехи мира;

Радуйся, Чаше, черплющая нам радость от источника безсмертия.

Радуйся, скорбных матерей утешение;

Радуйся, безнадежных Надеждо.

Радуйся, притекающих к Тебе благодатное охранение;

Радуйся, скорбящих отрадо и увеселение. Радуйся, волнение страсти пианства утишающая;

Радуйся, руку помощи Твоей требующим простирающая.

Радуйся, Владычице, Неупиваемая Чаша, духовную жажду нашу утоляющая.

Кондак 5-й

Яко боготечную звезду, честную икону Твою Ты нам показала еси, Владычице мира, юже мы зрище, с верою сердечною молящеся Тебе, Богородице, глаголем: исцели пианством и иною болезнию душевною и телесною страждущих, верных же научи воспевати хвалу Богу: Аллилуиа.

Икос 5-й

Видяще чудеса преславная и знамения пречудныя, бываемая не токмо от иконы Твоей, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:

Радуйся, скоропредстательная Помощнице усердно к Тебе притекающих;

Радуйся, благосердная Услышательнице молений наших.

Радуйся, град Серпухов благословением Твоим осенившая;

Радуйся, в пределех московских славу чудес Твоих показавшая.

Радуйся, всем требующим сокровище исцелений неоскудное;

Радуйся, в трезвении благоподвизающихся всемощная Покровительнице.

Радуйся, ведущим брань противу мира плоти, диавола и пианства добрая Споспешнице;

Радуйся, в мире благочестно живущих усердная Заступнице.

Радуйся, Владычице, Неупиваемая Чаша, духовную жажду нашу утоляющая.

Кондак 6-й

Проповедающе чудеса Твоя, Богородительнице, от иконы Твоея «Неупиваемая чаша» именуемыя, бываемая, молим Тя, Пречистая, со слезами: избави всех нас от виннаго пристрастия и от падения греховнаго, научи нас воздержанию, подвизающи воспевати Богу: Аллилуиа.

Икос 6-й

Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа, зрящи. Иже в сосуде, аки в неупиваемой чаше, предстоит, якоже Тя видим изображенную на иконе Твоей, «Неупиваемая чаша» таинственно пронареченней, от неяже избавление от пианственныя страсти притекающим с верою даруеши, сего ради со слезами приносим Тебе гласы немолчныя сице:

Радуйся, яко о Тебе радуется и торжествует ангельский собор и человеческий род;

Радуйся, яко Твоя слава превосходит похвалы земныя и небесныя.

Радуйся, таинственным изображением Сына в сосуде Тайну Божественныя евхаристии нам открывающая;

Радуйся, рожденнаго Тобою Агнца, всегда ядо-маго и никогдаже иждиваемаго, нам дивно указующая.

Радуйся, чаше жизни и безсмертия, ко вратам вечныя жизни нас приводящая;

Радуйся, источником нетления и радости жаждущия души напояющая.

Радуйся, несчетною благостию не оставляющая самых презренных и отверженных;

Радуйся, от рова погибели милосердием Твоим исхищающая безнадежных.

Радуйся, Владычице, Неупиваемая Чаша, духовную жажду нашу утоляющая.

Кондак 7-й

Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

Икос 7-й

Новое чудо видим, Владычице, от иконы Твоея святыя: страждущий бо недугом пианства некий раб Божий Стефан, прибегая к Твоему Матернему предстательству, от тяжкаго недуга своего избавися и благодаряще Тя, благолепными дары икону Твою украси, и припадающе к ней, со слезами возопи Тебе тако:

Радуйся, Живоносный Источниче исцелений; Радуйся, чаше небесная Божественных дарований.

Радуйся, реко исцелений приснотекущая; Радуйся, море, вся наша страсти потопляющее. Радуйся, под тяжестию греха пианства падающих матернима рукама Твоима возставляющая;

Радуйся, благодарственныя дары не отвергающая.

Радуйся, сердца благочестивых людей возвеселяющая;

Радуйся, вся благая прошения наша исполняющая.

Радуйся, Владычице, Неупиваемая Чаша, духовную жажду нашу утоляющая.

Кондак 8-й

Странно и сумнительно неверующим слышати, како икона Твоя святая «Неупиваемая чаша» Божественных исцелений источает чудо. Мы же, верующие слову Твоему, Владычице, реченному к первописанней Твоей иконе: «Благодать Рождшагося от Мене и Моя с сею иконою да будет», – веруем, яко и сия икона Твоя благодать Твою источает. Темже благоговейно покланяющеся, лобызаем ю, вопиюще Богу: Аллилуиа.

Икос 8-й

Все упование людие, страждущии недугом пианства, на Тя, Владычице, возлагают. Приклонися к немощем и страстем нашим, кто бо нас, грешных, изведет от рова погибели и нищеты духовныя и телесныя, аще не Ты, Владычице; сего ради, приклонше колена пред Твоим пречистым образом, вопием Ти тако:

Радуйся, моления грешников не отвергающая;

Радуйся, призывающим Тя Свою небесную помощь ниспосылающая.

Радуйся, глубину милосердия Твоего грешным показующая;

Радуйся, отчаянных и безнадежных ободряющая.

Радуйся, одержимым страстию пианства руку помощи простирающая;

Радуйся, терпеливых страдальцев благодатными дары утешающая.

Радуйся, недуги наша, душевныя и телесныя, врачующая;

Радуйся, суетныя радости мира сего презирати нас научающая.

Радуйся, Владычице, Неупиваемая Чаша, духовную жажду нашу утоляющая.

Кондак 9-й

Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем приклоняющуюся и от горькаго недуга пианства свобождающую, верныя же научающую пети Богу: Аллилуиа.

Икос 9-й

Ветии человечестии недоумеют восхвалити по достоянию славное, Владычице, иконы Твоея явление, ниже мы, грешнии, от скверных устен наших возможем принести достойное похваление Заступнице нашей. Обаче неисчетная чудеса, иконою Твоею являемая, видевше, душею и сердцем радующеся, Тебе глаголем:

Радуйся, от священнаго лика Твоего чудеса источающая;

Радуйся, от бед и скорбей скоро избавляющая. Радуйся, отвергающих Тя посрамляющая;

Радуйся, от всякаго зла прибегающих к Тебе сохраняющая.

Радуйся, кротким сиянием Твоим мрак греха и мглу страстей наших разгоняющая;

Радуйся, души наша любовию к Тебе и Сыну Твоему исполняющая.

Радуйся, на стезю покаяния нас премудре наставляющая;

Радуйся, добраго ответа пред Судиею Праведным нам усердная Ходатаице.

Радуйся, Владычице, Неупиваемая Чаша, духовную жажду нашу утоляющая.

Кондак 10-й

Спасти хотя многия страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают и, получивше исцеление, во умилении взывают Богу: Аллилуиа.

Икос 10-й

Стена еси и щит, Богомати, людем, страждущим недугом пианства, и всем, усердно к Тебе притекающим и икону Твою святую благоговейно чтущим. Ибо сию дарова нам благих Податель Господь в помощь и врачевство от губительныя страсти, и сим внушает нам пети Тебе:

Радуйся, отчаянных Надеждо и печалей наших утоление;

Радуйся, болезней душевных и телесных исцеление.

Радуйся, нашу скверну чистотою Твоею очищающая;

Радуйся, Своею благодатию наше недостоинство просвещающая.

Радуйся, брение наше тленное в нетление облекающая;

Радуйся, моления наша Твоим предстательством подкрепляющая.

Радуйся, в неможении нашем нас утверждающая;

Радуйся, облегающий нас облак страстей скоро разгоняющая.

Радуйся, Владычице, Неупиваемая Чаша, духовную жажду нашу утоляющая.

Кондак 11-й

Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помози им и нам очиститися от всякия скверны греховныя, да возможем достойно и праведно пети Богу: Аллилуиа.

Икос 11-й

Светоприемную свещу зрим Тя, Пресвятая Дево, ибо образ Твой святый лучами благодати Твоей мглу греховную прогоняет и на светлую стезю добродетелей наставляет с верою зовущих Ти таковая:

Радуйся, заступлением Твоим от суеты мира сего многомятежнаго нас избавляющая;

Радуйся, приражения страстей плотских отражати нам помогающая.

Радуйся, мысль благу в сердце наше полагающая;

Радуйся, нечистую совесть нашу просвещающая.

Радуйся, от мучительнаго недуга пианства страждущих избавляющая;

Радуйся, к искреннему покаянию и вразумлению призывающая.

Радуйся, души всех озлобленных умягчающая;

Радуйся, на помощь Тя призывающих и имя Твое славящих спасающая.

Радуйся, Владычице, Неупиваемая Чаша, духовную жажду нашу утоляющая.

Кондак 12-й

Благодать Божия, присущая иконе Твоей, «Неупиваемая чаша» именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщетни отходят, Пречистая, от неупиваемыя чаши Твоих Божественных дарований, но, неоскудно получая цельбы чудотворнаго образа Твоего, Всеблагая, благодарственно поют Богу: Аллилуиа.

Икос 12-й

Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти:

Радуйся, воздержанию от греха пианства всех подвизающая;

Радуйся, от пристрастия к вину росою милости Твоея свобождающая.

Радуйся, страждущих от тяжкаго греха пианства присное врачевание;

Радуйся, бедствующим в страстех скорая Помощнице.

Радуйся, малодушых дивное ободрение;

Радуйся, благодушных велия радосте.

Радуйся, радуйся, гордых смиряющая;

Радуйся, смиренныя возвышающая и всем спасения желающая.

Радуйся, Владычице, Неупиваемая Чаша, духовную жажду нашу утоляющая.

Кондак 13– й

О, Премилостивая Мати Сладчайшаго Господа нашего Иисуса Христа! Нынешнее наше услыши моление и избави нас от всех недугов, душевных и телесных, наипаче же свободи страждущих недугом пианства рабов Твоих (имена их), да не во зле погибнут, но да спасеннии Тобою присно вопиют Богу: Аллилуиа.

Этот кондак читается трижды, затем 1-й икос «Ангельские чини…» и 1-й кондак «Избранное и дивное…»

«Путеводительница» («Одигитрия»)

Главная идея образа Богородицы в данном типе икон заключается в том, что Матерь Божья является главной проводницей и помощницей человека на его нелегком пути к вечному спасению и Божьему свету, так как через рождение Богочеловека смогла связать эти два мира. Фигура Богоматери здесь предстает фронтально, чаще всего по пояс. В некоторых вариантах ее голова немного наклонена вправо, к Младенцу, который сидит на ее правой руке. Второй рукой Пресвятая указывает всем молящимся на Младенца, подчеркивая, что именно в нем заключается истинный путь к свету. Сам Младенец одной рукой благословляет, а во второй руке у него находится свиток.

Изображение Богоматери с Младенцем на руках призвано подчеркнуть материнское начало в Богородице, которая, словно мать каждого человека, становится заступницей обратившихся к ней перед Господом, доносит до него молитвы и ходатайствует за своих сыновей и дочерей.

Икона Божьей Матери «Троеручница»

Икона представляет собой тип Одигитрии, но не с левосторонним, а с правосторонним расположением Христа. Поза Богоматери статична, голова немного наклонена вправо, левая рука указывает на Богомладенца. В нижней части иконы изображена серебряная рука, давшая название иконе.

По преданию, в VIII в. в мусульманском Дамаске жил преподобный Иоанн, ревностный хранитель православия. Благодаря высокой должности советника халифа Дамаска Иоанну удавалось препятствовать уничтожению христианских святынь на завоеванных арабами дамасских территориях. Однако происки врагов сыграли свою роль: Иоанн был оклеветан и обвинен в расхищении государственного имущества.

По мусульманским законам вору полагалось отсечь руку. При большом стечении народа на городской площади Иоанну отрубили правую кисть, но преподобный упросил халифа отдать ему отсеченную руку. В тот же вечер Иоанн заперся у себя, приложил кисть к запястью и стал горячо молиться перед образом Божьей Матери об исцелении от увечья.

Во сне к преподобному явилась сама Богородица, которая радостно известила, что просьба Иоанна услышана, но исцеленная рука должна послужить славе Господней. Проснувшись, тот с изумлением обнаружил, что рука снова цела. В благодарность за чудесное исцеление Иоанн составил благодарственный гимн, а также велел изготовить серебряную руку, которую поместил в нижнюю часть иконы, благодаря чему она и получила название Троеручицы. С тех пор святой удалился от всех государственных дел и полностью посвятил себя служению Богу.

После смерти Иоанна икона продолжала являть много чудес. Так, во время захвата мусульманами Балканского полуострова, в том числе и Сербии, где она в то время хранилась, образ решено было спасти, доверив его защите самой Богоматери. Священный образ привязали к спине осла и отпустили животное на свободу, и оно само пришло на Афонскую гору, в православный монастырь. С тех пор икона хранится в Хиландарском монастыре, являя новые чудеса исцеления и примирения людей.

Впервые в Россию список с чудотворной иконы был привезен в конце XVII в. Любовь и чудодейственная сила списков иконы привели к широкому распространению этого образа по всей Российской империи; за годы советской власти большинство их исчезло, но несколько святынь и сегодня продолжают являть чудеса исцеления.

1. Чудотворная икона в храме Покрова Божией Матери, или в храме Серафимо-Покровского женского монастыря (Ленинск-Кузнецк).

2. Исцеляющая икона в храме Святителя Филиппа (Москва).

3. Чудотворная икона в храме Успения Пресвятой Богородицы (Гончары).

4. Старинная чудотворная икона в Николо-Богоявленском морском соборе (Санкт-Петербург).

5. Чудотворная икона в Троицком соборе Данилова монастыря (Московская обл.).

Перед иконой «Троеручицы» молят при заболеваниях, ранах, увечьях, ожогах рук, повреждениях сухожилий и нервных стволов, при обморожении и анемии пальцев, незаживающих гнойных ранах, экземах.

Многие молящиеся свидетельствуют об излечении от пупочных грыж, различного рода воспалений, поражений легких, увечий и заболеваний ног. Молитва при иконе помогает излечить болезни неизвестного происхождения, возвращает здоровье.

 Молитва

О, Пресвятая и Преблагословенная Дево, Богородице Марие! Припадаем и поклоняемся Тебе пред святою иконою Твоею, воспоминающе преславное чудо Твое исцелением усеченныя десницы преподобнаго Иоанна Дамаскина, от иконы сея явленное, егоже знамение доныне видимо есть на ней, во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и, якоже блаженнаго Иоанна, в скорби и болезни к Тебе возопившаго, услышала еси, так и нас не презри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду врагами окружени есмы и несть помогающаго, ниже заступающаго, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшнем суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченной милости Своей. О Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и рождшагося от Тебе Искупителя нашего Господа Иисуса Христа Емуже подобает слава и держава, честь и поклонение, купно со Отцем и Святым Духом всегда, и во веки веков. Аминь.

Тропарь

Веселятся преславные народы, видя, Владычица Дева Богородица, Твою пречудную и чудотворную икону, и приемлют исцеления душевные и телесные по Твоей милости. Поэтому покланяемся ей, усердно Тебе вопия: помилуй, Благая Матерь, меня, смиренную и грешную рабу Твою, и избавь мя от всякаго зла и искушения вражия, моли Сына Твоего Господа Иисуса, да спасшеся, небесное жительство получу человеколюбием и благодатию Его. Аминь.

Тихвинская икона Божьей Матери

Иконография образа Тихвинской иконы Божьей Матери напоминает Иерусалимскую и Смоленскую Одигитрии с характерной взаимной обращенностью Богоматери и Христа. Ноги Младенца, сидящего на левой руке Марии, согнуты в коленях; характерная особенность только этого варианта Одигитрии – у Богомладенца видна обращенная к молящимся подошва правой ступни. Богоматерь значительно развернута в левую сторону, к Младенцу, но голова наклонена только слегка.

По преданию, Тихвинская икона Богоматери была создана Лукой Евангелистом и долгое время пребывала в Константинополе, но за 70 лет до захвата и разграбления города чудесным образом перенеслась на Русь и впервые явилась новгородцам в 1383 г. на Ладожском озере, неподалеку от Новгорода. Икона появлялась четыре раза, последним местом ее явления стала небольшая местная река Тихвинка, которая и дала ей имя.

Деревянные храмы, построенные для иконы, трижды горели, но каждый раз чудотворный образ оставался невредимым. Со временем для иконы построили каменным Успенский собор, а на месте чудесного ее появления был основан Тихвинский монастырь. По поверьям, именно чудотворная икона не раз спасала обитель от захвата шведами. Во время Великой Отечественной войны икона была похищена немцами, но оказалась спасена рижским священником и перевезена в Чикаго, откуда после восстановления монастыря святыня вернулась на родину, в Тихвинский Богородичный Успенский мужской монастырь.

Список с чудотворной Тихвинской иконы Божьей Матери находится в Свято-Иоанно-Богословском монастыре (Рязанская область, Рыбновский район, село Пощупово). Московский чудотворный список хранится в храме Рождества Богородицы в Старом Симонове. Тихвинская икона Божьей Матери знаменита своей исцеляющей силой при детских болезнях самого различного происхождения, помогает при параличе, болезни глаз, от болезней нервного происхождения и от беснования.

Молитва

Благодарим Тя, о, Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христо-именитым людем российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси российскую страну.

Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди и подаждь стране победы на вся враги, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.

Тропарь, глас 4-й

Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи, юже великая Россия, яко некий дар Божественный, свыше благоговейне восприемши, прославляет Тя, Богомати, всех Владычицу, и от Тебе рождшагося Христа Бога нашего величает радостно. Емуже молися, о Госпоже Царице Богородице, да сохранит вся грады и страны христианския невредимы от всех навет вражиих и спасет верою покланяющихся Его Божественному и Твоему пречистому образу, Дево Неискусобрачная.