Текст книги "Вогнепаклоннікі"

Автор книги: Міхась Чарняўскі

сообщить о нарушении

Текущая страница: 6 (всего у книги 6 страниц)

Вярнуўся ён у гэтыя мясціны ўжо ў сталым веку. Прыплыў ажно з-пад паўднёвага мора разам з цёмнавалосымі кучаравымі людзьмі на вялізным чоўне пад ветразем. Верная прыморнікі абмянялі медзь, бронзу i шкляныя пацеркі на звярыныя шкуры, мёд i воск i вярнуліся да сваіх цёплых берагоў. Стары ж застаўся. Ен пачаў хадзіць па тутэйшым краі i навучаць людзей пакланенню сонечнаму свяцілу. Вечарамі распальваў вогнішча, збіраў вакол сябе гурт i гаварыў, размахваючы рукамі. Яго ўтрапёныя вочы быццам пранізвалі людзей, i дзівосныя словы глыбока западалі ў сэрцы. A калі сонца адбівалася ад увагнутай меднай бляхі i асляпляла прысутных, усім здавалася, што гэта пасланнік самога Сонца з'явіўся перад імі. I за ўсё гэта клікалі старога Вешчуном.

– Вы сееце збажыну i гадуеце быдла, але як дзікуны-паляўнічыя, што блукаюць па глухіх пушчах, па-ранейшаму пакланяецеся Месяцу – уладару цёмных начных сіл, якога лічыце вярхоўным боствам,– гаварыў Вяшчун.—Але ж хіба не Сонца прыносіць цяпло на зямлю i растапляе снягі i лёд? Хіба не з ім прыходзіць вясна i наступав час сяўбы? I хіба не сонечныя промні спеляць зерне ў каласах? Хіба не Нябеснае Свяціла дае жыццё ўсяму існаму на зямлі?

– Сонца – вярхоўнае боства,– навучаў далей стары.– Месяц жа – цемра i ноч, i свеціць ён толькі, адбіваючы сонечнае святло. Падстаўце далоні Сонцу i адчуеце цяпло. A хіба ж дае цяпло Месяц? Хіба не холадам i золкім туманам ахутвае ён зямлю? I хіба не Сонца разганяе туман уранку i прасвятляе над намі неба?

– Агонь у вогнішчы i на паходні – гэта часцінкі Сонца, што апусцілася да людзей. Калі мы спальваем лес i на выгарыны кідаем зерне, то ячмень хутка расце, высокі i каласісты. Гэта агонь зрабіў такой урадлівай зямлю. I гэты агонь нараджаецца ад трэння скрыжаваных палачак. Таму скрыжаваныя палачкі, крыж – сімвал вечнага Сонца!

Слухалі людзі Вешчуна, дзівіліся, ківалі галовамі. Некаторыя ж пляваліся, адварочваліся i ішлі прэч. Ды ўсё больш было такіх, што пачыналі пакланяцца Сонцу, паліць летняй самай кароткаю ноччу рытуальныя вогнішчы, спальваць нябожчыкаў i насыпаць над імі земляныя капцы. Таму вылюдняліся бажніцы, прысвечаныя Месяцу, усё менш да ix прыносілі ахвяраў. I адпаведна ўсё менш перападала светарам – прыслужнікам каля бажніц мяса i хлеба, вопраткі i ўпрыгожанняў.

Аднойчы ў канцы лета Вяшчун з некалькімі вучнямі падаўся на землі, што былі на далёкіх паўночных прытоках. Прыйшлі яны туды i прыпыніліся на высокім прыбярэжным мысе. Зладзілі цёплы будан, каб перабыць у ім зіму, расклалі вогнішча i пачалі залучаць мясцовых жыхароў да вогнепаклонніцтва. Але на гэтых глухіх ваколіцах, сярод векавечных пушчаў, дзе былі неўрадлівыя пясчаныя глебы, людзі жылі амаль выключна з палявання i рыбацтва. Зерня тут сея л i мала, i жывёл амаль не разводзілі. Таму новае вучэнне з цяжкасцю пускала караHi. Тубыльцы па-ранейшаму пакланяліся Месяцу, выявам Вялікага Лася i Маці-качкі, нябожчыкаў загортвалі ў бяросту i хавалі ў дуплах старых дрэў. Ды ўсё ж паціхупамалу большаў гурт слухачоў каля вогнішча на мысе. Але ўсё гэта дужа не даспадобы было тутэйшым светарам ды i старэйшыны скоса пазіралі на находніка, што муціў у галовах іхніх супляменнікаў.

I аднойчы на рачны мыс уварваўся натоўп узброеных мужчын.

– Смерць чужаку, які вучыць нішчыць агнём целы нашых памерлых бацькоў i дзядоў! – крычалі светары-падбухторшчыкі.

– Смерць яму! – роў натоўп.– I гэтым, што каля яго!

– Паслухайце, людзі...– узняў рукі Вяшчун.

– Няма чаго нам цябе слухаць! – перапыніў старога каржакаваты здаравяк з ваўчынай шкураю за плячыма.—Калі твае багі такія вялікія, то пакажы іхнюю моц. Інакш – рыхтуйся сустрэцца з імі! I ён патрос сякерай.

– Вучні мае,– загадаў Вяшчун,– нясіце сюды больш сухой травы i галля.

У насцярожаным маўчанні натоўпу Вяшчун падышоў да нарыхтаванага вогнішча i павярнуўся так, каб сонечнае святло ад нагруднай бляхі, сабранае ў вузкі пякучы прамень, трапіла на сушняк. Доўга стаяў так, не кранаючыся, i ягоныя ворагі ўжо пачалі былі траціць цярпенне. Але вось ад сонечнай плямкі на траве выплыў абвуглены абадок, задыміўся, i нарэшце ўспыхнуў агонь. Гул здзіўлення праляцеў над мужчынамі.

– Гэта толькі чараўніцтва! Не верце яму, людзі! – не здаваліся светары.

– Нясіце голле на вогнішча. Ды пабольш! – зноў загадаў Вяшчун.

Нарэшце полымя зашугала гарачынёй i выбухнула вышэй чалавечага росту. Тады Вяшчун узняў рукі да Сонца, нешта пашаптаў i ступіў на вогнішча.

Крык жаху i ўтрапення скалануў прысутных. Людзі адхлынулі, многія ўпалі ніцма на зямлю. Рэшта ж ca светарамі кінуліся наўцёкі.

Калі дагарэла вогнішча, вучні Вешчуна насыпалі над ім высокі капец.

Вестка пра такое нечуванае здарэнне разышлася па блізкіх i далёкіх наваколлях. Уражаныя тубыльцы паступова таксама пачалі пакланяцца агню.

* * *

– Нешта ў цябе тут цьмяна i скорагаворкай. Так i у сне бачылася?

– Ну, не зусім так. Тое-сёе дабавіў. Пачатак бронзавага веку быў звязаны з радыкальнымі зменамі ў светатіоглядзе першабытнага чалавека. У тым ліку i ў рэлігійных вераваннях, якімі былі прасякнуты самыя розныя бакі тагачаснага жыцця. Справа ў тым, што земляроб бронзавага веку інакш успрымаў i тлумачыў свет, чым неалітычны паляўнічы. Для земляробства важныя змены пораў году, pyx нябесных свяціл, па якіх ён вызначаў набліжэнне гэтых змен, важнае сонечнае цяпло, плодная моц зямлі. Старажытнага сейбіта займала таямніца нараджэння расліны з зярняці, чаму спрыялі i дождж i сонца. Канешне, змены ў духоўным жыцці адбываліся не раптоўна, а паступова. Старое не здавала легка свае пазіцыі, працягвала існаваць нейкімі элементамі i ў новую эпоху. Гэта таму, што ранейшыя заняткі, звязаныя з лесам, возерам, працяглы час усё яшчэ мелі важнае значэнне ў забеспячэнні чалавека прадуктамі харчавиння.

У сне ж мне бачылася, быццам я – малы хлапчук, сядзім з дзедам на азёрным бе разе i пячом мы на невялікім цяпельцы ракаў. Ix поўна было ў норах пад нізкім берагам. Толькі што налавілі – гупалі па беразе нагамі, a ўстрывожаныя небаракі выпаўзалі на пясчанае плыткаводдзе на відавок. Там мы ix i хапалі за спінкі. I вось мы сядзелі каля агню i чакаліу пакуль ракі пачырванеюць – тады ix можна лупіць i есці – i дзядуля апавядаў пра Вешчуна. Запомніліся толькі ўрыўкі з гэтага падання, рэшту ж дапоўніў сам, што ведаў з археалагічных раскопак, прачытаў у кніжках па этнаграфіі першабытных народаў.

Земляробства гэтага часу ў аснове сваёй было падсечна-агнявым. Глебу на выгарынах рыхлілі рознымі завоетранымі каламі, каменнымі i рагавымі матыкамі. Дарэчы, такіх каменных матык на Беларусі знойдзена даволі шмат. Падобныя спосабы апрацоўкі поля былі вядомыя яшчэ з новага каменнага веку. Але маюцца сведчанні, што ў бронзавым веку зараджалася i распаўсюджвалася i ворыўнае земляробства з дапамогай драўлянага ралау запрэжанага валамі. Хачу яшчэ раз падкрэсліць важнейшую ролю агню ў гэтай справе. Толькі IM можно, было для сяўбы вызваліць дастатковыя плошчы сярод суцэльных лясоў ды хм ыз някоў. Да таго ж зямля, угноеная попеламУ станавілася надзвычай урадлівай. Першага чалавека агонь саграваўу ахоўваў ад звера, даваў магчымасць згатаваць ежу. Зараз жа ён стаў першым памочнікам i земляробу. Успомнім, што толькі агонь даў чалавеку ўладу над рудамі, з якіх ён пачаў выплаўляць металы.

Заняўшы такое важнае значэнне ў штодзённым жыцці людзей бронзавага веку, агонь i сонца, як яго найвышэйшае ўвасабленне, сталі важнейшай часткай іхніх вераванняў, светапогляду.

ДОБРА TOE, ШТО Ў ПАРУ КАНЧАЕЦЦА

У палату ўвайшла медсястра, дзелавіта зрабіла нам anouiнія на сёння ўколы, выключыла святло, пакінуўшы над дзвярыма толькі маленькую зеленаватую лямпачку. Хворыя пачалі рыхтавацца да сну. Я выцягнуўся пад коўдрай, выбіраючы зручнейшае месца для ладна ўжо адлежаных за мінулыя паўмесяца бакоў i сцішыўся ў чаканніу калі надыдзе прыемнае паўзабыццё, а затым i сон...

Навокал было толькі, чорнае, без канца i краю, верху i дна, неба. I на ім нерухома свяціўся россып зор. Вялікіх i дробных, ледзь прыкметных. Сярод ix фасфарыцыруючымі мядузамі завіслі спіралі далёкіх галактык.

Я агледзеўся, але не ўбачыў ні зямлі, ні месяца. Навокал быў чорны космас i тыя ж рэдкія зоры. Я паспрабаваў абмацаць сябе i не змог, бо ў сапраўднасці не было i мяне, як матэрыяльнай істоты. Сярод гэтай бясконцай пустэльні знаходзіўся толькі згустак маёй свядомасці, якая не мела цялеснага ўвасаблення. I тады я пачаў разумець, што, пакуль спаў, гэты д'ябальскі гадзіннік часу перанёс мяне на мільярды гадоў, можа нават на светлавыя гады... Толькі невядома куды – у буду чае, ці ў мінуўшчыну? Навокал былі чужыя абрысы сузор'яў i самае галоўнае – ужо ці яшчэ не было не толькі Зямлі, але i усей Сонечнай сістэмы. Не было маіх родных, блізкіх, знаёмых. Я з імі размінуўся ў часе! I ад усведамлення гэтага мяне агарнула жахлівая, безнадзейная туга. Я ўяўляў, які тут ледзяны холад, якая сусветная пустэча i невыказная адзінота. I мая свядомасць сцялася ў балючую кропачку.

На шчасце, сон мой працягваўся нядоўга. Я прачнуўся i з палёгкай убачыў цьмяную лямпачку над дзвярыма, пачуў ціхія стогны су седа, але пачуццё раздзіраючай душу адзіноты не міналася. Тады я скруціўся клубочкам i не заснуў да самай раніцы.

Днём я выклыпаўся ў бальнічны сад. Хадзіў між дрэвамі, разглядаў кожны ўжо пажаўцелы лісток, дакранаўся да шурпатых бярозавых камлёў, нюхаў познія кветкі. Я з цяжкасцю верыў сабе, што знаходжуся зноў на зямлі,і шукаў усё новыя пацвярджэнні, што я тут, а не ў космасе. I ў твары людзей, якія прагульваліся па вільготных дарожках, углядаўся, быццам бачыў ix першы ці апошні раз.

А позна веча рам, калі зноў ляжаў у ложку, раптам здрыгануўся ад думкі, што вось засну i знікне зямляУ i я зноў апынуся ў той жа міжзорнай пустэльні. I кожны раз, калі сон ужо амаль авалодваў мною, прахопваўся. I так было ўсю ноч.

Toe ж паўтарылася i ў наступныя ночы.

Я зусім знясілеў ад бяссоння i стаў нецярпліва чакаць Івана Пятровічау які ўсё недзе затрымоўваўся. Нарэшце пазваніў яму сам: «Прыедзь, калі ласка, мне блага».

Устрывожаны сябра праз паўгадзіны быў у палаце.

– Ну, што ў цябе? – запытаўся ён, прысеўшы каля ложка i пільна ўзіраючыся ў мой твар.

Я даволі блытана распавёў яму пра свой «гкасмічны» сон, пра тое, што баюся заснуць, каб не паўтарыўся кашмар. Гаварыў я дрыжачым голасаМу нервова тузаўся. A ў канцы пачаў скардзіцца, што мне абрыдлі ўсе гэтыя мроі з мінулымі тысячагоддзяміу што мне хочацца спаць, як кожнаму нармальнаму чалавеку, бачыць звыклыя сныf а сама лепш – не сніць нічога, бо гэтымі начнымі трызненнямі я здаволіўся да краю.

Іван Пятровіч паклаў мне руку на плячо:

– Не хвалюйся. Звыклая справа – у цябе наступіла нервовае перанапружанне. Але ўсё будзе добра. Кладучыся спаць, глынеш вось гэту зялёную таблетку.

I сапраўды у пасля ягоных лекаў сон быў глыбокі, моцны i спакойны. Можа, што я i сніў, але, прачнуўшыся, нічога не памятаў. I калі расплюшчыў вочыу убачыў каля свайго ложка палатнага доктара i Івана Пятровіча.

– Ну як? – хітра заўсміхаўся мой сябра.

– Спаў, як пшаніцу прадаўшы! – шчасліва засмяяўся я.

– Яшчэ б, двое сутак. Як сябе адчуваеш?

– Страшэнна хачу есці.

Праз нейкі месяц пасля выпіскіз бальніцы я зазірнуў на працу да Івана Пятровіча, каб na старой звычцы перакінуцца парай слоў.

I ў канцы нязмушанай сяброўскай гаворкі, не падаючы выгляду, што хвалююся, быццам між іншым, пaпытаўся:

– A такі стан... Ну, гэтыя сны з мінулага... не паўторацца?

Іван Пятровіч зняў акуляры, задумліва пакруціў ix у руках i зноў уссунуў на нос.

– А хто яго ведае? Пры нейкіх новых стрэсавых сітуацыях... Але, калі што якое,– ад разу звяртайся да мяне.