Текст книги "Молитвы за родных и близких"
Автор книги: Анастасия Семенова
сообщить о нарушении
Текущая страница: 7 (всего у книги 10 страниц)
Между тем время, когда мы спим, необычайно важно в процессе выздоровления.
Я предлагаю перед сном помолиться. Это позволит вам избавиться от тягостных мыслей. (Просто-напросто они перестанут занимать вас.) Вечерние молитвы благословят вас на хороший сон. И во время сна над вашей головой будут витать светлые, успокаивающие образы – то есть те фантомы, которых вы вызвали к жизни словами своей молитвы.
Начало вечернего правила такое же, как и начало утреннего правила: от «Во имя Отца и Сына и Святаго Духа» по «Отче наш…» включительно.
Произнеся эти молитвы, дальше читаем:
Помилуй нас, Господи, помилуй нас; всякаго бо ответа недоумеюще, сию Ти молитву яко Владыце грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне яко благоутробен, и избави ны от враг наших; Ты бо еси Бог наш, и мы людие Твои, вси дела руку Твоею, и имя Твое призываем.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на Тя да не погибнем, но да избавимся Тобою от бед: Ты бо еси спасение рода христианского.
Господи, помилуй. (12 раз)
Господи Боже наш, еже согреших во дни сем словом, делом и помышлением, яко Благ и Человеколюбец прости ми. Мирен сон и безмятежен даруй ми. Ангела Твоего хранителя посли, покрывающа и соблюдающа мя от всякаго зла, яко Ты еси хранитель душам и телесем нашим, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва святого Иоанна Златоуста, по числу часов дня и ночи
Господи, не лиши мене небесных Твоих благ. Господи, избави мя вечных мук. Господи, умом ли или помышлением, словом или делом согреших, прости мя. Господи, избави мя всякаго неведения и забвения, и малодушия, и окамененнаго нечувствия. Господи, избави мя от всякаго искушения. Господи, просвети мое сердце, еже помрачи лукавое похотение. Господи, аз яко человек согреших, Ты же яко Бог щедр помилуй мя, видя немощь души моея. Господи, посли благодать Твою в помощь мне, да прославлю имя Твое святое. Господи Иисусе Христе, напиши мя раба Твоего в книзе животней и даруй ми конец благий. Господи Боже мой, аще и ничтоже благо сотворих пред Тобою, но даждь ми по благодати Твоей положити начало благое. Господи, окропи в сердце моем росу благодати Твоея. Господи небесе и земли, помяни мя грешнаго раба Твоего, студнаго и нечистаго во Царствии Твоем. Аминь.
Господи, в покаянии приими мя. Господи, не остави мене. Господи, не введи мене в напасть. Господи, даждь ми мысль благу. Господи, даждь ми слезы, и память смертную, и умиление. Господи, даждь ми помысл исповедания грехов моих. Господи, даждь ми смирение, целомудрие и послушание. Господи, даждь ми терпение, великодушие и кротость. Господи, всели в мя корень благих, страх Твой в сердце мое. Господи, сподоби мя любити Тя от всея души моея и помышления и творити во всем волю Твою. Господи, покрый мя от человек некоторых, и бесов, и страстей, и от всякия иныя неподобныя вещи. Господи, веси, яко твориши, якоже Ты волиши, да будет воля Твоя и во мне грешнем, яко благословен еси во веки. Аминь.
Молитва ко Пресвятой Богородице
Благаго Царя благая Мати, Пречистая и Благословенная Богородице Марие, милость Сына Твоего и Бога нашего излей на страстную мою душу и Твоими молитвами настави мя на деяния благая, да прочее время живота моего без порока прейду и Тобою рай да обрящу, Богородице Дево, едина Чистая и Благословенная.
Святому Ангелу-хранителю
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякаго лукавствия противнаго ми врага избави мя, да ни в коемже гресе прогневаю Бога моего; но моли за мя грешнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
Молитва покаянная
Ослаби, остави, прости, Боже, прегрешения наша, вольная и невольная, яже в слове и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко Благ и Человеколюбец. Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спасению прошения и жизнь вечную. В немощех сущия посети и исцеление даруй. Иже на мори управи. Путешествующим спутешествуй. Служащим и милующим нас грехов оставление даруй. Заповедавших нам недостойным молитися о них помилуй по велицей Твоей милости. Помяни, Господи, прежде усопших отец и братий наших и упокой их, идеже присещает свет лица Твоего. Помяни, Господи, братий наших плененных и избави я от всякаго обстояния. Помяни, Господи, плодоносящих и доброделающих во святых Твоих церквах, и даждь им яже ко спасению прошения и жизнь вечную. Помяни, Господи, и нас, смиренных и грешных и недостойных раб Твоих, и просвети наш ум светом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснодевы Марии и всех Твоих святых: яко благословен еси во веки веков. Аминь.
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.
Преславная Приснодево, Мати Христа Бога, принеси нашу молитву Сыну Твоему и Богу нашему, да спасет Тобою души наша.
Все упование мое на Тя возлагаю, Мати Божия, сохрани мя под кровом Твоим.
Богородице Дево, не презри мене грешнаго, требующа Твоея помощи и Твоего заступления, на Тя бо упова душа моя, и помилуй мя.
Просвети очи мои, Христе Боже, да не когда усну в смерть, да не когда речет враг мой: укрепихся на него.
Заступник душе моея буди, Боже, яко посреде хожду сетей многих; избави мя от них и спаси мя, Блаже, яко Человеколюбец.
Молитва святого Иофанникия
Упование мое Отец, прибежище мое Сын, покров мой Дух Святый: Троице Святая, слава Тебе.
(Творим крестное знамение и продолжаем молитву)
Честному Кресту
Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшего силу диаволю, и даровавшаго нам тебе Крест Свой Честный на прогнание всякаго супостата. О Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Когда отходим ко сну, читаем такую молитву:
В руце твои, Господи Иисусе Христе, Боже мой, предаю дух мой: Ты же мя благослови, Ты мя помилуй и живот вечный даруй ми. Аминь.
И далее можно приступать к чтению молитв об исцелении.
МОЛИТВЫ ОБ ИСЦЕЛЕНИИ
МОЛИТВЫ ОБ ИСЦЕЛЕНИИ ОТ ФИЗИЧЕСКИХ НЕДУГОВ
Если вы ухаживаете за больным родственником или мужем, читайте как можно чаще такую молитву:
Молитва Господу
Господи Иисусе Христе, Сыне Бога Живаго, Агнче Божий, вземляй грехи мира, Пастырю добрый, положивый душу Твою за овцы Твоя, Небесный Врачу душ и телес наших, исцеляяй всякий недуг и всякую язву в людех Твоих! Тебе припадаю, помози мне, недостойной рабе Твоей. Призри, Многомилостиве, на делание и служение мое, даждь ми быти верною в мале, послужити болящим, Тебе ради, носити немощи немощных, и не себе, но Тебе Единому угождати во вся дни живота моего. Ты бо рекл еси, о Сладчайший Иисусе: понеже сотвористе единому сих братий Моих меньших, Мне сотвористе. Ей, Господи, суди мне грешной по сему глаголу Твоему, яко да сподоблюся творити благую Твою волю во отраду и утешение искушаемых, недугующих раб Твоих, ихже искупил еси честною Твоею Кровию. Низпосли ми благодать Твою, попаляющую во мне страстей терние, Призвавый мя грешную на дело служения о Твоем имене; без Тебе не можем творити ничесоже: посети убо нощию и искуси сердце мое, внегда предстояти ми у возглавия болящих и низверженных; уязви душу мою Твоею любовию, вся терпящею и николиже отпадающею. Тогда возмогу, Тобою укрепляема, подвигом добрым подвизатися и веру соблюсти, даже до последнего моего издыхания. Ты бо еси Источник исцелений душевных же и телесных, Христе Боже наш, и Тебе, яко Спасителю человеков и Жениху душ, грядущему в полунощи, славу и благодарение и поклонение возсылаем, ныне и присно и во веки веков. Аминь.
Помните, молитва за другого человека бывает особенно сильна. Богу угодно, чтобы мы заботились о других, проявляя милосердие и сострадание. «Как вы сделали это одному из сих братьев Моих меньших, то сделали Мне», – говорит Господь в Евангелии от Матфея.
Когда больного бросает то в жар, то в холод, а также при желудочных болях помогает следующая молитва:
Молитва Господу
Владыко Вседержителю, Врачу душ и телес наших, смиряяй и возносяяй, наказуяй и паки исцеляяй! Раба Твоего (имя)немощствующа посети милостию Твоею, простри мышцу Твою, исполненну исцеления и врачбы, и исцели его, возстави от одра и немощи. Запрети духу немощи, отстави от него всяку язву, всяку болезнь, всяку огневицу и трясавицу, и еже есть в нем согрешение или беззаконие, ослаби, остави, прости Твоего ради человеколюбия. Ей, Господи, пощади создание Твое во Христе Иисусе, Господе нашем, с Нимже благословен еси, и со Пресвятым, и Благим и Животворящим Твоим Духом, ныне и присно и во веки веков. Аминь.
Эти две небольшие молитвы желательно выучить наизусть и, ухаживая за больным, повторять их про себя как можно чаще.
Две молитвы Господу
(для сестер милосердия и всех, ухаживающих за больным)
Боже сильный, милостию строяй вся на спасение роду человеческому, посети раба Своего сего (имя),нарицающа имя Христа Твоего, исцели его от всякого недуга плотскаго; и отпусти грех и греховныя соблазны, и всяку напасть, и всяко нашествие неприязнено даалече сотвори от раба Твоего. И воздвигни от одра греховнаго и устрой его во Святую Твою Церковь здрава душею и телом, и делы добрыми славящаго со всеми людьми имя Христа Твоего, яко Тебе славу возсылаем, со Безначальным Ти Сыном, и со Святым Духом, ныне и присно и во веки веков. Аминь.
О Премилосердный Боже, Отче Сыне и Святый Душе, в нераздельней Троице поклоняемый и славимый, призри благоутробно на раба Твоего (имя),болезнию одержимаго; отпусти ему вся согрешения его; подай ему исцеление от болезни; возврати ему здравие и силы телесныя; подай ему долгоденственное и благоденственное житие, мирные Твои и премирные блага, чтобы он вместе с нами приносил благодарные мольбы Тебе, всещедрому Богу и Создателю моему.
Пресвятая Богородица, всесильным заступлением Твоим помоги мне умолить Сына Твоего, Бога моего, об исцелении раба Божия (имя).
Все святые и Ангелы Господни, молите Бога о больном рабе Его (имя).Аминь.
Если в вашем доме есть больной, который уже давно не встает с кровати, введите такой порядок: каждый день, когда больной ничем не занят и отдыхает, читайте в его комнате по одной главе Евангелия. Перед и после главы следует творить следующую молитву.
Молитва Господу
(когда в доме тяжелый больной)
Спаси, Господи, и помилуй раба Твоего (имя)словами Божественного Евангелия, чтомыми о спасении раба Твоего. Попали, Господи, терние всех его согрешений, и да вселится в него благодать Твоя, опаляющая, очищающая, освящающая всего человека во имя Отца и Сына и Святаго Духа. Аминь.
Как показывает практика, чтение Евангелия всегда бывает очень полезным и может пробудить веру даже у атеиста. Дав ему веру, вы спасете его.
Если болеет ваш отец, муж, сын или другой родственник мужского пола, предложите ему прочитать такую молитву:
Молитва Господу
Господи Боже, Владыко жизни моей, Ты по благости Своей сказал: не хочу смерти грешника, но чтоб он обратился и жив был.Я знаю, что эта болезнь, которою я страдаю, есть наказание Твое за мои грехи и беззакония; знаю, что по делам моим я заслужил тягчайшее наказание, но, Человеколюбче, поступай со мною не по злобе моей, а по безпредельному милосердию Твоему. Не пожелай смерти моей, но дай мне силы, чтобы я терпеливо сносил болезнь, как заслуженное мною испытание, и по исцелении от нее обратился всем сердцем, всею душою и всеми моими чувствами к Тебе, Господу Богу, Создателю моему, и жив был для исполнения святых Твоих заповедей, для спокойствия моих родных и для моего благополучия. Аминь.
Если вы заболели сами, научитесь произносить следующую коротенькую молитву:
Молитва Господу
Господи, видишь Ты мою болезнь. Ты знаешь, как я грешна и немощна: помоги мне терпеть и благодарить Твою Благость. Господи, сотвори, чтобы болезнь эта была в очищение многих моих грехов. Владыко Господи, я в руках Твоих, помилуй меня по воле Твоей и, если мне полезно, исцели меня вскоре. Достойное по делам моим приемлю; помяни мя, Господи, во Царствии Твоем! Слава Богу за все!
Читать эту молитву вы можете и сидя в удобном кресле, и лежа в кровати. Главное – постарайтесь произносить ее слова со всей искренностью и смирением, на которые вы способны.
Если мысли о смерти стали приходить к вам на ум постоянно, читайте такую молитву.
Молитва Господу
(об избавлении от внезапной смерти)
Помышляю день судный и сокрытый от меня час моего исхождения из тела, плачу о содеянных мною грехах и, взирая на ожидающую меня землю, как из преддверия гроба моего, вопию: Ты, Всеблагий Господи Иисусе, в час исхода моего из жизни сей и в последующие за оным часы, о Иисусе, Сыне Божий, живых и мертвых упование, Иисусе Сладчайший, не остави меня, но помилуй мя.
Молитва Господу
(для защиты от злых и лукавых духов)
Господи Иисусе Христе, Сыне Божий, огради мя святыми Твоими ангелами и молитвами Всепречистыя Владычицы нашея Богородицы и Приснодевы Марии, силою Честнаго и Животворящаго Креста, святого архистратига Божия Михаила и прочих небесных сил бесплотных, святаго пророка и Предтечи Крестителя Господня Иоанна, святого апостола и евангелиста Иоанна Богослова, священномученика Киприана и мученицы Иустины, святителя Николая архиепископа Мир Ликийских чудотворца, святителя Льва епископа Катанского, святителя Иоасафа Белгородского, преподобнаго Сергия игумена Радонежского, преподобного Серафима Саровского чудотворца, святых мучениц Веры, Надежды, Любви и матери их Софии, святых и праведных Богоотец Иоакима и Анны и всех святых Твоих, помоги мне, недостойному рабу Твоему (имя),избави мя от всех навет вражиих, от всякого колдовства, волшебства, чародейства и от лукавых человек, да не возмогут они причинить мне некоего зла. Господи, светом Твоего сияния сохрани мя на утро, на день, на вечер, на сон грядущий, и силою Благодати Твоея отврати и удали всякие злые нечестия, действуемые по наущению диавола. Кто думал и делал – верни их зло обратно в преисподнюю, яко Твое есть Царство и Сила, и Слава, Отца и Сына и Святаго Духа. Аминь.
Если кто-то из ваших близких страдает запоями, каждый день читайте 15-ю главу Евангелия от Иоанна, а до и после нее следующую молитву:
Молитва Господу
Спаси, Господи, и помилуй рабов твоих (имярек)словесами Божественного Евангелия Твоего, читаемыми о спасении рабов твоих сих (имярек).
Попали, Господи, терние всех согрешений их, вольных и невольных, и да вселится в них благодать Твоя, просвящающая, опаляющая сего человека. Во имя Отца и Сына и Святаго Духа. Аминь.
Все знают, что многие болезни происходят от избыточного питания. Старайтесь хотя бы раз в день молиться о своих домашних такими словами:
Молитва Господу
(об очищении чрева от скверны)
Господи, сладчайшее брашно наше, никогдаже гиблюшее, но пребывающее в живот вечный! Очисти раба Твоего (имя)от скверны чревообъядения, чуждой Духа Твоего, и даруй ему познати сладость Твоего Животворящего духовного брашна, еже есть Плоть и Кровь Твоя и Святое живое и действенное Слово Твое.
Другой вариант молитвы дан нам святым и праведным отцом Иоанном Кронштадским:
Господи, призри милостиво раба Твоего (имя),прельщенного лестью чрева и плотского веселья. Даруй ему (имя)познать сладость воздержания в посте и проистекающих от него плодов Духа. Аминь.
В наиболее тяжелых случаях на Руси было принято молиться святому великомученику и целителю Пантелеимону. Еще будучи отроком, он возвращал зрение слепым, поднимал на ноги расслабленных, которых к нему приносили на носилках. Молитву Пантелеимону вы найдете в начаае книги.
В Петербурге особо почитают двух святых: блаженную Ксению Петербургскую и праведного Иоанна Кронштадского. Как известно, и Ксения, и Иоанн при жизни были целителями. Такими они остались и после смерти. Обратитесь за помощью к двум покровителям нашего города!
Молитва святой блаженной Ксении Петербургской
Помози, святая блаженная мати Ксение, младенцы светом Святаго Крещения озарити и печатью дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящие и недугующие исцели, семейным любовь и согласие ниспосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения святых Христовых таин умоли. Ты наша надежда и упование, скорое услышание и избавление. Тебе благодарение воссылаем и с тобою славим Отца и Сына и Святаго Духа ныне и присно и во веки веков. Аминь.
Молитва святому праведному Иоанну Кронштадтскому
О великий угодниче Христов, святый праведный отче Иоанне Кронштадский, пастырю дивный, скорый помощниче и милостивый предстателю! Любовию твоею озари нас, грешных и немощных, сподоби нас принести достойные плоды покаяния и неосужденно причащатися святых Христовых таин. Силою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави. Умири, чудотворче и провидче преизряднейший, народы страны нашея, благодатию и даром Святаго Духа избави от междоусобныя брани; расточенныя собери, прельщенные обрати и совокупи Святей твоей Соборной и Апостольской Церкви. Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушные утеши, страждущих от духов нечистых свободи, в нуждах и обстояниях сущих помилуй и всех нас на путь спасения настави.
Во Христе живый, отче наш Иоанне, приведи нас к невечернему свету жизни вечныя, да сподобимся с тобою вечного блаженства, хваляще и превозносяще Бога во веки веков. Аминь.
Среди русских святых есть один наиболее чтимый как чудотворец и исцелитель. Это преподобный Серафим Саровский. Он считается покровителем Руси, и, как свидетельствует Православная Церковь, с годами его помощь и заступничество только усиливаются. Подробнее об этом святом и молитва ему приведены в разделе «Любимые святые земли русской».
Сам же Серафим Саровский молился при жизни словами молитвы, которую я привожу ниже. В этих словах осталась вся его праведность, вся его сила. Молитесь же вместе с ним за всех православных христиан.
Молитва Серафима Саровского
Спаси, Господи, и помилуй всех православных христиан и во всяком месте владычествия Твоего православно живущие, подаждь им, Господи, душевный мир и телесное здравие, и прости им всякое согрешение, вольное же и невольное, и их святыми молитвами меня, окаянного, помилуй.
По исцелении от болезни не забудьте прочитать благодарственную молитву святого Иоанна Кронштадтского:
Молитва благодарственная, по исцелении
Слава Тебе, Господи Иисусе Христе, Сыне Единородный Безначального Отца, едине изцеляяй всяк недуг и всяку язю в людех, яко помиловал мя еси грешного и избавил еси мя от болезни моей, не попустив ей развиться и умертвить меня по грехам моим. Даруй мне отныне, Владыко, силу твердо творить волю Твою во спасение души моей окаянной и в славу Твою со Безначальным Твоим Отцем и Единосущным Твоим Духом, ныне и присно и во веки веков. Аминь.
МОЛИТВЫ ОБ ИСЦЕЛЕНИИ ОТ ДУШЕВНЫХ НЕДУГОВ
«Молитва есть врачество печали и уныния», – говорил преподобный Нил Синайский. Ниже я предлагаю вам несколько молитв от душевных недугов, от печали и скорби.
Святым мученицам Вере, Надежде, Любови и матери их Софии
О святые и достохвальные мученицы Веро, Надеждо и Любы, и доблестных дщерей мудрая мати Софие, к вам ныне притецем с усердною молитвою; что бо паче возможет предстательствовати за ны пред Господем, аще не вера, надежда и любы, три сия краеугольные добродетели, в нихже образ нареченныя, самою вещию тыя явисте! Умолите Господа, да в скорбех и напастех неизреченною благодатию Своею покрыет ны, спасет и сохранит, яко Благ есть и Человеколюбец. Того славу, яко солнце незаходимое, ныне зряща светолепну, споспешствуйте, нам во смиренных молениих наших, да простит Господь Бог грехи и беззакония наша и да помилует нас грешных и недостойных щедрот Его. Молите убо о нас, святые мученицы, Господа нашего Иисуса Христа, Емуже славу возсылаем со Безначальным Его Отцем и Пресвятым и Благим и Животворящим Его Духом, ныне и присно и во веки веков. Аминь.
Молитва о даровании терпения в скорби и печали
О Дивный Создателю, Человеколюбивый Владыко, многомилостивый Господи! С сердцем сокрушенным и смиренным сице молю Тя: не возгнушайся грешнаго моления моего, не отрини слез моих и воздыхания, услыши мене, якоже хананею, не призри мене, якоже блудницу, яви и на мне грешнем великую милость человеколюбия Твоего, ризою Твоею честною защити, помилуй и подкрепи мя, да вся посылаемые от Тебе беды и напасти со благодарением в надежде вечных благ претерплю: изряднее же печаль мою на радость претвори, да не в отчаяние впаду и погибну аз, окаянный. Ты бо еси источник милости и непостыдная спасения нашего надежда, Христе Боже наш, и Тебе славу возсылаем со безначальным Твоим Отцем и с Пресвятым и Благим и Животворящим Твоим Духом, ныне и присно и во веки веков. Аминь.
Молитва мученику Трифону
О святой мучениче Христов Трифоне, скорый помощниче всем, к тебе прибегающим и молящимся перед святым твоим образом скоропослушный предстателю! Услыши ныне и на всякий час моление нас, почитающих святую память твою, и предстательствуй о нас пред Господом на всяком месте. Ты бо, угодниче Христов, святый мучениче и чудотворче Трифоне, в великих чудесех возсиявый, прежде исхода твоего от жития сего пленнаго, молился еси за ны ко Господу и испросил еси у Него дар сей: аже кто в коей-либо нужде, беде, печали и болезни душевней или телесней призывати начнет святое имя твое, той избавлен будет от всякого прилога злаго. И якоже ты некогда дщерь цареву, во граде Риме от диявола мучиму, исцелил еси, сице и нас от лютых его коней сохрани во все дня жития нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель, идеже ты ныне предстояши с лики святых у престола Божия. Моли Господа, да сподобит и нас причастниками быть присносущего веселия и радости, да с тобою купно удостоимся славити Отца и Сына и Святого Утешителя Духа во веки веков. Аминь.
Молитва святителю Иоанну Златоусту
О святителю великий Иоанне Златоусте! Ты многая и различная дарования от Господа приял еси, и яко раб благий и верный, вся данныя тебе таланты добре умножил еси: сего ради воистинну вселенский учитель был еси, яко всяк возраст и всяко звание от тебе получается. Се бо отроком послушания образ явился еси, юным – целомудрия светило, мужем – трудолюбия наставник, старым – незлобия учитель, иноком – воздержания правило, молящимся – вождь от Бога вдохновенный, мудрости ищущим – ума просветитель, ветиям доброглаголивым – слова живаго источник неисчерпаемый, благотворящим – милосердия звезда, начальствующим – правления мудрого образ, правды ревнителям – дерзновения вдохновитель, правды ради гонимым – терпения наставник: всем вся был еси, да всяко некия спасаеши. Над всеми же сии стяжал еси любовь, яже есть соус совершенства, и тою, яко силою Божественною, вся дарования в души твоей во едино совокупил еси, и туюдже любовь, разделенная примиряющую, в толковании словес апостольских всем верным проповедал еси. Мы же грешнии, по единому кийиждо свое дарование имуще, единения душа и союз мира не имамы, но бываем тщеславни, друг друга раздражающе, друг другу завидяще: сего ради дарования наша разделенная не в мир и спасение, но во вражду и осуждение нам преложишася. Тем же к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку горесть и зависть, нас разделяющия, да во мнозех удех едино тело церковное невозбранно пребудем, да по словеси твоему молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь.
Молитва святой великомученице Варваре
Святая славная и всехвальная великомученице Христова Варваре! Собраннии днесь в храме твоем Божественнем людие, и раце мощей твоих покланяющиися и любовию целующии, страдания же твоя мученическая и в них Самого страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от твоего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нуждная прошения, и дарует христианскую кончину животу нашему: безболезненну, непостыдну, мирну, Божественных таин причастну; и всем на всяком месте, во всякой скорби и обстоянии, требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здравии пребывающе, славим дивнаго во святых Своих Бога Израилева, не удаляющего помощи Своея от нас, ныне и присно и во веки веков. Аминь.
Молитва от обидчиков мученику Иоанну Воину
О великий Христов мучениче Иоанне, правоверных поборниче, врагов прогонителю и обидимых заступниче! Услыши нас, в бедах и скорбех молящихся тебе, яко дана тебе бысть благодать от Бога печальныя утешати, немощным помогати, неповинныя от напрасныя смерти избавляти и за всех зле страждущих молитися. Буди убо и нам поборник крепок на вся видимыя и невидимыя враги наша, яко да твоею помощию и поборством по нас посрамятся вси являющии нам злая. Умоли Господа нашего, да сподобит ны грешныя и недостойныя рабы Своя получити от Него неизреченная благая, яже уготова любящим Его, в Троице Святей славимого Бога, всегда ныне и присно и во веки веков. Аминь.
