Текст книги "Лекарство от скорби и утешение в унынии. Молитвы и обереги"
Автор книги: Елена Исаева
сообщить о нарушении
Текущая страница: 7 (всего у книги 15 страниц) [доступный отрывок для чтения: 7 страниц]
О, Пресвятая Госпоже Владычице Богородице, вышши еси всех ангел и архангел, и всея твари честнейши, помощнице еси обидимых, ненадеющихся надеяние, убогих заступнице, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление. О, Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше, на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум, и очи сердечнии, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего; яко держава Его благословенна и препрославлена, со Безначальным Его Отцем, и с Пресвятым, и Благим, и Животворящим Его Духом, ныне и присно, и во веки веков. Аминь.
Молитва иная 2Пресвятая Владычице моя Богородице, святыми Твоими и всесильными мольбами отжени от мене, смиреннаго и окаяннаго раба Твоего, уныние, забвение, неразумие, нерадение и вся скверная, лукавая и хульная помышления от окаяннаго моего сердца и от помраченнаго ума моего; и погаси пламень страстей моих, яко нищ есмь и окаянен. И избави мя от многих и лютых воспоминаний и предприятий и от всех действ злых свободи мя. Яко благословенна еси от всех родов, и славится Пречестное имя Твое во веки веков. Аминь.
Песнь БогородицеБогородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
«Достойно есть»Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Молитва о разрешении от бремениО, Преславная Матерь Божия, помилуй меня, рабу Твою, и прииди ко мне на помощь во время моих болезней и опасностей, с которыми рождают чад все бедные дщери Евы. Вспомни, о Благословенная в женах, с какою радостию и любовию Ты шла поспешно в горнюю страну посетить сродницу Твою Елисавету во время ея беременности и какое чудесное действие произвело благодатное посещение Твое и в матери, и в младенце. И по неисчерпаемому благосердию Твоему даруй и мне, уничиженней рабе Твоей, разрешитися от бремени благополучно; даруй мне сию благодать, чтобы дитя, покоящееся теперь под моим сердцем, пришедши в чувство, с радостным взыгранием, подобно святому младенцу Иоанну, поклонялось Божественному Господу Спасителю, Который из любви к нам, грешным, не возгнушался и Сам стать Младенцем. Неизглаголанная радость, которою преисполнилось девственное Твое сердце при воззрении на новорожденного Твоего Сына и Господа, да усладит скорбь, предстоящую мне среди болезней рождения. Жизнь мира, мой Спаситель, рожденный Тобою, да спасет меня от смерти, пресекающей жизнь многих матерей в час разрешения, и да причтет плод чрева моего к числу избранных Божиих. Услыши, Пресвятая Царице Небесная, смиренную мольбу мою и призри на меня, бедную грешницу, оком Твоея благодати; не постыди моего упования на Твое великое милосердие и осени меня. Помощница христиан, Исцелительница болезней, да сподоблюсь и я испытать на себе, что Ты – Матерь милосердия, и да прославлю всегда Твою благодать, не отвергшую никогда молитвы бедных и избавляющую всех призывающих Тебя во время скорби и болезней. Аминь.
Вопль к Богоматери в скорби и недугеО чем молить Тебя, чего просить у Тебя? Ты ведь все видишь, знаешь Сама: посмотри мне в душу и дай ей то, что ей нужно. Ты, все претерпевшая, премогшая, все поймешь. Ты, повившая Младенца в яслях и принявшая Его Своими руками со Креста, Ты одна знаешь всю высоту радости, весь гнет горя. Ты, получившая в усыновление весь род человеческий, взгляни и на меня с материнской заботой. Из тенет греха приведи меня к Своему Сыну. Я вижу слезу, оросившую Твой лик. Это надо мной Ты пролила еe, и пусть смоет она следы моих прегрешений. Вот я пришла, я стою, я жду Твоего отклика, о Богоматерь, о Всепетая, о Владычице! Ничего не прошу, только стою пред Тобой. Только сердце моe, бедное человеческое сердце, изнемогшее в тоске по правде, повергаю к Пречистым ногам Твоим, Владычицe! Дай всем, кто зовет Тебя, достигнуть Тобою вечного дня и лицем к лицу поклониться Тебе.
Пресвятой Богородице после самопроизвольного абортаМилосердия двери отверзи нам, Благословенная Богородице, надеющиися на Тя да не погибнем, но да избавимся Тобою от бед, Ты бо еси спасение рода христианскаго. Радуйся, Едина Пречистая Мати Единаго Создателя, Господа, Бога и Спаса нашего, Иисуса Христа! Буди ми Ходатаица в день страшнаго испытания, егда предстану Престолу Нелицемернаго Судии, яко да огненнаго прещения муки избавлюся молитвами Твоими, Едина Благословенная. Пресвятая Богородице, спаси нас!
Молитва за чад Божией МатериО Пресвятая Владычице Дево Богородице, спаси и сохрани под покровом Твоим моих чад (имена), всех отроков, отроковиц и младенцев; крещеных и безымянных, и во чреве матери носимых. Укрой их ризою Твоею Материнства, соблюди их в страсе Божием и послушании родителем, умоли Господа моего и Сына Твоего, да дарует им полезное ко спасению их. Вручаю их Материнскому смотрению Твоему, яко Ты еси Божественный покров рабом Твоим. Аминь.
Канон ко Пресвятой Богородице (во всякой скорби и обстоянии) Тропарь, глас 4К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибaем от множества прегрешений, не отврати Твоя рабы тщи, Тя бо и едину надежду имамы (2 раза).
Слава и ныне: Не умолчим никогда, Богородице, силы Твоя глаголати, недостойнии: аще бо Ты не бы предстояла молящи, кто бы нас избавил от толиких бед, кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.
Псалом 50: Помилуй мя, Боже...
Канон, глас 8
Песнь 1
Воду прошед яко сушу, и египетскаго зла избежав, израильтянин вопияше: Избавителю и Богу нашему поим.
Пресвятая Богородице, спаси нас.
Многими содержимь напастьми, к Тебе прибегаю, спасения иский: о Мати Слова и Дево, от тяжких и лютых мя спаси.
Пресвятая Богородице, спаси нас.
Страстей мя смущают прилози, многаго уныния исполнити мою душу; умири, Отроковице, тишиною Сына и Бога Твоего, Всенепорочная.
Слава: Спаса рождшую Тя и Бога, молю, Дево, избавитися ми лютых: к Тебе бо ныне прибегая, простираю и душу и помышление.
И ныне: Недугующа телом и душею, посещения Божественнаго и промышления от Тебе сподоби, едина Богомати, яко благая, Благаго же Родительница.
Песнь 3
Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных утверждение, едине Человеколюбче.
Пресвятая Богородице, спаси нас.
Предстательство и покров жизни моея полагаю Тя, Богородительнице Дево: Ты мя окорми ко пристанищу Твоему, благих виновна, верных утверждение, едина Всепетая.
Пресвятая Богородице, спаси нас.
Молю, Дево, душевное смущение и печали моея бурю разорити: Ты бо, Богоневестная, начальника тишины Христа родила еси, едина Пречистая.
Слава: Благодетеля рождши добрых виновнаго, благодеяния богатство всем источи, вся бо можеши, яко сильнаго в крепости Христа рождши, Богоблаженная.
И ныне: Лютыми недуги и болезненными страстьми истязаему, Дево, Ты ми помози: исцелений бо неоскудное Тя знаю сокровище, Пренепорочная, неиждиваемое.
Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству.
Призри благосердием, всепетая Богородице, на мое лютое телесе озлобление, и исцели души моея болезнь.
Тропарь, глас 2
Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари, и от бед избави нас, едина вскоре предстательствующая.
Песнь 4
Услышах, Господи, смотрения Твоего таинство, разумех дела Твоя и прославих Твое Божество.
Пресвятая Богородице, спаси нас.
Страстей моих смущение, кормчию рождшая Господа, и бурю утиши моих прегрешений, Богоневестная.
Пресвятая Богородице, спаси нас.
Милосердия Твоего бездну призывающу подаждь ми, Яже Благосердаго рождшая и Спаса всех поющих Тя.
Пресвятая Богородице, спаси нас.
Наслаждающеся, Пречистая, Твоих дарований, благодарственное воспеваем пение, ведуще Тя Богоматерь.
Слава: На одре болезни моея и немощи низлежащу ми, яко Боголюбива, помози, Богородице, едина Приснодева.
И ныне: Надежду и утверждение и спасения стену недвижиму имуще Тя, Всепетая, неудобства всякаго избавляемся.
Песнь 5
Просвети нас повелении Твоими, Господи, и мышцею Твоею высокою Твой мир подаждь нам, Человеколюбче.
Пресвятая Богородице, спаси нас.
Исполни, Чистая, веселия сердце мое, Твою нетленную дающи радость, веселия рождшая виновнаго.
Пресвятая Богородице, спаси нас.
Избави нас от бед, Богородице чистая, вечное рождши избавление, и мир, всяк ум преимущий.
Слава: Разреши мглу прегрешений моих, Богоневесто, просвещением Твоея светлости, Свет рождшая Божественный и превечный.
И ныне: Исцели, Чистая, души моея неможение, посещения Твоего сподобльшая, и здравие молитвами Твоими подаждь ми.
Песнь 6
Молитву пролию ко Господу, и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли, Боже, возведи мя.
Пресвятая Богородице, спаси нас.
Смерти и тли яко спасл есть, Сам Ся издав смерти, тлением и смертию мое естество ято бывшее, Дево, моли Господа и Сына Твоего, врагов злодействия мя избавити.
Пресвятая Богородице, спаси нас.
Предстательницу Тя живота вем и хранительницу тверду, Дево, и напастей решащу молвы, и налоги бесов отгоняющу; и молюся всегда, от тли страстей моих избавити мя.
Слава: Яко стену прибежища стяжахом, и душ всесовершенное спасение, и пространство в скорбех, Отроковице, и просвещением Твоим присно радуемся: о, Владычице, и ныне нас от страстей и бед спаси.
И ныне: На одре ныне немощствуяй лежу, и несть исцеления плоти моей: но, Бога и Спаса миру и Избавителя недугов рождшая, Тебе молюся, Благой: от тли недуг возстави мя.
Кондак, глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву, и потщися на умоление, предстательствующи присно, Богородице, чтущих Тя.
Кондак иной, глас 6
Не имамы иныя помощи, не имамы иныя надежды, разве Тебе, Пречистая Дево. Ты нам помози, на Тебе надеемся, и Тобою хвалимся, Твои бо есмы рабы, да не постыдимся.
Стихира, глас 6
Не ввери мя человеческому предстательству, Пресвятая Владычице, но приими моление раба Твоего: скорбь бо обдержит мя, терпети не могу демонскаго стреляния, покрова не имам, ниже где прибегну окаянный, всегда побеждаемь, и утешения не имам, разве Тебе, Владычице мира, упование и предстательство верных, не презри моление мое, полезно сотвори.
Песнь 7
От Иудеи дошедше отроцы, в Вавилоне иногда, верою Троическоюпламень пещный попраша, поюще: отцев Боже, благословен ecu.
Пресвятая Богородице, спаси нас.
Наше спасение якоже восхотел еси, Спасе, устроити, во утробу Девыя вселился еси, Юже миру предстательницу показал еси: отец наших Боже, благословен еси.
Пресвятая Богородице, спаси нас.
Волителя милости, Егоже родила еси, Мати чистая, умоли избавитися от прегрешений и душевных скверн верою зовущим: отец наших Боже, благословен еси.
Слава: Сокровище спасения и Источник нетления, Тя рождшую, и столп утверждения, и дверь покаяния, зовущим показал еси: отец наших Боже, благословен еси.
И ныне: Телесныя слабости и душевныя недуги, Богородительнице, любовию приступающих к крову Твоему, Дево, исцелити сподоби, Спаса Христа нам рождшая.
Песнь 8
Царя Небеснаго, Егоже поют вои ангельстии, хвалите и превозносите во вся веки.
Пресвятая Богородице, спаси нас.
Помощи яже от Тебе требующия не презри, Дево, поющия и превозносящия Тя во веки.
Пресвятая Богородице, спаси нас.
Неможение души моея исцеляеши и телесныя болезни, Дево, да Тя прославлю, Чистая, во веки.
Слава: Исцелений богатство изливаеши верно поющим Тя, Дево, и превозносящим неизреченное Твое рождество.
И ныне: Напастей Ты прилоги отгоняеши и страстей находы, Дево: темже Тя поем во вся веки.
Песнь 9
Воистину Богородицу Тя исповедуем, спасеннии Тобою, Дево Чистая, с безплотными лики Тя величающе.
Пресвятая Богородице, спаси нас.
Тока слез моих не отвратися, Яже от всякаго лица всяку слезу, отъемшаго, Дево, Христа рождшая.
Пресвятая Богородице, спаси нас.
Радости мое сердце исполни, Дево, Яже радости приемшая исполнение, греховную печаль потребляющи.
Пресвятая Богородице, спаси нас.
Пристанище и предстательство к Тебе прибегающих буди, Дево, и стена нерушимая, прибежище же и покров и веселие.
Слава: Света Твоего зарями просвети, Дево, мрак неведения отгоняющи, благоверно Богородицу Тя исповедающих.
И ныне: На месте озлобления немощи смирившагося, Дево, исцели, из нездравия во здравие претворяющи.
Стихиры, глас 2
Высшую небес и чистшую светлостей солнечных, избавлыпую нас от клятвы, Владычицу мира песньми почтим.
От многих моих грехов немощствует тело, немощствует и душа моя; к Тебе прибегаю, Благодатней, надеждо ненадежных, Ты ми помози.
Владычице и Мати Избавителя, приими моление недостойных раб Твоих, да ходатайствуеши к Рождшемуся от Тебе; о, Владычице мира, буди Ходатаица!
Поем прилежно Тебе песнь ныне, всепетой Богородице, радостно: со Предтечею и всеми святыми моли, Богородице, еже ущедрити ны.
Вся aнгелов воинства, Предтече Господень, апостолов двоенадесятице, святии вси с Богородицею, сотворите молитву, во еже спастися нам.
Молитва по окончанииканона (в скорби и обстоянии)
Царице моя преблагaя, надеждо моя Богородице, приятелище сирых и странных предстaтельнице, скорбящих рaдосте, обидимых покровительнице! Зриши мою беду, зриши мою скорбь, помози ми яко немощну, окорми мя яко стрaнна. Обиду мою веси, разреши ту, яко волиши: яко не имам иныя помощи разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.
Молитва инаяК кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, надеждо христиан и прибежище нам, грешным? Кто паче Тебе в напастех защитит? Услыши убо стенание мое, и приклони ухо Твое ко мне, Владычице Мати Бога моего, и не презри мене, требующаго Твоея помощи, и не отрини мене, грешнаго. Вразуми и научи мя, Царице Небесная; не отступи от мене, раба Твоего, Владычице, за роптание мое, но буди мне Мати и заступница. Вручаю себе милостивому покрову Твоему: приведи мя, грешнаго, к тихой и безмятежной жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О, Владычице Царице Небесная! Ты мне упование и прибежище, покров и заступление и помощь. Царице моя преблагая и скорая заступнице! Покрый Твоим ходатайством моя прегрешения, защити мене от враг видимых и невидимых; умягчи сердца злых человек, возстающих на мя. О, Мати Господа моего Творца! Ты еси корень девства и неувядаемый цвет чистоты. О, Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление; и Твоим пречудным заступлением да избавлюся от всякия беды и напасти, о пренепорочная и преславная Божия Мати Марие.
Темже со упованием глаголю и вопию: радуйся, благодатная, радуйся, обрaдованная; радуйся, Преблагословенная, Господь с Тобою.
Иконы Божией Матери
В древнерусском искусстве, точно так же, как и в мыслях верующих, на втором месте по значению после образов Иисуса Христа стоят образы Божией Матери. Пресвятая Дева была Матерью Бога по плоти, поэтому Ее с полным правом можно назвать «начатком спасения» мира. Чистая и непорочная земная Дева дала плоть Сыну Божиему, став «вместилищем Невместимого», и смогла показать, как должно очиститься естество человеческое, если все верующие пойдут за Спасителем. Пресвятая Дева, став Владычицей мира, является постоянной Заступницей рода человеческого. Ведь порожденное муками Иисуса материнское сострадание нашло в Ней отклик на любые людские беды. И хотя в Евангелии имеются только скупые сведения о Ее земной жизни, христиане с самых древних времен бережно сохраняют в своих сердцах все, что связано с Ней, в частности с тем, как и когда были написаны первые Ее иконы.
Первые образы Царицы Небесной были написаны при Ее жизни во плоти одним из апостолов Христа от семидесяти – евангелистом Лукой. Позднее этот образ стал эталоном для создания всех существующих Богородичных икон, причем не только в Византии, но и на Руси.
Некоторые историки довольно скептически относятся к данной легенде. Однако до сих пор никто не может ни опровергнуть, ни подтвердить ее правоту. Дело в том, что до нынешних времен не сохранилось ни одной иконы Божией Матери, которая была бы датирована I веком нашей эры – тем временем, когда были живы и Пресвятая Дева, и святой Лука.
Зато существует множество икон Божией Матери, написанных во II-III веках, и черты Ее лица, с завидной точностью повторяющиеся на этих иконах, возможно, списаны с более древнего оригинала, созданного при жизни Пресвятой Девы.
«Всех скорбящих радость»Образ Царицы Небесной «Всех скорбящих радость» впервые проявил чудесные свойства в Москве в 1688 году. В то время икона находилась в Свято-Преображенском храме, который был расположен на Ордынке. К помощи образа прибегла Ефимия, приходившаяся родной сестрой патриарху Иоакиму.
Ефимия страдала от язвы в боку и подолгу молилась Матери Божией об исцелении. И однажды во время молитв женщина услышала чудный голос, поведавший ей о существовании иконы «Всех скорбящих радость», находящейся в храме Преображения Господня. Голос повелел Ефимии заказать водосвятный молебен данному образу, который должен был отслужить священник из этого храма. После этого Ефимия должна была получить чудесное исцеление.
Сестра патриарха заинтересовалась образом и очень быстро выяснила, что в храме Преображения действительно имеется такой. Он размещается на левой стороне в том месте, где обычно молятся все женщины. Тогда Ефимия повелела доставить образ к себе домой, где по ее просьбе священник отслужил молебен с освящением воды. После этого язва больной затянулась. Это произошло 24 октября по старому летосчислению, и с той поры образ «Всех скорбящих радость» помог исцелиться многим страждущим.
К его помощи не раз прибегали как простые люди, так и царственные особы. В 1711 году сестра Петра Великого, великая княгиня Наталья Алексеевна, велела списать с иконы копию и установить ее в Петербурге, в дворцовой церкви. Во времена правления императрицы Елизаветы Петровны для образа Божией Матери «Всех скорбящих радость» был построен отдельный храм. Третья копия чудотворной иконы в настоящее время находится в Успенском Кирсановском соборе.
Православная Церковь чтит день памяти образа «Всех скорбящих радость» 6 ноября (24 октября по старому стилю).
Тропарь, глас 2
Всех скорбящих радосте и обидимых заступнице, и алчущих питательнице, странных утешение, обуреваемых пристанище, больных посещение, немощных покрове и заступнице, жезле старости, Мати Бога Вышняго Ты еси, Пречистая: потщися, молимся, спастися рабом Твоим.
Кондак, глас 6
Не имамы иныя помощи, не имамы иные надежды, разве Тебе, Владычице. Ты нам помози, на Тебе надеемся и Тобою хвалимся, Твои бо есмы раби, да не постыдимся.
Молитва 1
Надеждо ненадежных, сило безпомощных, пристанище обуреваемых, покрове напаствуемых, заступление обидимых, хлебоманно, услаждающая алчущих, нектаре небеснаго упокоения жаждущих, Мати Преблагословеннаго Бога, Преблагословенная и Пренепорочная Дево! К Тебе единей прибегаю, к Твоему покрову вседушно преклоняю колена, Владычице. Не презри плача и слез, утехо плачущих! Аще ужасает мя мое недостоинство и окаянство моих грехов, но уверяет мя цельбоносный сей образ, на немже благодать Твою и силу, яко неисчерпаемое море, вижду: слепых прозревших, скачущих хромых, странствующих аки под сению Твоего призрения, матерне упокоенных и по всему прошению благоизобильствующих: на оных помилования образ взирая, прибегох, слеп сый душевныма очима и хром душевными чувствы. О, Свете Незаходимый! Просвети и исправи мя: веси всякую мою скорбь, веси всякую беду, не презри моления моего, о Полезнодательнице! Не возгнушайся мене грешнаго, не презри мене сквернаго; вем, яко вся можеши, елика волиши, о добрая надеждо моя, упование мое от сосцу матере моея. К Тебе привержен есмь от чрева матери моея, Тебе оставлен есмь, не остави мене, не отступи от мене, ныне и присно и во веки веков. Аминь.
Молитва 2
Царице моя преблагaя, надеждо моя, Богородице, приятелище сирых и странных предстaтельнице, скорбящих рaдосте, обидимых покровительнице! Зриши мою беду, зриши мою скорбь, помози ми яко немощну, окорми мя яко стрaнна. Обиду мою веси, разреши ту, яко волиши: яко не имам иныя помощи, разве Тебе, ни иныя предстaтельницы, ни благия утешительницы, токмо Тебе, о Богомaти, яко да сохраниши мя и покрыеши во веки веков. Аминь.
Молитва 3
О, Пресвятая Владычице Богородице, Высшая Херувим и Честнейшая Серафим, Богоизбранная Отроковице, всех скорбящих радосте!
Подаждь утешение и нам, в скорби сущим, разве бо Тебе инаго прибежища и помощи не имамы. Ты Едина еси радости нашея ходатаица, и яко Мати Божия и Мати Милосердия, предстоящи у Престола Пресвятыя Троицы, можеши нам помощи, никтоже бо притекаяй к Тебе посрамлен отходит.
Услыши убо и нас, ныне в день скорби пред Твоею иконою припадающих и со слезами Тебе молящихся, отжени от нас належащия на нас скорби и печали в сей временной жизни, не лишены же сотвори ны Твоим всесильным ходатайством и вечныя нескончаемыя радости во Царствии Сына Твоего и Бога нашего, Емуже подобает всякая слава, честь и поклонение, со Безначальным Его Отцем, и со Пресвятым и Благим и Животворящим Его Духом, ныне и присно и во веки веков. Аминь.
Молитва 4
О, Пресвятая Владычице Богородице, Преблагословенная Мати Христа Бога Спасителя нашего, всех скорбящих радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте, и всем безпомощным всегда готовая помоще и верное прибежище! Тебе, о Всемилостивая, дадеся от Всевышняго благодать во еже всех заступати и избавляти от скорби и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго и Того на кресте распинаема зрящи, егда оружие Симеоном предреченное сердце Твое пройде. Темже убо, о Мати чадолюбивая, вонми гласу моления нашего, утеши нас в скорби сущих, яко верная радости ходатаица: предстоящи Престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити. Сего ради с верою сердечною и любовию от души припадаем к Тебе, яко Царице и Владычице, и псаломски вопити Тебе дерзаем: слыши, Дщи, и виждь, и приклони ухо Твое, услыши моление наше, и избави нас от обстоящих бед и скорбей; Ты бо прошения всех верных, яко скорбящих радость, исполняeши, и душам их мир и утешение подаеши. Се зриши беду нашу и скорбь: яви нам милость Твою, посли утешение уязвленному печалию сердцу нашему, покажи и удиви на нас, грешных, богатством милосердия Твоего, подаждь нам слезы покаяния к очищению грехов наших и утолению гнева Божия, да с чистым сердцем, совестию благою и надеждою несумненною прибегаем к Твоему ходатайству и заступлению: приими, Всемилостивая наша Владычице Богородице, усердное моление наше, Тебе приносимое, и не отрини нас, недостойных, от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческия, буди нам помощница неотступная во все дни жизни нашея, яко да под Твоим матерним покровом всегда пребудем цели и сохранены Твоим заступлением и молитвами к Сыну Твоему и Богу Спасителю нашему, Емуже подобает всякая слава, честь и поклонение, со Безначальным Его Отцем и Святым Духом, ныне и присно и во веки веков. Аминь.
Название образа «Всех скорбящих радость» говорит само за себя. Этой иконе молятся в скорбях, напастях и при любых недугах.
