Текст книги "Хоку (на белорусском языке)"

Автор книги: Владимир Орлов

сообщить о нарушении

Текущая страница: 1 (всего у книги 1 страниц)

Орлов Владимир (2)
Хоку (на белорусском языке)

Уладзiмiр Арлоў

Хоку

* * *

Грэйся, яшчарка,

памiж цёплых камянёў.

Доўжыцца жнiвень.

* * *

Маленькi сьлiмак

задумаўся пра вечнасьць

на цёплай рэйцы.

* * *

Няўжо, крынiца,

ты дасюль ня ведаеш,

як мяне завуць?

* * *

Узгорак, белы

ад дзьмухаўцовых куляў,

глядзi, не ўзьляцi.

* * *

Там, на гарышчы

ў пушцы з жаўнерыкамi

жыве маленства.

* * *

Чаму ты маўчыш,

зязюля-прарочыца,

у маiм садзе?

* * *

Дзьмухаўцовы пух

у тваёй жарай грыўцы.

Скончыўся травень.

* * *

Пялёсткi вiшняў

прыплылi па рачулцы

з майго дзяцiнства.

* * *

Зялёны вецер

прынёс з таго берага

згадкi пра цябе.

* * *

Пярсьцёнак-зьмейка,

толькi ён застаецца

берагчы цябе.